Odeyi 10:4 - IWE ỌNỊNỊ

⁴ Ô re anggẹẹrị ọnọọ, dị angwa hí ọọ nị. Dị ọ ka, “Sị ẹ vị ọnọọ, Ananyị yị?” Dị anggẹẹrị ọnọọ ka, “Ohomorihi ọ raà tamayị aduwa awụ ọnịrị ẹyịza ọnị ụ waa mẹ.

Odeyi 10:4 Iomraidhean Croise

2 Ịtọpa 32:24

Ụmẹ ọnị ẹngụ zị Ihezekaya, dị ọ sị vọ cheeche ô su nị. Ộ mẹ̀ aduwa, dị Ẹnẹyịmavara sị apẹrẹ zụ ọ ka ẹngụ anị vaa nịya.

2 Ịtọpa 6:33

Wụ́ aduwa ọza ọnọọ, dị ụ wa mẹ̀ ịsa ọnị òo họ̀ use anị yọ agụvị avaba anẹhẹ ẹ yẹ wụ, dị ẹ wụ́ chire wụ anka aza Anisirẹrị. Ẹnịnị vaa yẹ ka ịnị irehi ọnọnị a vọrọ ka aa hẹkẹ wụ nị.

Ahẹ Ụgama 141:2

Navọ wa dọ aduwa ọnị maa mẹ̀ anka ụ mẹ̀ẹ dọ eturare ana rị ịra mẹ̀ ịsọvọ wụ avọọ. Navọ m mẹ̀ tana ụvọ tụ́ ẹba aa mẹ̀ aduwa, wa dọ anka ụ mèẹ dọ ịsọvọ oruva ana mẹ wụ avọọ.

Ahẹ Ụgama 20:3

Ohomorihi ọ̀ navọ avaba ịsọvọ ọnị waa mẹẹ yọ ọ̀ ngụ ọ eyi, dị ọ̀ dọ.

Ayịsaya 43:26

Kà a nịnị, ịsị ụ waa ka maa mẹ̀ nịnị, dị ya kụ ẹngụ tu ikootu. Kụ́ irenu awụ nịnị ana sị zụ ka ịzẹyịza ịrẹyị awụ nịnị vị nị.

Ayịsaya 45:19

Ọnị e yi were ka ịrẹyị. Ọnị ẹ yị ka yị Anisirẹrị nịnị ka ẹ họ̀ use ịsa ọnị ọnị ẹ yị vaa zụ mẹ yị wa. Ịzẹyịza ọnịrị ịsa ana vọrọ ọnịị̄ kà a nị.

Ịdanịyẹrị 10:11

Dị anggẹẹrị ọnọọ ka ẹ yị ọnị ka, Ịdanịyẹrị, Ohomorihi ộ da sì ịrẹyị anị. Ọnị ọ̀ vọrọ jẹẹ dị ọnị ọ̀ sị ụtọ pe ịrẹyị ọnị ọnị aa va ka aanị. Ộ ka, va tụ ọnị hi ọnị nị. Ịjị ọ maanị sị ka, dị ọnị vọrọ jẹẹ dị ọnị aa yị dọ ẹgahị nị.

Ireevi 2:2

dị ọ sị ọ ve tu ezi Eerọnị nịnị ana vị ohirẹsụ irehi Ohomorihi, ohirẹsụ irehi Ohomorihi anaa mẹ̀ ụkọrọ ụmẹ ọnọọ vaa ká ayị ọyịkwọ ọnịrị angwẹ ọnọọ uvoku ọnya beri avaba eturare ọnọọ, dị ọ rị wa ịra ịrẹsụ ụta ịsọvọ. Ọnọọ vaa sịị zụ̀ ka avaba anị asị va yị Ẹnẹyịmavara nị. Agụ ịsị ịsọvọ ọnọnị vị eneē hine Ẹnẹyịmavara.

Ịmarakayị 3:16

Aza ẹnịnị mẹ maanị a ka ịrẹyị, dị aza ana nyị angwahi Ẹnẹyịmavara ẹnị raà ka ịrẹyị yị ẹngụ nị. Dị Ẹnẹyịmavara batọ dị ộ wụ̀ ịsa ẹ ka nị. Eyi anị ịzọọ aa chẹrẹ ịrẹha aza ana nyị angwahi anị, dị ẹ sị ụbanyị yọ tụ ịnị iwe ana a sị tamayị ẹnịnị nị.

