Odeyi 10:1 - IWE ỌNỊNỊ

¹ Â nyị ọnọrụ ọnya aanị ẹkụra Isesariya ana aā hị́ Ịkọnẹrịyọsị. Ọga isoja ẹchẹhị nịnị ọ vị nị. Ini isoja nịnị Aniroomi ẹ yà nị.

Odeyi 10:1 Iomraidhean Croise

Imatiwu 27:27

Dị isoja ịgọvọnọ ẹnẹẹ sị Ijeesu nọ ịnị ọba irehi anị nị, dị ẹ hị́ isoja nịnị ana vọ gụ kara a nị.

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Ịmaakị 15:16

Isoja nịnị ệ sị Ijeesu nọ ịnị ọba irehi Ipayireti. Dị ẹ hị́ isoja nịnị ana vọ gụ nị.

Iruuku 7:2

Ọga isoja ẹchẹhị ọnya aanị ộ nyị ozi ahụ oni o sì ịrẹyị anị ẹtẹẹtẹrẹ. Ẹngụ aa zị ozi ahụ anị ọnọọ, ee vee sú.

Ịjọọnụ 18:12

Di isoja nịnị ẹnẹẹ beri ọga ẹnịnị ọnịrị iporisi Aniju nịnị za Ijeesu, dị ẹ sụ́ ọọ nị.

Ịjọọnụ 18:3

Dị Ijudasi na kụ́ isoja nịnị ọnịrị ẹnyị ini iporisi irehi Ohomorihi vẹ nị. Ohirẹsụ ẹbanyị irehi Ohomorihi ọnịrị Anihwarisi nịnị ẹ tụ́ ẹnẹẹ vẹ nị. Dị ẹ kụ́ ozotupa ọnịrị ẹnya ịrẹkụ, dị ẹ nọ ịzọọ nị.

Odeyi 10:24

Eyinẹhẹ anị, dị ọ na ngụ Isesariya nị. Ịkọnẹrịyọsị ọnịrị anda ẹnịnị ne beri ọta anị hi ịzọọ, ee zí wa.

Odeyi 21:31

Aza ẹnẹẹ ee sì ka ẹnị ẹ̀ wụ Ịpọọrụ. Dị a wụsẹ tụ́ ne tù ọga ọbanyị isoja nịnị ka ịrẹkụ ọ sị chị tụ́ Ijerusarẹmị nị.

Odeyi 21:8

Eyinẹhẹ anị, dị ị hụụ ịzọọ, dị ị na Isesariya nị. Dị ị nọ ini eehi Ihwiripi ana vị okenubọyịza ana vị ọnya ịnị ọnọgụvọ ịhịmba ẹnẹẹ, dị yà ịzọọ nị.

Odeyi 22:25

Ẹ mẹ̀ sị Ịpọọrụ sụ́ orupa ka eni è ve tụ́ ọọ, dị Ịpọọrụ kà a yị ọga isoja nịnị ẹchẹhị ana jẹẹ ịzọọ, dị ọ ka, “Áá vọrọ ka è tụ́ Aniroomi ịjapa, ịrẹma ọnị ọza ọọ̀yị hyakụ sì iruvo ịrẹyị anị?”

Odeyi 23:23

Ọga ọbanyị ọnọọ ộ hị́ ọga isoja nịnị ẹchẹhị anị ẹẹva, dị ọ kà a yị wa ka, “Nyị isoja nịnị ịrẹka dị ẹ̀ nọ Isesariya! Kụ́ onumaata ẹtarẹwụ beri ọnọha ịrẹka saasa wa, dụ wa kwẹẹtẹ nịnị ịnị ụmẹ agogo ịhịịna ịrahụ!

Odeyi 23:33

E mè tù Isesariya, dị ẹ sị iwe ọnọọ yị ịgọvọnọ ọnọọ, dị ẹ rẹ sị Ịpọọrụ chiree ụvọ nị.

Odeyi 25:1

Ịhyẹgwẹta oni Ịhwẹsịtọsị vẹ ịnị ẹtẹ ọnọọ, dị ọ hụrẹ Isesariya, dị ọ hịrẹ nọ Ijerusarẹmị nị.

Odeyi 25:13

Ẹkụhị ọnya, ohinọyị ana aā hị́ Agiripa ọnịrị Ịbẹnayịsị ệ vẹ Isesariya ka ẹnị ẹ̀ va kụ́ Ịhwẹsịtọsị.

Odeyi 27:1

A mẹ̀ sị ọọ kà ka ya ngụ ẹpa, dị ya nọ Itari, â sị Ịpọọrụ ọnịrị anịnẹngwa ẹnyị chire ọga isoja nịnị ẹchẹhị ana aā hị́ Ijuriyọsị ụvọ. Ijuriyọsị vị ọnya ini isoja nịnị Ọgọsịtọsị.

Odeyi 27:31

Dị Ịpọọrụ kà a yị ọga isoja nịnị ọnọọ ọnịrị isoja nịnị anị dị ọ ka, “Aza ẹnẹẹ ẹ̀ yị yà ịnị ẹpa ọbanyị, wẹ yị zụ há nịnị.”

Odeyi 27:43

Ama ọga isoja nịnị ọnọọ oyi sì ka à wụ Ịpọọrụ, dị ọ ka asị ẹ vavọọ mẹ nị. Dị ọ ka aza ana àa zụ họ̀ enyi, è vịdị ji ngụ enyi, dị ẹ̀ na ngụ ini eteesu nị.

Odeyi 8:40

Di e vene re Ihwiripi ẹkụra ana aā hị́ Azotu nị. Ọ́ màa parahu, dị aa kà enube ọyịzaa yị aza ịnị avaba ẹkụra ẹnẹẹ pooro dị ọ va ngụ ẹkụra Isesariya nị.