Odeyi 10:2 - IWE ỌNỊNỊ

² Ộ nyị ahẹkẹ ẹtẹẹtẹrẹ, ọnịrị aneehi anị ệ nyị angwahi Ohomorihi. Ọ rẹẹ̄ mẹ aza ẹyịza, dị ọ rẹẹ̄ mẹ̀ aduwaa hi Ohomorihi ụmẹ tụra ụmẹ nị.

Odeyi 10:2 Iomraidhean Croise

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

1 Ohinọyị 8:43

Ẹ̀ẹ vavọọ mẹ, navọ kwogwo we batọ hụrẹ ẹbẹẹba ịzị ụ yà, dị wa mẹ avaba ịsị azọga ẹnẹẹ ẹ̀ẹ dá ịpẹ anị. Navọ wa vavọọ mẹ̀ ẹ agụvị avaba anẹhẹ ẹ̀ zụ yẹ wụ, dị ẹnị è re zụ hí angwa awụ anka aza awụ Anisirẹrị. Navọ ẹnị ẹ̀ rẹ zụ yẹ ka ẹwụ aa hị́ ini irehi ọnọnị ọnị mị dà wụ aanị nị.

2 Ịtọpa 6:33

Wụ́ aduwa ọza ọnọọ, dị ụ wa mẹ̀ ịsa ọnị òo họ̀ use anị yọ agụvị avaba anẹhẹ ẹ yẹ wụ, dị ẹ wụ́ chire wụ anka aza Anisirẹrị. Ẹnịnị vaa yẹ ka ịnị irehi ọnọnị a vọrọ ka aa hẹkẹ wụ nị.

Ijoovu 1:1

 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

Ijoovu 1:5

Ịhị ẹnịnị ẹ̀ sị mẹ ta, dị Ijoovu kwẹẹtẹ ẹnẹnẹ eyinẹhẹ anị dị ọ mẹ̀ ịsọvọ ịrẹsụ ọzịnya-ọzịnya ẹnịnị. Ọ kà ọza ọ yị yẹ ẹnịnị ẹẹ mẹ̀ ebira ana zụ du Ẹnẹyịmavara ayị.

Ahẹ Ụgama 102:15

Avaba anẹhẹ vee hí angwa Ẹnẹyịmavara, dị avaba ohinọyị anẹhẹ aa sị ụbanyịị yọ.

Ahẹ Ụgama 119:2

Mị ka aza ana vavọọ aa saasa ọda Ẹnẹyịmavara, dị ẹ sị avaba ayị ẹnịnị si eyi pè ọda anị ẹ̀ nyarị ịrẹsụ ọyịza.

Ahẹ Ụgama 25:5

Navọ waa zụ̀ mi oze dị ma zụụ mẹ̀ ebira ana vị ịzẹyịza ini eyi awụ Wâ yẹ ka ẹwa vị Ohomorihi amị ana dọ mị ha nị Ẹwụ kẹnẹ mị sị ayị tụra pooro nị.

Ahẹ Ụgama 41:1

Ẹngụ aza ana ahịka eē ro ịrẹyị onosiye ẹ̀ nyarị ịrẹsụ ọyịza Ụmẹ ẹnị ẹngụ aza ẹnẹẹ ẹ̀ẹ nyị akanya, Ẹnẹyịmavara vị ana aa dọ waa tụ́.

Ahẹ Ụgama 55:17

Ẹnẹnẹ, ọọdụ ọnịrị ịrahụ vị oni mee nowu ka Ohomorihi ọ̀ gụ mị ụvọ Ịzẹyịza, Ohomorihi ộ ba mị owu.

Ahẹ Ụgama 86:3

Ẹnẹyịmavara, ẹwụ m maa hị́ pooro nị, navọ wa vayị amị.

Ahẹ Ụgama 88:1

Ẹnẹyịmavara, ẹwụ Ohomorihi ana dọ mị tụ́ ẹwụ maa hị́ pooro ọọdụ ọnịrị ịrahụ nị.

Ịrẹyị Ọzwọzịsa 7:18

Asị ụ na mẹ ẹnẹmẹhị ịnị ẹnẹ ẹyịva ẹnẹẹ nị. Wâ hí angwa Ohomorihi, vị o vee zozaa yị wụ nị.