Imatiwu 26:13

Ịzẹyịza m maa kà a wụ nịnị nị, aha tụra aha ana àa yà aa kà enube ọyịza ọnọnị ịnị avaba ẹhẹ, a rẹ vaa kà ịsa ọnọọ mẹ aanị, dị aa sịị tamayị anị.”

Iruuku 1:29

Ịjị Imeri vavọọ wụ́ ịrẹyị ọnọọ, ayị anị ọ sị vazi, di ee ro o ka ẹngụ ụkụ́ ịsị ẹ vị ọnọnị kẹ.

Iruuku 24:5

Dị anyẹnẹẹ ẹnẹẹ ê hí angwa, dị ẹ kà eyi ngụ ẹtẹ nị. Dị aza ẹnị ẹyịva ẹnẹẹ ka, “Sị ẹ vẹ di u wee sì ọza ireyi-ireyi ịnị akakana oku nịnị?

Odeyi 10:31

Dị ọ ka: ‘Ịkọnẹrịyọsị! Ohomorihi ọ sị aduwa awụ dọ. Ọ rẹ tamayị ẹyịza ọnị ụ waa mẹ.

Odeyi 14:9

Ọ mẹ̀ yaayịtẹ ịzọọ, ộ wụ́, Ị́pọọrụ màa kà ịrẹyị. Ịpọọrụ ô jị eyi ngụ ọ, di o re e ka ộ dọ wụ́ ka a zụ mẹ̀ ẹ ụkụ nị.

Odeyi 22:10

Di mi họ̀ use ka: ‘Sị a vọrọ ka ma mẹ, Ananyị yị?’ Dị Ananyị yị ka ma kwẹẹtẹ, dị ma nọ Ịdamasịkọsị ka a vaa kà a yị mị ịzọọ avaba ịsa oni Ohomorihi mẹ eto anịị mị ka ma mẹ.

Odeyi 3:4

Dị Ipita ọnịrị Ịjọọnụ kà eyi ngụ ọọ nị, dị Ipita ka, “Re yi!”

Anihwiripi 4:18

Ẹpahwịrọdịtụsị ộ sị avaba ịsa ọnị ụ sị tụ́ ọ va yị mị. Avaba ịsị mee sì saka-saka, ma sị ọ nyị booro aanị; ọ́ọ hyakụ si huna ọpa oni mee sì. Ẹyịza ẹnẹẹ vị ana sị mẹẹ anka ịsa ana ahụ anị zoza avọọ; vị ọ rẹ yà anka ịsọvọ ene zé Ohomorihi eyi ẹtẹẹtẹrẹ avọọ nị.

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

Anihiburu 13:16

Tamayị di u we re ka waa mẹ ọyịza nịnị! Ịsị ụ wàa nyị, ẹwụrị ọza ọ̀ọ gàa nịnị! Ẹngụ ẹnẹẹ ọ vị ịsọvọ oni Ohomorihi sì nị.

Anihiburu 6:10

Ohomorihi ọ ma mẹ irikichi. O yi vee hi ayị ụkọrọ awụ nịnị. O yi re vee hi ayị, u meme sì ịrẹyị aza Ohomorihi, dị ụ waa gụ wa ụvọ nịnị agụvị ịrẹha anị, anka ụ màa yịị mẹ nịnị.

Ẹtore 8:4

Dị areyi eturare ana aa rị ịra aanị dà, beri aduwa avaba aza Ohomorihi hụụnị ẹnya eturare ọnị anggẹẹrị ọnọọ sị rị ụvọ nọ ọvịdị Ohomorihi nị.

1 Ịsamụwẹrị 3:10

Dị Ẹnẹyịmavara rẹ vẹ anka ọ mẹ̀ vịdịị vẹ, dị ọ jẹẹ dị ọ rẹ vavọọ hị́ Ịsamụwẹrị dị ọ ka, “Ịsamụwẹrị! Ịsamụwẹrị!” Di Ịsamụwẹrị kà, “Nda, wa kà ịrẹyị awụ ka ozida awụ aa wụ́.”