Odeyi 12:7 - IWE ỌNỊNỊ

⁷ Kẹnẹ, dị anggẹẹrị Ohomorihi vana va jẹẹ ịzọọ dị ẹtẹ hweyi ini irehi ẹngwa nị. Dị anggẹẹrị ọnọọ sị ụvọ nya Ipita ịza, dị ọ ha a, dị ọ ka ọ̀ wụsẹ kwẹẹtẹ nị. Dị ẹba ẹnẹẹ wụsẹ ngwara hụụnị ụvọ Ipita nị.

Odeyi 12:7 Iomraidhean Croise

2 Ịsamụwẹrị 22:29

Ẹnẹyịmavara ẹwa vị ẹtohweyi amị nộ. Ịrahụ ana kara mị ẹwa sị ẹtohweyi va yị mị.

1 Ohinọyị 19:5

Ịjị ọ vavọọ sị kà, dị ọ hụtụ iruvo ọchị irotemi ọnọọ, dị aa sụ́ ara nị. Dị anggẹẹrị ọnya vana vẹ, dị ọ sị ụvọ kanyị ọ dị ọ ka ọ̀ kwẹẹtẹ dị ọ̀ rị ịsa nị.

1 Ohinọyị 19:7

Dị anggẹẹrị Ẹnẹyịmavara ọnọọ rẹ vẹ ụpẹ ọhụva, dị ọ rẹ sị ụvọ kanyị Erija nị. Dị ọ rẹ ka, “Kwẹẹtẹ dị wa rị ịsa ka ụsẹ ọnọnị va sị gọdọ wụ baaba.”

Ahẹ Ụgama 107:14

Ohomorihi ọ tụ̀ wa hụụnị etohozi chatakuu eni e hi ịnị anị, dị ọ jị ẹba ana a sị tụ́ wa và ha nị.

Ahẹ Ụgama 116:16

Ẹnẹyịmavara, ozi ahụ mị vị nị, ẹ yị vị ka vị a nyị ịsị ẹmị yà ịnị anị nị. Ozi ọnẹẹ ana vị ozi ahụ awụ mị vị nị. Wa raà tụ̀ mị hụụnị ẹba ana a sị tụ́ mị.

Ahẹ Ụgama 146:7

Ọnị ọọ̄ vụ̀ ịrẹvụụ yị aza ana aza aa mẹ ehunaa yị nị. Ọnị ọ rẹẹ sị ịsọyịrịị yị ọza ọnị ụngwẹ aa kụ̀ nị. Ọnị ọọ̄ hụrẹ aza ana a za hi ịnị ẹngwa nị.

Ahẹ Ụgama 34:7

Anggẹẹrị Ẹnẹyịmavara vị ana maanị yà kara aza ana sị ayị tụra Ohomorihi dị ệ dọ ọ tụ́ ka asị a nyị ịsị ẹ mẹ̀ ẹ nị.

Ahẹ Ụgama 68:6

Ohomorihi ọọ̄ sị ọnị ịrịnya dị ọ mẹ ka ọ̀ nyị aza nị Ọ́ rẹ kụ́ aza ana a za hi ịnị ẹngwa dị ọ kụ́ wa jịnẹ ka ẹ̀ẹ zị hwana-hwana, dị ẹ̀ẹ jẹ ịrajẹ nị. Ama aza ana kwẹẹtẹ tù Ohomorihi vị ọnị kú ne hi ịnị ẹtẹ ụngwẹ.

Ayịsaya 37:30

Dị Ayịsaya va kà a yị ohinọyị Ihezekaya ka: Apọtẹrẹwa ịsị ẹ vaa mẹ yị: Ayịrọnị ọnịrị ụpọsa, apaapa ana chị́ hi ịnị avị kẹnẹ ụ vaa rị nịnị nị. Ama ịrayị anaa vaa tụra a vẹ u ve zuu chire apaapa awụ, dị ụ ha a. Ụ vee chire ụbazị ịvayịnị, dị ụ ha ẹtụtụ anị.

Ayịsaya 60:1

Kwẹẹtẹ Ijerusarẹmị, dị ụ waa zẹtẹ anka ọyị. Ụbanyị Ẹnẹyịmavara aa zẹtẹ ịnị ẹhẹ awụ.

Ijeremaya 40:1

Ijeremaya ka, Ẹnẹyịmavara ộ kà ịrẹyị yị ọnị Inebuzaradani mẹ raa hụrẹ ọnị ụvọ ẹtẹ Ịraama. Ọ kà vị́ a vịdị tụ ọnị ẹba na ngụ ịzọọ beri aza ana vọ ana kụ hụrị Ijerusarẹmị ọnịrị Ijuda nị. Dị a kụ ẹnị ne hi Ịbabịrọnị anka ọrịhị avọọ nị.

Ezikẹẹrị 43:2

Ezikẹẹrị ka ọnị mẹ yà ịzọọ, ọnị ô ré Ohomorihi Anisirẹrị mẹ hụrị eyi ọnị ọyịị̄ zịị vẹ aa vẹ, ọnịrị ụbanyị anị, ọnị ộ wụ ọngwẹ Ohomorihi maa sụrẹyị anka okuha ọbanyị enee sì avọọ. Dị ụbanyị anị ọnọnị mẹ ka avaba ẹtẹ ọọ zẹtẹ nị.

Ịdanịyẹrị 3:28

Dị ohinọyị ka: À sị ụga yị Ohomorihi Isediraki, Imesaki ọnịrị Abedinego nị. Ọ kà, Ohomorihi ọ tụ anggẹẹrị anị dị ọ va dọ ezi ahụ anị anaa hẹkẹ ẹ, dị ẹ sị ayị tụra a ha nị. Ọ kà ẹnịnị ệ sị ahụ jịnẹ ọda anị, ka asị chọmọ ọnị ẹnị vaa vaku ẹtẹ dị ẹnị ẹ hẹkẹ ori anị, ẹnị ẹ dọ ka ẹnị e su.

