Odeyi 1:4 - IWE ỌNỊNỊ

⁴ Ẹ mẹ̀ sị wara gụ, dị Ijeesu hú wa ụvọ, dị ọ ka, “Asị ụ hụrẹ Ijerusarẹmị nịnị! Ama jẹẹ zí ẹyịza ana Ada amị wo oto anị ka ọnị vaa sịị yị wụ nịnị anka m mẹ̀ vịdị kà a wụ nịnị.

Odeyi 1:4 Iomraidhean Croise

Ịrịka 9:22

Ọ̀ọ daka vị ẹkụhị ẹẹva, ọ vị ụhwẹ, a vị ịrayị eguhi mẹ ịrẹsụ ajẹngụ nị, Avaba Anisirẹrị vị ana vavọọ e zi ọ. Ịhị ọ̀ọ kwẹẹtẹ kẹnẹ ẹnị re wu ẹnịnị dị ẹ yaa zị ụsẹ nị.

Imatiwu 10:20

Agụvị ka ẹ yị vị ẹwụ nịnị ọ vaa kà ịrẹyị nịnị. Ụhwẹ Ọnịnị Ada awụ nịnị ana yà ịnịnẹ awụ nịnị, ọ vaa zị oze ịnị ụvọ awụ nịnịị kà ịrẹyị nị.

Iruuku 11:13

Ẹwụ nịnị ana vị aza edivi, wàa yẹ ka â vọrọ ka wa sị ịsa ọyịza yị ezi ewu nịnị. Ụ mẹmẹ va yẹ ka Ada awụ nịnị ẹbẹẹba ọ yị vaa sị Ụhwẹ Ọnịnịị yị aza ana àa họ̀ ọ use anị.”

Iruuku 12:12

Ịjị ụmẹ òo si tù, Ụhwẹ Ọnịnị vaa sịị zụ̀ wụ nịnị ịrẹyị ana a vọrọ ka wa kà nịnị.”

Iruuku 24:49

Re, mị vaa sị ịsa ana Ada amị kà a ka ẹ yị zụ nyị ka ọnị ọ yị sị wụ nịnị, tụ́ hi wu nịnị. Ama jẹẹ Ijerusarẹmị nịnị pooro di Ohomorihi ọ̀ sị ụkata hụrẹ ẹbẹẹba va wụ nịnị!”

Ịjọọnụ 14:16

Mị vaa dá ịpẹẹ yị Ada amị, dị ọ sị Ohunẹnọzayị ọsa va yị wụ nịnị, dị ọ̀ kụkụ yà ịdị awụ nịnị pooro zịna-zịna.

Ịjọọnụ 15:26

“Ịhị Ohunẹnọzayị ọnọọ ọ̀ọ vẹ, ọnị mị vaa tụ́ hụụ ịdị Ada amịị vẹ, ọ vaa dọ ivenuu tụ́ ịnị ịrẹyị amị. Ọnị ọ vị Ụhwẹ Ọnịnị anaā sịị ịzẹyịzaa zụ̀ nị; ịdị Ada amị ọ hụrẹ vẹ nị.

Ịjọọnụ 20:22

Ịjị ọ vavọọ sị kà, dị ọ tụ́ ụhwẹ kú wa nị, dị ọ ka, “Dọ Ụhwẹ Ọnịnị nịnị!

Ịjọọnụ 7:39

Ịrẹyị ọnọnị oni Ijeesu kà aanị vị ịnị ịpa Ụhwẹ Ọnịnị, oni Ohomorihi vaa sị yị aza ana sị ayị tụra a, agụvị ka Ohomorihi ọọ̀ yị sị Ụhwẹ Ọnịnị yị aza ịnị ụmẹ ọnọọ, agụvị ka Ijeesu ọọ̀ yị dọ ụbanyị.

Odeyi 10:41

Ẹ yị vị avaba aza ọ sị ẹngụ zụ̀, ẹ̀ yị vị onivenu oni Ohomorihi vịdị sị nyị. Ẹyị rẹ yà ini onivenu ẹnẹẹ. Ẹyịrị ọ ộ rị, yê hú, ọ mẹ̀ sị ha hụụnị isu.

Odeyi 2:33

Ohomorihi ọ raà sị Ijeesu tụ́ ẹba, dị ọ yaayịtẹ éyi ụvọrị Ohomorihi nị. Ọ raà dọ Ụhwẹ Ọnịnị hụụnị ụvọ Ohomorihi Ada anị, anka Óhomorihi mẹ̀ vịdị kà a ka ẹ yị zụ nyị ka ọnị ọ yị vaa sịị yọ. Ụhwẹ Ọnịnị ọnọọ Íjeesu sị yị oni u wee re, dị ụ raa wụ́ nịnị aanị nị.