Odeyi 11:3 - IWE ỌNỊNỊ

³ Dị ẹ ka, “Sị ẹ vẹ di u ne chí ini eehi aza ẹnẹ ẹ̀ yị jị ụvẹvẹnẹ, dị ẹwụrị wa hyakụ aa rị ịsa bẹẹ?”

Odeyi 11:3 Iomraidhean Croise

Imatiwu 9:11

Ịjị Anihwarisi nịnị re e, dị ẹ kà a yị ezirẹma anị ka, “Sị ẹ vẹ dị ọga awụ nịnị ee beri ọdẹkẹhirehi ọnịrị aza edivi nịnị rị ịsa?”

Iruuku 15:2

Dị Anihwarisi nịnị ọnịrị ọzwọzọda nịnị aa rị ihuhu, dị ẹ ka, “Ọnọrụ ọnọnị aa dọ aza edivii pe ẹngụ, ọ hyakụ ee beri waa rị ịsa bẹẹ.”

Ịjọọnụ 18:28

Dị ẹ rẹ sị Ijeesu hụụnị eehi ịdị Ikayahwasi, dị ẹ sị ọọ nọ ịdị ịgọvọnọ nị. Ẹnẹnẹ viri-viri ọ vị nị. Aniju nịnị ẹ yị ngụ ịzọọ, agụvị ka e yi sì ka eni è du ẹngụ ẹnịnị ẹngụ, agụvị ẹ̀ zụ rị ịsọyịrị Eche Ọyịparahu.

Odeyi 10:23

Dị Ipita hị́ wa ngụ eehi, dị ẹ sụ̀ ịzọọ nị. Eyinẹhẹ anị, dị ọ kwẹẹtẹ, dị ọ saasa wa aa na nị. Dị ọdọwụ ẹnyị ene hi Ịjọpa rẹ saasa wa na nị.

Odeyi 10:28

Dị ọ kà a yị wa ka, “Ẹwụ nịnị nyẹmba ộ yẹ ka ahẹkẹ Aniju ọ mā zẹẹ ka ẹnịrị Anigiriki ẹ̀ mẹ ẹvabẹ. Aniju ẹ mā rẹ ngụ ini eehi ẹnịnị. Ama Ohomorihi ọ raà sị zụ̀ mị ka asị mị kụkụ hị́ ọzọnyị-ọzọnyị ka ẹ yị nị, à vị ka di mee re wa anka ịsa eenyisi.

Odeyi 10:32

Tụ́ na Ịjọpa na hị́ Ịsayịmọnị ọnya, ọnị ịrẹha ẹtẹ anị rị Ipita. Ô chí ini eehi Ịsayịmọnị ọnịtụmpaha, ana ra ụtọ oku.’

Odeyi 10:48

Dị ọ ka à mẹ̀ ọyịhwọzenyi yị wa ịnị ịrẹha Ijeesu Ikirisiti nị. Dị ẹ dá ịpẹ yị Ipita ka ọ̀ yà ịdị ẹnịnị mẹ ẹkụhị chee nị.

1 Anịkọrịntị 5:11

Ama mị ka àa nyị ọza ana ka ọnị vị ẹnẹbẹnị ini oze Ikirisiti, dị aa sẹ̀ ịrẹka, dị ọ vị ọnọhọha, dị ọ raa hẹkẹ ori nị, à vị ka dị ọ̀ọ kụ̀ ọza ụhụ, dị òo hú eche ahaahara, àa vị ka dị òo yi oyi, ẹngụ aza ẹnẹẹ asị ẹwụrị wa hyakụ dudu yaayịtẹ rị ịsa vabẹ nịnị!

Anigaratiya 2:12

Ipita vidiī beri aza ẹnẹ ẹ̀ yị vị Aniju nịnị rị ịsa. Ama ịjị aza ẹnyị aanị oni Ijemiisi tụ́ vẹ, va ngụ ịzọọ, Ipita ọ sị và, ọ raa sị ẹngụ anị hụụ ịda ẹnịnị. Ee hí angwa aza ẹnẹẹ ana ka avaba anịragụ Ohomorihi ẹ̀ jị ụvẹvẹnẹ.

2 Ịjọọnụ 1:10

Àa nyị ọza ana vẹ ini eehi awụ nịnị, dị ẹ̀ yị vị ịrẹyị ọnị Ijeesu sị zụ̀ yị ọ za vẹ nị, asị ụ dọ ọ tụ́ ini eehi awụ nịnị, asị ụ hyakụ kụ́ ọ nịnị vụrụ-vụrụ.