Odeyi 11:8 - IWE ỌNỊNỊ

⁸ Ama dị mị ka: ‘Vụrụ-vụrụ, Ananyị yị, mẹ yị sị ịsa ẹnẹ ẹ̀ yị nị, ọnịrị ịsa eenyisi kanyị irenu amị da.’

Odeyi 11:8 Iomraidhean Croise

Ihoseya 9:3

Ẹnịnị ẹ yị vaa ra ịnị ẹtẹ Ẹnẹyịmavara. Aza ẹnyị ẹnịnị vị ana vaa kụ varẹma nọ Ijipiti, dị aa kụ ọba ẹnyị nọ Asiriya ịzị ẹ vaa rị ịsa enyisi.

Ireevi 10:10

 nyị ka ẹnịnị ẹ̀ sị ịsa ana vị Ohomorihi tụ irenyi yị ịsa kẹnẹ ana vọ, dị ẹ̀ rẹ sị ịsa ana wụra mẹ ido tụ irenyi yị ịsa ẹnẹ ẹ̀ yị wụra mẹ ido.

Ireevi 11:47

Re ka waa sị ana vị ịsa eenyisi tụ irenyi yị ịsa ẹnẹ ẹ̀ yị vị ịsa eenyisi nịnị, dị wa rẹ sị uye ana aa rị tụ irenyi yị uye ọnị ọza ẹ̀ yị ma rị nịnị.

Ịmaakị 7:2

Dị ẹnịnị re ka ezirẹma anị ẹnyị aa sị ụvọ ịdọtịị rị ịsa nị, ọnọọ vị ka ẹ yị nyịna ụvọ ẹnịnị, dị ẹ vaa rị ịsa.

Odeyi 11:7

Dị mị wụ́ ọngwẹ ọnya, dị ọ ka: ‘Ipita, kwẹẹtẹ, wa wụ̀ wa, dị ụ waa rị ọọ!’

Odeyi 11:9

Dị ọngwẹ ọnọọ re tụ́ ohi hụrẹ ẹbẹẹba dị ọ ka: ‘Ịsị Ohomorihi ọ̀ọ sị vara ọnịnị, asị ụ kụkụ hị́ ọọ ịsa eenyisi!’

Aniroomi 14:14

Ijeesu Ananyị yị o raà mẹ ka ma yẹ ịnị ayị amị ka ẹ yị nyị ịsa ana ahịka ọnị ụvọta ọyị nị. Ama ọza ene èe re ka ịsa ọ̀yị nị, ini eyi ọza ọnọọ kẹnẹ ọọ̀ yị nị nị.

1 Anịkọrịntị 7:14

Ọnọrụ ẹnẹ ẹ̀ yị dọ wụ́, ose anị ọ raà sị ọ tụ́ irenyi yi Ohomorihi, agụvị ka ọnị ộ dọ wụ́. Ọnẹẹ ẹnẹ ẹ̀ yị dọ wụ́, ọva anị ọnị ọ rẹ raà sị ọ tụ́ irenyi yị Ohomorihi, agụvị ka ọnị ộ dọ wụ́. Ẹ̀ yị vị avọọ, ẹnịnị ẹ yị zụ́ sị ezi ẹnịnị tụ́ irenyi yị Ohomorihi. Ama ọ mẹ yà aanị, ezi ẹnịnị kụkụ vaa vị ọnịnị.