Odeyi 12:4 - IWE ỌNỊNỊ

⁴ Ịjị ọ sị Ipita za, dị ọ sị ọọ na tụ́ ịnị ẹngwa nị. Dị ọ sị ọọ chire isoja nịnị ana a gà ẹnẹẹna hi oze ẹẹna ụvọ, dị ọ ka è sị eyi pe e nị. Di o ro ka àa sị Eche Ọyịparahu rị kwooze, dị à va mẹ̀ ọkarẹyị anị éyi avaba aza nị.

Odeyi 12:4 Iomraidhean Croise

Ẹsịta 3:13

Ệ kú iwe ẹnẹẹ tụ́ ọnụtụ ohinọyị nịnị ka ẹ̀ ga a zịịzị yị ọdọvịdị ẹkụra nịnị ịnị ẹtẹ ọnọọ nị. Dị a ka à wụ̀ avaba Aniju nịnị ịnị ẹkụhị ọnya nị. Ẹkụhị ọnọọ ọ vị ẹkụhị ẹwụrẹta ịnị ụhwẹ ẹwụrẹva ana aā hị́ Ada nị. Ọda ọnọọ vị ana a mẹ ka è vú Aniju nịnị ẹtẹ saka-saka. Asị a nyị aza ana vọ ẹtẹ ịnị ẹnịnị vụrụ-vụrụ.

Ọyịkụra 12:1

Ẹnẹyịmavara ộ kà a yị Imosiisi ọnịrị Eerọnị e mè hi Ijipiti, dị ọ ka:

Ụhịrẹyị 19:21

Aza ẹ zụ mẹ aro ọrụrụ-ọrụrụ tụ ịnị ayị ama ịsị Ẹnẹyịmavara oo si ọọ̄ vaa mẹ nị.

Ụhịrẹyị 27:1

Asị ọza wo oto ịrẹyị ụhwọọ agụvị ka ọza ọ yị yẹ eyi ana vaa nị.

Arụwẹ 3:37

Ẹnẹ nyẹngụ ka ịrẹyị dị ọ sị gẹ ẹ̀ẹ yị vị Ananyị yị sị ụvọ tụ ọ?

Imatiwu 24:9

Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

Imatiwu 26:5

Dị ẹ ka asị a mẹ̀ ẹ ịnị akakana eche, agụvị ka ịrẹkụ va sị chị yị aza nị.

Ịmaakị 14:1

Ọ sị vọ ẹkụhị ẹẹva, dị à rị eche ana aā hị́ Eche Ọyịparahu, ọnịrị eche ana a rẹ sịị̄ rị Ịbụrẹẹdị ọnị ọza ọ̀ yị mā sị òwù tụ́. Dị ohirẹsụ ẹbanyị irehi Ohomorihi beri ọzwọzọda nịnị ee sì oze ka ẹ́nị mẹ̀ vaa mẹ vene Ijeesuu za, dị ẹnị ẹ̀ na wụ ọọ nị.

Iruuku 21:12

Dị ịsa ẹnẹnị ẹ̀ va mẹ, a vaa za wụ nịnị, dị aa sị ụyaa rị wụ nịnị. A vaa za wụ nịnịị nọ ini irehi Ohomorihi, dị ẹ kụ́ wụ nịnị hi ịnị ẹngwa. A rẹ vaa za wụ nịnịị nọ ịdị ohinọyị ọnịrị ọdọvịdị nịnị agụvị amị.

Iruuku 22:33

Dị Ipita ka, “Ananyị yị, ma sị ẹngụ tenyi ka à za ẹmịrị ẹwụ tụ́ ịnị ẹngwa, dị à hyakụ wụ ẹmịrị ẹwụ bẹẹ.”

Ịjọọnụ 19:23

Ịjị isoja nịnị raà kanyị Ijeesu za apavahị, dị ẹ kụ́ awuru anị, dị ẹ gà a hi oze ẹẹna nị. Dị isoja ọnya-ọnya ẹnịnị kụ́ oze ọnya-ọnya nị. Dị ẹ rẹ vavọọ sị ọtịnịnẹ awuru anị nị. Ọtịnịnẹ awuru anị vị ene e hí ọnya kẹnẹ, ọza ọ yị gẹ ẹ.

Ịjọọnụ 21:18

Ịzẹyịza m maa kà a wụ nị, ịjị ụ vị ozweyi, ụụ̄ sị ịsaa sụ́ ọtẹ, dị ụ waa nọ ịzị èe zé wu eyi. Ama Ịjị u wèe si bo, ụ vaa tana ụvọ awụ, dị ọza ẹnẹsa sụ́ wụ, dị ọ sị wụ aa nọ ịzị ụ wẹ̀ yị yaanị sì ka wa nọ.”

Odeyi 12:3

O mè re ka ô hine Aniju nịnị, dị ọ rẹ na za Ipita nị. Ụmẹ ọnọọ, a sịị̄ rị Eche Ịbụrẹẹdị ọnị ọza ọ̀ yị mā sị òwù tụ́ nị.

Odeyi 12:5

A mẹ̀ sị Ipita tụ́ ịnị ẹngwa, dị anịragụ ẹnẹẹ ẹ̀ yị tụ́ ụhwọ́, dị ẹyaa mẹ̀ aduwaa hi Ohomorihi ẹtẹẹtẹrẹ agụvị ịrẹyị Ipita nị.

Odeyi 4:28

Ệ gẹ ka ẹnị ẹ̀ mẹ̀ ịsa ẹnẹ ẹwụ vịdị sị ọọ kà ịnị ụkata awụ ọnịrị u mè sì ọ ka ọ vaa mẹ.

Odeyi 4:3

Dị ẹ za wa, dị ẹ kụ́ wa ne hi ini otumare, ka ẹ̀ yà ịzọọ ne tù eyinẹhẹ anị nị, agụvị ka ọyị ộ ta.

Odeyi 5:18

Dị ẹ za odeyi nịnị, dị ẹ kụ́ wa tụ́ ịnị otumare ịjọva nị.

Odeyi 8:3

Dị Ịsọọrụ oni ee sì ka oni ò vú ịragụ Ohomorihi ẹtẹ nị. Dị aa ngụ irehi-irehii zị, ịzị ọ̀ọ yà re ọdọwụ nịnị, àa vị ọnọrụ, àa vị ọnẹẹ, dị ọ za wa, dị ọ kụ́ wa ne hi ịnị ẹngwa.