Ayịsaya 59:19

Ẹnẹyịmavara kà ọnị vaa va eyi ịraazị ka wa anka ọhaara enyi ọnịrị opomi ọbanyị. Anẹkụra nịnị ene hi eyi ịzị ọyịị̄ zịị vẹ ọnịrị ịzị ọọ̄ zịị ngụ ẹngụ ẹtẹ vee hí angwa anị dị ẹ sị ụbanyị yị ọnị.

Ịdanịyẹrị 6:10

Ịjị Ịdanịyẹrị sị yẹ ka â maanị sị ọda mẹ dị o si hu aa nọ ini eehi anị nị. Ô tụ ịnị eehi, dị ọ nọ ịrẹsụ ọtụrọsa, dị ọ na ozokete aku anị nị. Ozokete ọnọọ vana va eyi ka oze Ijerusarẹmị. Dị o ku ẹtẹ, dị aa mẹ̀ aduwaa hi Ohomorihi anka ọ mẹẹ̄ vịdị yịị mẹ nị. Ụpẹ ẹẹta ọọ̄ mẹ̀ aduwa ịnị ẹkụhị nị.

Ịdanịyẹrị 6:16

Ịzẹyịza dị ohinọyị mẹ ọda, dị ẹ na sị Ịdanịyẹrị, dị e ne e ngụ ịnị ụsị idu nịnị nị. Dị ohinọyị kà a yị Ịdanịyẹrị ka, Ohomorihi anị ọnị ọ sị ịzẹyịza aa hẹkẹ ọ̀ va dọ ọ ha nị.

Ịdanịyẹrị 6:20

Ịjị o tu ịzọọ, ayị anị vị ene du, dị o nowu, dị ọ ka: Ịdanịyẹrị, ọnụtụ Ohomorihi ana yara! Ohomorihi awụ ọnị ụ waa sị ịzẹyịzaa hẹkẹ ọ́ọ́ sị ụ dọ tụ hụụnị ụvọ idu nịnị kẹ?

Ịdanịyẹrị 6:26

Ọ kà, ọnị ộ mẹ̀ ẹ ọda ka ịnị avaba anẹkụra ọnị ọnị vị ohinọyị ẹ̀ sị ụbanyị yị Ohomorihi ọnị Ịdanịyẹrị aa hẹkẹ, dị ee hí angwa anị. Agụvị ka, ọnị ọ vị Ohomorihi ana yara pooro nị. Ọnị ọ rẹ vaa mẹ ịjọva pooro nị. Ẹ yị nyị ọza ene ve zụ vú ịjọva anị ọnịrị ụkata anị ẹtẹ.

Imatiwu 25:17

Ana dọ achuchu ẹẹva, ọnị ọ rẹ rị ọgụ achuchu ẹẹva tụ́ ọọ.

Iruuku 18:1

Ijeesu ô che ụhịrẹyị ọnya yị wa, ana sị zụ̀ wa ka â vọrọ ka ọza ọ̀ọ mẹ̀ aduwa pooro, dị asị ọ tụ́ ọọ.

Iruuku 2:25

 nyị ọnọrụ ọnya aanị Íjerusarẹmị ọnị ịrẹha anị rị Isimiyọnị. Ọnịzẹyịza ọ vị nị, dị ọ rẹẹ̄ hẹkẹ Ohomorihi nị. Ee zí eyi ka Ohomorihi ọ̀ va kụ́ Anisirẹrị vavẹ udi ẹnịnị. Ụhwẹ Ọnịnị yà ịnị ayị anị.

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Odeyi 10:31

Dị ọ ka: ‘Ịkọnẹrịyọsị! Ohomorihi ọ sị aduwa awụ dọ. Ọ rẹ tamayị ẹyịza ọnị ụ waa mẹ.

Odeyi 10:35

Ọza ene èe hí angwa anị, dị ọ mẹ̀ ịsa ana vọrọ nị, vị Ohomorihi aa dọ ọ nị, anẹkụra tụra anẹkụra ọnị ọ̀ọ vị.

Odeyi 10:4

Ô re anggẹẹrị ọnọọ, dị angwa hí ọọ nị. Dị ọ ka, “Sị ẹ vị ọnọọ, Ananyị yị?” Dị anggẹẹrị ọnọọ ka, “Ohomorihi ọ raà tamayị aduwa awụ ọnịrị ẹyịza ọnị ụ waa mẹ.

Odeyi 10:7

Dị anggẹẹrị ene ee pe e kà ịrẹyị, si hu nị. Dị Ịkọnẹrịyọsị hị́ ezi ahụ anị ẹẹva beri isoja ọnya ana rẹ nyị ahẹkẹ, ana aa mẹ̀ ụkọrọ yị Ịkọnẹrịyọsị ọnị ụvọta.

Odeyi 11:14

ka ọ vaa kà ịrẹyịị yị ọnị ana vaa mẹ ka ọnịrị aneehi anị ẹ̀ zụ há.

Odeyi 13:16

Dị Ịpọọrụ kwẹẹtẹ, di o mi wa ụvọ nị, dị ọ ka, “Ẹwụ nịnị Anisirẹrị ọnịrị aza ana vọ ene hí angwa Ohomorihi, sị ụtọ pe ịrẹyị amị nịnị!

Odeyi 13:26

Ẹwụ nịnị anda ayị, ẹwụ nịnị ezi Abụrahamị, ọnịrị ẹwụ nịnị aza ana vọ ene hí angwa Ohomorihi, ẹyị a sị ịrẹyị ẹdọha ọnọnị tụ́ hi nị.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 18:8

Ikirisipụsị ana vị ọdọvịdị ini irehi Ohomorihi ọnọọ ọnịrị avaba aneehi anị ệ sị ayị tụra Ananyị yị. Anịkọrịntị ọrụrụ-ọrụrụ ana wụ́ ịrẹyị Ohomorihi ệ rẹ sị ayị tụra a bẹẹ, dị a mẹ̀ ọyịhwọzenyi yị wa nị.

Odeyi 2:5

Ụmẹ ọnọọ, â nyị Aniju nịnị ana hụrẹ avaba ẹhẹ vẹ ana va ra Ijerusarẹmị. Ẹnịnị ệ nyị ahẹkẹ Ohomorihi ẹtẹẹtẹrẹ.

Odeyi 22:12

“Â nyị ọnọrụ ọnya aanị ana yà Ịdamasịkọsị, ana aā hị́ Ananịya. Ộ nyị ahẹkẹ ẹtẹẹtẹrẹ, dị ọ rẹẹ̄ saasa ọda ayị nị. Aniju nịnị ene hi ịzọọ vị ana nyayịnẹ sị ụbanyị yọ.

Odeyi 8:2

Dị aza ẹnyị ene sì ịrẹyị Ohomorihi va sị oku Isitivini, di e ne ne e nị, di e jị òrèrè anị ẹtẹẹtẹrẹ nị.

Odeyi 9:11

Dị Ananyị yị kà a yọ ka, “Kwẹẹtẹ dị ụ wa nọ oze ana aā hị́ ‘Oze Ọvọrọ’, dị ụ wa nọ ini eehi Ijudasi, di u we họ̀ use ọnọrụ ọnya ana hụrẹ Ịtasọsị vẹ ana aā hị́ Ịsọọrụ. Re, aa mẹ̀ aduwa booro aanị.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Odeyi 9:36

 nyị ọnẹẹ ọnya aanị ana yà Ịjọpa, ozirẹma ọ vị nị. Aā hị́ ọọ Itabita. Iruvo ịrẹha anị ọ vị Ịdọkaasị ịnị ẹkụra Anigiriki, ọnọọ vị ka “akọnọ”. Ọọ̄ mẹ ọyịza ẹtẹẹtẹrẹ, dị aa gụ onosiye nịnị ụvọ.

Anikorasi 4:2

Waa mẹ̀ aduwa nịnị ịnị ụmẹ tụra ụmẹ; asị ụ zẹẹ ka ayị awụ nịnị ọ̀ọ ngụ ọọ zị, wàa mẹ̀ aduwa; dị ụ wa rẹẹ kụ́ Ohomorihi avọ nịnị

1 Anịtẹsaronika 5:17

Waa mẹ̀ aduwa nịnị pooro.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

Ijosuwa 24:15

Ama ẹnịnị e yi si ka ẹnị ẹ hẹkẹ Ẹnẹyịmavara, Ẹ nyị ịhị ọnọọ ịsa ọnị ẹnịnị e vaa kụ́ yị. Avị ori ohiku ẹnịnị, avị ori Anamọrị ịzị ẹ yaa aanị. Dị Ijosuwa ka ọnịrị ovwoovu anị vị ana vaa hẹkẹ Ẹnẹyịmavara.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.