Odeyi 12:5 - IWE ỌNỊNỊ

⁵ A mẹ̀ sị Ipita tụ́ ịnị ẹngwa, dị anịragụ ẹnẹẹ ẹ̀ yị tụ́ ụhwọ́, dị ẹyaa mẹ̀ aduwaa hi Ohomorihi ẹtẹẹtẹrẹ agụvị ịrẹyị Ipita nị.

Odeyi 12:5 Iomraidhean Croise

Imatiwu 18:19

Dị ma rẹ kà a yị wụ nịnị ka: Aza ẹnị ẹẹva ịnị ẹngụ awụ nịnị ẹ̀ẹ sị ayị vị ọnya ịnị ẹhẹ ịnị ịsa ene èeyee họ̀ use, Ada amị ana yà ẹbẹẹba vị ana aa mẹ̀ ẹ yị wa.

Iruuku 18:1

Ijeesu ô che ụhịrẹyị ọnya yị wa, ana sị zụ̀ wa ka â vọrọ ka ọza ọ̀ọ mẹ̀ aduwa pooro, dị asị ọ tụ́ ọọ.

Odeyi 12:12

Ịjị Ipita maanị sị yẹ, dị ọ nọ ini eehi Imeri ana vị ọnyị Ịjọọnụ ọnị ịrẹha ẹtẹ anị rị Ịmaakị nị. Aza ọrụrụ-ọrụrụ vị ana kụ́ gụ ịzọọ, dị ẹyaa mẹ̀ aduwa.

Odeyi 12:4

Ịjị ọ sị Ipita za, dị ọ sị ọọ na tụ́ ịnị ẹngwa nị. Dị ọ sị ọọ chire isoja nịnị ana a gà ẹnẹẹna hi oze ẹẹna ụvọ, dị ọ ka è sị eyi pe e nị. Di o ro ka àa sị Eche Ọyịparahu rị kwooze, dị à va mẹ̀ ọkarẹyị anị éyi avaba aza nị.

Odeyi 12:6

Ịnị ịrahụ ịhị ọnị Ịhẹrọdị ro ka ọnị aa sị Ipita nee tù aza aanị, dị Ipita ọnị aa sụ̀ ara ịnị akakana isoja ẹẹva nịnị nị. Dị a sị ẹba ẹẹva sụ́ ọọ, di oserẹtẹ nịnị jẹẹ oze, di eyee sere ẹngwa nị.

1 Anịkọrịntị 12:26

Ọchẹngụ ọnya àaa rị ụya, avaba ana vọ e ree beri ọọ rị ụya nị. Àa sị ụbanyị yị ọnya, avaba ana vọ ee pee jẹ nị.

2 Anịkọrịntị 1:11

Ẹwụ nịnị ọ̀ rẹẹ sị aduwaa gụ yị ụvọ, dị Ohomorihi ọ̀ dọ aduwa ọnị aza ọrụrụ-ọrụrụ mẹ, dị aza ọrụrụ-ọrụrụ ẹ̀ zụụ ga Ohomorihi agụvị ayị ini oze ịsa ọnị ọ mẹ yị.

1 Anịtẹsaronika 5:17

Waa mẹ̀ aduwa nịnị pooro.

Anihiburu 13:3

Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.