Odeyi 1:7 - IWE ỌNỊNỊ

⁷ Dị Ijeesu kà a yị wa ka, “Ada amị ọ nyị ụkata ẹkụhị ọnịrị ụmẹ nị, ẹ yị nyị áawụ nịnị rị ka wa yẹ ụmẹ ọnọọ nịnị.

Odeyi 1:7 Iomraidhean Croise

Ijoovu 24:1

Ijoovu ka sị ẹ vẹ dị Ohomorihi Ochẹtẹẹngụ ẹ yị sị ụmẹ tịtẹ ana a sị mẹ̀ ọkarẹyị, agụvị aza anaa hẹkẹ ẹ è zụ re e ka ọnịzẹyịza ọ́ vị nị?

Ịdanịyẹrị 2:21

Ọnị ọọ̄ jị ụmẹ ọnị avaba ịsa sịị mẹ ịnị ẹhẹ nị. Ọnị ọọ̄ sị ohinọyị nịnị rị nị. Ọnị o reē chi waa hụrị udi ẹnịnị nị. Ọnị ọọ̄ sị ịrẹyọyẹ yị aza ana yẹ ịrẹyị nị. Ọnị ọọ̄ mẹ̀ ka aza ana yẹ ịsa ẹ̀ yẹ ẹ nị.

Imatiwu 20:23

Dị Ijeesu ka, “Ịzẹyịza yọ, ụ vaa sị akoo hú ụyọrị oni mi vee hú nịnị. Ama ẹmị ẹ yị nyị ọda ọyịkà a wụ nịnị ka aza ẹnyị ẹ̀ yaayịtẹ éyi ụvọrị amị, dị ọsa ọ̀ yaayịtẹ éyi ụvọha amị. Ada amị ọ vaa sịị yị aza ọnọọ sị ọọ tenyi tịtẹ yị nị.”

Imatiwu 24:36

“Ama ẹkụhị ọnọọ ọnịrị ụmẹ ọnọọ gẹdẹ-gẹdẹ ẹ yị nyị ọza ana yẹ. Anggẹẹrị nịnị ene hi ẹbẹẹba ẹ yị hyakụ yẹ, Ozi Ohomorihi ọnị ụvọta ọ yị hyakụ rẹ yẹ bẹẹ, ẹ̀ yị vị Ada amị ọnịnya kẹnẹ.

Ịmaakị 10:40

Ama ẹmị ẹ yị nyị ọda ọyịkà a wụ nịnị ka aza ẹnyị ọ̀ yaayịtẹ éyi ụvọrị amị, dị ọsa ọ̀ yaayịtẹ éyi ụvọha amị. Ohomorihi ọ vaa sịị yị aza ọnọọ sị ọọ tenyi tịtẹ yị nị.”

Ịmaakị 13:32

“Ama ẹkụhị ọnọọ ọnịrị ụmẹ ọnọọ gẹdẹ-gẹdẹ, ẹ yị nyị ọza ana yẹ. Anggẹẹrị nịnị ene hi ẹbẹẹba ẹ yị hyakụ yẹ. Ozi Ohomorihi ọnị ụvọta ọ yị hyakụ rẹ yẹ bẹẹ, ẹ̀ yị vị Ada amị ọnịnya kẹnẹ.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Odeyi 17:26

Hụụnị oze ọza ịnya ọ zị mẹ avaba anẹhẹ nị, dị ọ mẹ ka ẹ̀ ra hi avaba ẹhẹ nị. Dị ọ sị eto mẹ tịtẹ ụmẹ ana aza vaa sị ra, ọnịrị ịzị ẹ vaa ra nee tù nị.

Anẹhwẹsọsị 1:10

Ịsa oni Ohomorihi mẹ eto anị ka ọnị vaa mẹ ịjị ụmẹ òo si tù ọ vị ka, ọnị vaa kụ́ avaba ịsa ene hi ẹbẹẹba ọnịrị ẹhẹẹ gụ tụ́ ịdị Ikirisiti nị. Dị ahịka Ikirisiti ọ vị ka Ikirisiti ọ vị ohirẹsụ avaba ẹnịnị nị.

Iwe Ọhụhị Imosiisi ana aa hị́ Ọyịvatụrọda 29:29

A nyị ịsa ẹnyị ọnị Ẹnẹyịmavara Ohomorihi sị tẹ̀ yị ẹyị aza: Ama ộ sị ọda anị zụ yị ka ẹnịrị evere ayị ẹ saasa pooro zịna-zịna.

1 Itimoti 6:15

Ịjị ụmẹ anị òo si tù, Ohomorihi vaa sị ọọ zụ̀. Ohomorihi ọ nyị avaba ụbanyị, dị ọ rẹ nyị avaba ụkata nị. Ọnị ọ vị Ohinọyị avaba ohinọyị nịnị nị; ọnị ọ rẹ vị Ọga avaba ọga nịnị nị.

2 Itimoti 3:1

Tamayị ka ẹtẹ vaa katẹngụ ịnị ụmẹ ọdịrẹma,