Odeyi 13:3 - IWE ỌNỊNỊ

³ Dị ẹ za awẹ, dị ẹ mẹ̀ aduwa, dị ẹ sị ụvọ tụra Ịbanabasị ọnịrị Ịsọọrụ, dị ẹ kụ́ wa nyaatụ nị.

Odeyi 13:3 Iomraidhean Croise

Ịrịka 27:23

dị ọ sị ịrẹsụ, dị ọ sị ọ jẹẹ ka ọ vị ọdọvịdị anka Ẹnẹyịmavara mẹ ka nị.

Iruuku 2:37

Dị ọ kụkụ vana aa mẹ osoku hụrẹ ịrayị ẹbẹẹna tụra ẹẹna nị. Ọ mā hụụnị irehi Ohomorihi pooro. Dị aa ba awẹ, dị ọ raa mẹ̀ aduwa, ọ màa hẹkẹ Ohomorihi ọọdụ ọnịrị ịrahụ nị.

Odeyi 1:24

Dị odeyi nịnị mẹ̀ aduwa dị ẹ ka, “Ananyị yị, wâ yẹ ayị avaba aza. Agụvị avọọ sị zụ̀ yị ọza ọnị ụ wàa nyị ịnị ẹnị ẹyịva ẹnẹnị

Odeyi 13:2

Ẹ màa mẹ ụkọrọọ yị Ananyị yị, dị ẹyaa za awẹ, dị Ụhwẹ Ọnịnị kà a yị wa ka, “Sị Ịbanabasị ọnịrị Ịsọọrụ tịtẹ mị nịnị, dị ẹ̀ na mẹ̀ ụkọrọ ọnị mị hị́ wa tụ́ ịnị anị!”

Odeyi 13:4

Aza ẹnị ẹyịva ọnị Ụhwẹ Ọnịnị tụ́ ụtụ aanị, ê chí nọ Iserusiya, dị ẹ na ngụ ẹpa hụụ ịzọọ, dị ẹ nọ Ịsayịpịrụsị nị.

Odeyi 14:23

Ịnị ịragụ Ohomorihi ọnya-ọnya, Ịpọọrụ nịnị ệ nyị azọkụ ịragụ yị wa. Dị ẹ mẹ̀ aduwa, dị ẹ za awẹ, dị ẹ kụ́ aza ẹnẹẹ chire Ananyị yị ẹnị ẹnịnị sị ayị tụra ụvọ nị.

Odeyi 14:26

Ẹnịnị ệ hụụ ịzọọ, dị ẹ ngụ ẹpa và nọ Antịyọkị nị. Ịzọọ a yà sị wa chire Ohomorihi ụvọ ka Ohomorihi ọ̀ mẹ ọyịza yị wa agụvị ụkọrọ ẹnẹẹ sị mẹ ta aanị nị.

Odeyi 15:40

Dị Ịpọọrụ ọnị rẹ nyị Isira, dị ọdọwụ nịnị sị wa chire Ohomorihi ụvọ ka ọ̀ mẹ ọyịza yị wa; dị ẹyaa na nị.

Odeyi 6:6

Dị ẹ kụ́ wa nọ ịdị odeyi nịnị nị. Dị odeyi nịnị mẹ̀ aduwa yị wa, dị ẹ sị ụvọ tụra wa nị.

Odeyi 9:17

Dị Ananịya na, dị ọ ngụ irehi ọnị Ịsọọrụ yà, dị ọ sị ụvọ tụra a nị. Dị ọ ka, “Ịsọọrụ ẹnẹbẹnị ayị, Ananyị yị ọ tụ́ mị hi wu nọ. Ijeesu ọnị ụvọta m maa kà nị, ana sị ẹngụ zụ̀ wụ óze, ụ màa vẹ ịzẹnị. O ka ma vẹ, di eyi awụ ọ̀ varẹma há, dị Ụhwẹ Ọnịnị ọ̀ rẹ dọ avaba ayị awụ!”

Aniroomi 10:15

Ọza ọ̀ yị tụ́ ọza ka ọ̀ na kà enube ọnọọ, ọ mẹmẹ va naa kà a? Â vịdị vavọọ chẹrẹẹ tụ́ ini Iwe Ohomorihi ka, “Ọọ da zoza kẹnẹ ka aza anaā kà enube ọyịza aa vẹ.”

1 Itimoti 4:14

Asị ụ navọ ụkata ọnị Ụhwẹ Ọnịnị sị wụ tịtẹ! Wáa yẹ ka ọ́nịsẹ nịnị mẹ̀ kà ịrẹyị, dị azọkụ ịragụ Ohomorihi sị ụvọ tụra wụ dị ẹ mẹ̀ aduwa, Ụ́hwẹ Ọnịnị sị ụkata ọnọọ yị wụ nị.

1 Itimoti 5:22

Asị ụ há eyi sị ụvọ tụra ọza, dị ụ wa mẹ̀ aduwaa yọ. Asị ụ na bẹ tụ́ ịnị ịvị ọza ẹnẹsa! Re ka wáa nyị ayị ọnịnị!

2 Itimoti 1:6

Agụvị avọọ, mee sì ka wa tamayị ụkata oni Ohomorihi sị wụ, m mẹ̀ sị ụvọ tụra wụ, dị mị mẹ̀ aduwaa wụ. Waa sị ụkata ọnọọ mẹ̀ ịsaa hu avọọ.

2 Itimoti 2:2

Wâ wụ́ ịrẹyị ọnị mị raà sị zụ̀ aza eyi aza ọrụrụ-ọrụrụ. Ẹ̀wà rẹ sị ịrẹyị ọnọọ, dị u we si chire aza ana á zụ sị ayị tụra ụvọ, dị ẹ́ rẹ yẹ, a mẹ̀ vọrọ ka ẹ̀ sịị zụ̀ aza ẹnẹsa.

3 Ịjọọnụ 1:6

Azọga ẹnẹẹ ệ kà a yị anịragụ Ohomorihi ana yà ịzẹnị ụ mẹmẹ sì ịrẹyị ẹnịnị. Wâ mẹẹ ẹtẹẹrẹ. Aarịhịnị wa yịị gụ wa ụvọ, ẹ̀ẹ yaa jịnẹ hụụ ịdị awụ anka ịsị Ohomorihi sì.

3 Ịjọọnụ 1:8

Agụvị avọọ, áa vọrọ ka ya gụ wa ụvọ, dị ya và ụvọ beri wa ịnị ịrẹyị Ohomorihi nị.