Odeyi 12:3 - IWE ỌNỊNỊ

³ O mè re ka ô hine Aniju nịnị, dị ọ rẹ na za Ipita nị. Ụmẹ ọnọọ, a sịị̄ rị Eche Ịbụrẹẹdị ọnị ọza ọ̀ yị mā sị òwù tụ́ nị.

Odeyi 12:3 Iomraidhean Croise

Ahẹ Ụgama 76:10

Aza aa kụ́ ayị ọnọọ vị ana vaa mẹ ka aza ẹ̀ẹ sị ụbanyịị wụ, dị aza ana vọ ana aa kụ́ ayị za ụvọ chire enyi nị.

Ọyịkụra 23:15

Ụ vaa rị Eche ọnị ọza ọ̀ yị ma sị owu tụ́ ịnị ịsa anị. Ịnị ẹkụhị ịhịmba wẹ yị vaa sị owuu tụ́ ịnị ịsa awụ nịnị. Wâ tamayị ka avọọ m mẹ̀ vịdị mẹ̀ ẹ ọdaa wụ nị. Ụmẹ anị òo si tụ́ ịnị ụhwẹ Abibi du u re ka wâ vavọọ mẹ̀ ẹ. Wáā yẹ ka ịnị ụhwẹ ọnọọ ụ jịnẹ hụrẹ Ijipiti nịnị nị. Wàa vavọọ aa vaa hẹkẹ mị nịnị, asị a nyị ọza ana jị avọ osusu vẹ.

Imatiwu 26:17

O si tù ẹkụhị ịpaapa ini Eche Ịbụrẹẹdị ẹnẹ ẹ̀ yị nyị òwù. Dị ezirẹma Ijeesu ve tù ọọ, dị ẹ họ̀ ọ ka, “Ịzị u wee sì ka ye ne tenyi tịtẹ yị wụ, dị ụ wa na yà rị Eche Ọyịparahu?”

Ịjọọnụ 12:43

Ẹnịnị ê sì ka aza ẹ̀ẹ kà ọdaa yị ẹnị huna e mè sì ka Ohomorihi ọ̀ kà ọda yị ẹnị.

Ịjọọnụ 19:11

Dị Ijeesu ka, “Wẹ yị yaanị nyị ụkata ọyịmẹ̀ mị ịsọnyị-ịsọnyị, ẹ̀ yị vị oni Ohomorihi sị ụkata ọnọọ yị wụ. Ọza ana sị mị chire wu ụvọ, ịvị anị banyị hu nị.”

Ịjọọnụ 21:18

Ịzẹyịza m maa kà a wụ nị, ịjị ụ vị ozweyi, ụụ̄ sị ịsaa sụ́ ọtẹ, dị ụ waa nọ ịzị èe zé wu eyi. Ama Ịjị u wèe si bo, ụ vaa tana ụvọ awụ, dị ọza ẹnẹsa sụ́ wụ, dị ọ sị wụ aa nọ ịzị ụ wẹ̀ yị yaanị sì ka wa nọ.”

Odeyi 12:4

Ịjị ọ sị Ipita za, dị ọ sị ọọ na tụ́ ịnị ẹngwa nị. Dị ọ sị ọọ chire isoja nịnị ana a gà ẹnẹẹna hi oze ẹẹna ụvọ, dị ọ ka è sị eyi pe e nị. Di o ro ka àa sị Eche Ọyịparahu rị kwooze, dị à va mẹ̀ ọkarẹyị anị éyi avaba aza nị.

Odeyi 2:14

Dị Ipita kwẹẹtẹ jẹẹ beri ẹnị ẹwụrọnya ana vọ, di o nowu tụ́ ẹba, dị ọ kà a yị aza ẹnẹẹ ka, “Ẹwụ nịnị anda ayị Anijudiya ọnịrị ẹwụ nịnị ana ra hi Ijerusarẹmị, batọ ịrẹyị amị, dị ma kà a wụ nịnị iruvo ịsị ẹ mẹ aanị.

Odeyi 20:6

A mẹ̀ sị Eche Ịbụrẹẹdị ọnị ọza ọ̀ yị mā sị òwù tụ́ ịnị anị rị kwooze, dị ị ngụ ẹpa hụrẹ Ihwiripi, di i ve tù wa Itirowasị ịhị ẹ tụ́ ọọ ẹkụhị ẹẹhị nị. Dị ị yà ịzọọ mẹ ẹkụhị ịhịmba nị.

Odeyi 24:27

Ị́rayị ẹẹva mẹ̀ sị mẹ para hu, dị Ịpọkịyọsị Ịhwẹsịtọsị dọ Ịhwẹrịsị ịrẹsụ nị. Ịhwẹrịsị ô sì ka ọnị ọ̀ mẹ ịsị Aniju nịnị sì, agụvị avọọ dị ọ navọ Ịpọọrụ tụ́ ịnị ẹngwa nị.

Odeyi 25:9

Ịhwẹsịtọsị ô sì ka ọnị ọ̀ mẹ̀ ịsa ana Aniju nịnị ee sì, dị ọ kà a yị Ịpọọrụ ka, “Ụ waa hịrẹẹ nọ Ijerusarẹmị, dị ma na mẹ̀ ọkarẹyị ịrẹyị ọnọnị ịzọọ?”

Odeyi 4:13

Ịjị anikootu maanị wụ́, ô hí wa irenu ka ayị Ipita ọnịrị Ịjọọnụ ọ́ maanị vị́, ịnị ụmẹ ana ahịka aza kẹnẹ ẹ vị nị, ẹnịnị ẹ yị yẹ iwe. Ệ yẹ ka ịdị Ijeesu ẹ vịdị yà nị.

Anigaratiya 1:10

U wéé yi ro ka m maa dụ ka ọza ọ̀ọ ga mị nị, à vị Ohomorihi mi sì ka ọ̀ọ ga mị nị? Eyi ọza m maa mẹ̀ nị? Mèe yii sì ka ma mẹ eyi ọza, mẹ yị zụ vị ozi ahụ Ijeesu Ikirisiti.

1 Anịtẹsaronika 2:4

Ohomorihi ộ dọ ka yáa vị aza ana a vọrọ ka ọnị ọ̀ sị enube ọyịza chire ụvọ. Agụvị avọọ, avọọ ị màa kà ịrẹyị nị. Yẹ yị kà ịrẹyị ene zé aza eyi; ama ịrẹyị ene zé Ohomorihi eyi, ị yaa kà nị. Ọnị ọọ̄ zama ayị ayịị re nị.