Ịdanịyẹrị 6:22

Ọ kà, Ohomorihi ộ tụ anggẹẹrị anị va sị ịsa kú idu nịnị irenu ka asị ẹ zụ mẹ̀ ọnị ịrẹyị. Agụvị ka ộ yẹ ka ẹ yị nyị odivi ọnị ọnị mẹ, dị ẹ̀ yị rẹ nyị odivi ọnị ọnị mẹ hi ẹwụ ohinọyị nị.

Imika 7:9

Ẹnẹyịmavara ya raà rị ịvị awụ, agụvị avọọ yaa sị ẹngụ dọ ọyịkụ awụ. Ama ọ vị ịrẹma anị, ụ vaa vụ ịrẹvụ yị yị, di u sí atọ ịsị a mẹ yị. Ọ vaa sị yị vẹ ịnị ẹtohweyi; ọ vaa dọ yị ha.

Ihabaku 3:11

Dị ọyị ọnịrị ụhwẹ za ku jẹẹ, dị ọpa ọnịrị ọha e yaa za ẹtẹ anka inyaanya nị.

Ihabaku 3:4

Dị ụbanyị anị aa zẹtẹ chanyị-chanyị anka ọyị avọọ nị. Dị ẹtohweyi aa zẹtẹ hụụ ịnị ụvọta anị ịzị ụkata anị tẹ̀ tụ nị.

Imatiwu 2:13

Ịjị e si hu, dị anggẹẹrị Ohomorihi sị ẹngụ zụ̀ Ijosẹẹhụ ịnị ụra nị. Dị ọ kà a yọ ka, ọ̀ kwẹẹtẹ dị ò si ozi ọnọọ ọnịrị ọnyị anị, dị ò zwe nọ Ijipiti nị. Ọ kà ọ̀ yà ịzọọ pooro ne tu ịhị ọnị ọnị ọ̀ọ kà a yọ ka ọọ vẹ, agụvị ka Ịhẹrọdị ee si ka ọnị ọ̀ wụ ozi ọnọọ.

Iruuku 2:9

Dị anggẹẹrị Ohomorihi vana hụrẹ hi wa nị; dị igirima Ohomorihi aa zẹtẹẹ kara wa nị. Dị angwa ee hí wa ẹtẹẹtẹrẹ nị.

Iruuku 24:4

O si hí wa irenu, di e vene re aza ẹnị ẹẹva aanị, ene chire awuru ọvụ sẹnẹ-sẹnẹ ka ệ jẹẹ pe wa ịzọọ nị.

Odeyi 10:30

Dị Ịkọnẹrịyọsị ka, “Ụmẹ aanị ajịnọgwẹẹna mị sị sị aa mẹ̀ aduwa ini eehi amị nị, ịnị ụmẹ agogo ẹẹta ọọdụ. Di mi vene re ka ọza ịnya ene chire awuru ọvụ sẹnẹ-sẹnẹ jẹẹ ọ́vịdị amị nị.

Odeyi 12:23

Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.

Odeyi 12:6

Ịnị ịrahụ ịhị ọnị Ịhẹrọdị ro ka ọnị aa sị Ipita nee tù aza aanị, dị Ipita ọnị aa sụ̀ ara ịnị akakana isoja ẹẹva nịnị nị. Dị a sị ẹba ẹẹva sụ́ ọọ, di oserẹtẹ nịnị jẹẹ oze, di eyee sere ẹngwa nị.

Odeyi 12:8

Dị anggẹẹrị ọnọọ ka ò tenyi ẹngụ anị, dị ọ̀ kụ́ adava anị hi ahụ nị. Dị Ipita vavọọ mẹ nị. Dị anggẹẹrị ọnọọ rẹ ka ọ̀ sị awuru anị chire, dị ọ̀ọ dụ ọnịị vẹ nị.

Odeyi 16:26

Kẹnẹ, dị ẹtẹ vene henyi jigi-jigi, dị avaba irehi ẹngwa na ngụ ịzị a kà ẹtẹ hụrẹ henyi jigi-jigi nị. Obooboro dị avaba oze na hi ẹtẹ, dị ịchẹkẹchẹkẹ anịnẹngwa nịnị hụrẹ và hi ẹtẹ pẹrẹ-pẹrẹ nị.

Odeyi 2:24

Ama Ohomorihi ộ ha a hụụnị isu, ộ dọ ọ hụụnị ụvọ isu, agụvị ka ọ yị rụra mẹ ka isu ọ̀ za a.

Odeyi 5:19

Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka:

Odeyi 9:3

Ọ màa na, aa gụrị Ịdamasịkọsị kẹnẹ, dị ẹtẹ vene hweyi kara a hụrẹ ẹbẹẹba vẹ nị.

Anẹhwẹsọsị 5:14

Ịsị ẹ̀ẹ sị ngụ ịnị ịnọyị-ịnọyị, ịrẹyị ẹtohweyi ọ kụkụ vị nị. Agụvị avọọ a kà a ka, “Ẹwụ ana aa sụ ara, wa ha! Ha hụụnị isu, Ikirisiti vaa sị ẹtohweyi yị wụ!”

Anihiburu 1:14

Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.

Ẹtore 18:1

Ịrẹma ẹnẹẹ, di mi re re anggẹẹrị ọsa ana hụrẹ ẹbẹẹba ee chii vẹ nị. Ộ nyị ụkata ẹtẹẹtẹrẹ, di igirima anị sị ẹhẹ hweyi nị.