Odeyi 12:10 - IWE ỌNỊNỊ

¹⁰ Ệ para oserẹtẹ ịpaapa hu, ệ para ụpẹ ọhụva hu, di e kuku ve tù oze enyusẹ ana na ngụ ini ubooro nị. Dị oze ọnọọ ọnị ụvọta na yị ẹngụ anị, dị ẹnịnị para hu na jịnẹ nị. Dị ẹ và tụra oze ọnya aa na, dị anggẹẹrị ọnọọ vana hụụ ịdị Ipita nị.

Odeyi 12:10 Iomraidhean Croise

Oyinyima 40:3

Dị ọ ka a kụ́ wa ne hi ini ẹngwa nị. Ọga isoja ana si eyi pe irehi ohinọyị ọ sị eyi pè ẹngwa ịzọọ nị. Ịzọọ Ijosẹẹhụ ọnị rẹ yà aa mẹ ẹngwa nị.

Oyinyima 42:17

Dị ọ kụ́ wa ne hi ini otumare, dị ẹ mẹ ẹkụhị ẹẹta ịzọọ nị.

Ayịsaya 21:8

Di oserẹtẹ ọnọọ ka ooho nị. Dị ọ ka avọọ ọnị mèe sere ẹtẹ pooro nị.

Ịrịka 15:34

ka ẹnịnị ẹ yị yẹ ịsị a vọrọ ka a mẹ̀ ẹ, di e gu oze hi ọ nị.

Ịjọọnụ 20:19

Oruva ịhị ọnọọ gẹdẹ-gẹdẹ ana vị ẹkụhị ọsẹ, dị ezirẹma Ijeesu kụ́ gụ hi ini eehi, di e chire oze hi ẹngụ nị, agụvị ka angwa Aniju nịnị ee hí wa. Dị Ijeesu vana va jẹẹ ịnị akakana ẹnịnị, dị ọ kụ́ wa ka, “Ẹngwọọrọ ọ̀ vị awụ nịnị!”

Ịjọọnụ 20:26

Ịrẹma ẹkụhị ịhịnta para hu, di ezirẹma Ijeesu rẹ kụ́ gụ hi ini eehi nị. Ịtọmọsị kụkụ yà ịzọọ pe wa. Oze vị vị oyichire, dị Ijeesu rẹ vana va jẹẹ ịnị akakana ẹnịnị nị. Dị ọ rẹ kụ́ wa ka, “Ẹngwọọrọ ọ̀ vị awụ nịnị!”

Odeyi 12:4

Ịjị ọ sị Ipita za, dị ọ sị ọọ na tụ́ ịnị ẹngwa nị. Dị ọ sị ọọ chire isoja nịnị ana a gà ẹnẹẹna hi oze ẹẹna ụvọ, dị ọ ka è sị eyi pe e nị. Di o ro ka àa sị Eche Ọyịparahu rị kwooze, dị à va mẹ̀ ọkarẹyị anị éyi avaba aza nị.

Odeyi 16:26

Kẹnẹ, dị ẹtẹ vene henyi jigi-jigi, dị avaba irehi ẹngwa na ngụ ịzị a kà ẹtẹ hụrẹ henyi jigi-jigi nị. Obooboro dị avaba oze na hi ẹtẹ, dị ịchẹkẹchẹkẹ anịnẹngwa nịnị hụrẹ và hi ẹtẹ pẹrẹ-pẹrẹ nị.

Odeyi 5:19

Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka:

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị: