Odeyi 10:11 - IWE ỌNỊNỊ

¹¹ Ô re ka ihinẹba ộ na, dị ịsa ọnya aanị ana sị mẹẹ anka ịta ọgana avọọ, dị a za a ụtọ ẹyịna, di ee chí ọọ hi ẹtẹ nị.

Odeyi 10:11 Iomraidhean Croise

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ayịsaya 43:6

Mị vaa kà a yị Aneyi ẹbẹẹba ka ‘Hụrẹ wa ụvọ’, dị mị kà a yị Aneyi ụvẹtẹ ka, ‘A sị ụ za wa jẹẹ.’ Kụ́ ezi ọnọrụ amị hụrẹ aha ẹnẹẹnẹ vẹ, dị ụ wa kụ́ ezi anẹẹ amị hụụ ịzị ẹhẹ na ta hi vẹ.

Ayịsaya 56:8

Ẹnẹyịmavara Ohomorihi ana kụ́ Anisirẹrị nịnị vavẹ eehi hụụ ịzị a za wa ọrịhị ne hi ka, ọnị vaa kụ́ aza ana vọ vee beri wa ịrẹma aza ọnị ọnị ra kụ́ vẹ aanị.”

Ezikẹẹrị 1:1

 nyị ọnọrụ ọnya aanị, ana aā hị́ Ezikẹẹrị; ozi ọnọrụ na aā hị́ Ibuzi ọ vị̀ nị, dị ọ vị ohirẹsụ irehi Ohomorihi nị. Ezikẹẹrị ka, ịnị ẹkụhị ọhụhị ịnị ụhwẹ ọhụna ọnị ọnị gụ ịrayị ohurẹẹwụ, ọnịrị Aniju ana vọ ana a za ọrịhị ve hi Ịbabịrọnị mẹ ra hi ụtọ irehu ana aā hị́ Icheba, â nyị ẹtẹ ọnị Ohomorihi sị zụ ọnị.

Imatiwu 8:11

[Ẹma kà a wụ nịnị nị ka aza ọrụrụ-ọrụrụ vaa hụrẹ ịzị ọyịị̄ zịị hụrẹ ọnịrị ịzị ọyịị̄ zịị ngụ ẹtẹẹ vẹ, dị ẹ yaayịtẹ pe Abụrahamị ọnịrị Ayiziiki ne beri Ijekọvụ ịzị Ada ayị ẹbẹẹba yà aa mẹ ịjọva ka ẹnị ẹ̀ rị ịsa.]

Iruuku 3:21

Ịjị a sị ọyịhwenyi mẹ yị avaba aza, dị a rẹ mẹ̀ ọyịhwọzenyi yị Ijeesu nị. Íjeesu màa mẹ̀ aduwa, di ihinẹba na hi ẹtẹ nị.

Ịjọọnụ 1:51

Dị Ijeesu rẹ kà a yọ ka, “Ịzẹyịza m maa kà a wụ nị: U vee re ka ẹbẹẹba ộ na hi ẹtẹ, dị anggẹẹrị Ohomorihi aa vaa hịrẹẹ vaachi ịrẹsụ ẹmị Ozi ọza onigirima.”

Ịjọọnụ 11:52

Ẹ yị rẹ vị ịrẹyị ẹnịnya kẹnẹ, ama ka ọ rẹ vaa kụ́ avaba aza Ohomorihi ana gara hi avaba aha gụ tụ́ aha ọnya.

Ịjọọnụ 12:32

Ẹmị ọnọnị, àa raà sị mị tụ́ ẹba, mi vee tura avaba azaa pe ẹngụ.”

Odeyi 10:12

Uye irenyi-irenyi hi ịnị anị beri ẹwụ nịnị ọnịrị inomi nịnị.

Odeyi 11:5

“Ịnị ẹkụra Ịjọpa mị yà aa mẹ̀ aduwa, di mi re ẹtẹ nị. Mê re ịsa ọnya anka ịta ọgana avọọ, dị a za a ụtọ ẹyịna, di e chí ọọ hụrẹ ẹbẹẹba hi ẹtẹ ọgụrị mị nị.

Odeyi 7:56

Dị Isitivini ka, “Re! Mee re, íhinẹbaa mẹ̀ na hi ẹtẹ, di Ozi ọza onigirima jẹẹ éyi ụvọrị Ohomorihi nị!”

Aniroomi 1:16

Mẹ yị nyị ụhị agụvị enube ọyịza. Ụkata oni Ohomorihi aa sị dọ ọza ana dọ wụ́ụ há ọ vị nị. Aniju nịnị o vịdị tù, di o re ve tù Anigiriki u nịnị nị.

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.

Anigaratiya 2:15

Ịzẹyịza, Aniju obooro ị vị nị, yẹ yị vị anarịmadọwụ nịnị anaā mẹ ịvịị hi Ohomorihi.

Anigaratiya 3:28

Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya.

Anẹhwẹsọsị 1:10

Ịsa oni Ohomorihi mẹ eto anị ka ọnị vaa mẹ ịjị ụmẹ òo si tù ọ vị ka, ọnị vaa kụ́ avaba ịsa ene hi ẹbẹẹba ọnịrị ẹhẹẹ gụ tụ́ ịdị Ikirisiti nị. Dị ahịka Ikirisiti ọ vị ka Ikirisiti ọ vị ohirẹsụ avaba ẹnịnị nị.

Anẹhwẹsọsị 3:6

Ịrẹyị ọnọọ yị: ka Anigiriki, ẹnịrị Aniju vee duduu nyị tụ́ ịnị ịsa oni Ohomorihi sị kà ka ọnị vaa sịị yị aza anị ẹnẹ ẹnịrị Ijeesu Ikirisiti sị vị ọnya. Ini oze enube ọyịza, Aniju ọnịrị Anigiriki kụkụ sị vị ọnya nị.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.

Ẹtore 11:19

 na irehi Ohomorihi ana yà ẹbẹẹba. Ini irehi ọnọọ, ê re apoti ana aā hị́ apoti oto. Dị ịnyanya aa rị vee-vee, dị ịsa aa sụ́ ịrẹyị, dị apaana ihinẹba aa sụ́ wara-wara nị. Ẹtẹ ee henyi jigi-jigi, dị ata ihinẹba aa sụ̀ nị.

Ẹtore 19:11

Di mi re ka ihinẹba ộ na hi ẹtẹ nị. Di mi re umaata ọvwọọvụ ọnya aanị nị. Ịrẹha ọza ana tụra a ọ rị Anayọnya ọnịrị Ọnịzẹyịza nị. Ịzẹyịza aa sịị mẹ̀ ọkarẹyị, dị ọ raa sịị kụ̀ ịrẹkụ nị.

Ẹtore 4:1

Ịjị ẹnẹẹ ta, dị mị rẹ kana eyi nị. Di mi re oze ana a na hi ẹtẹ ẹ́bẹẹba nị. Dị ọngwẹ ana sụ́ ịrẹyị anka ọpanyị avọọ, ana vịdị kà ịrẹyịị mị ịpaapa, raa kà ịrẹyịị mị nị. Dị ọ ka: Hịrẹ vẹ ịzẹnị, dị ma sị zụ̀ wụ ịsị a hị́ ka ịzẹyịza, ẹ vaa mẹ ị́rẹma ụhwọọ!