Odeyi 1:12 - IWE ỌNỊNỊ

¹² Apositeri nịnị ệ hụụnị ataba ọnọọ ana aā hị́ Ataba Orivi varẹma nọ Ijerusarẹmị. Ẹhụụ achẹva ịmẹẹrị ọ vị rịrị Ijerusarẹmị nị.

Odeyi 1:12 Iomraidhean Croise

Ịzakaraya 14:4

Ịnị ụmọ ọnọọ Ẹnẹyịmavara vaa jẹẹ ịrẹsụ Ataba orivi, eyi ịzị ọyịị̄ zị hụrẹ vẹ Ijerusarẹmị, ịjọnọọ upoporo vaa ga ataba orivi hi oze ẹẹva. Achẹva anị va ya eyi ẹbẹẹba, dị ọsa ya eyi ụvẹtẹ.

Imatiwu 21:1

E mèe vee tù Ijerusarẹmị, dị ẹ sị ngụ ẹkụra Ịbẹtị-Ihwegi, ọgụrị Ataba Orivi, Dị Ijeesu tụ́ ezirẹma anị ẹẹva,

Imatiwu 24:20

Waa mẹ̀ aduwa nịnị ka asị ịrẹyị ẹnẹẹ mẹ ịnị ụmẹ ọgụ, asị ọ rẹ vị ụmẹ ẹkụhị ụhwọtụ!

Imatiwu 24:3

Ijeesu ộ nọ ịrẹsụ Ataba Orivi, dị ọ na yaayịtẹ ịzọọ nị. Dị ezirẹma anị tangwa ká a vẹ dị ẹ ka, “Kà ẹ yị ụmẹ ọnị ịsa ẹnẹnị vaa sịị mẹ. Sị ẹ vị apọtẹrẹwa ana vaa sị zụ̀ ka waa vaa vaavẹ, ọnịrị ka ẹhẹ raa vaa ta?”

Imatiwu 26:30

Dị ẹ jị ahẹ ọnya, dị ẹ hụụ ịzọọ, dị ẹyaa nọ ịnị Ataba Orivi nị.

Iruuku 19:29

Ọ màa vaa ngụ Ịbẹtị-Ihwegi ọnịrị Ịbẹtanị, ọgụrị ataba ana aā hị́ Ataba Orivi, dị ọ tụ́ ezirẹma anị ẹẹva nị,

Iruuku 21:37

Ụmẹ ọnọọ, dị Ijeesu aa zụ̀ aza ịsa ụmẹ ọọdụ ini irehi Ohomorihi nị. Ịrahụ, dị ọ na yà ịnị ataba ana aā hị́ Ataba Orivi.

Iruuku 24:50

Dị Ijeesu sị wa jịnẹ hụụnị ẹkụra huuu na ngụ oze Ịbẹtanị nị; dị ọ sị ụvọ tụ́ ẹba, dị ọ mẹ̀ aduwa yị wa nị.

Iruuku 24:52

Dị ezirẹma ẹnẹẹ tana tụra ẹtẹ kụ́ ọọ, dị ẹ sị ịrajẹ ọyịjẹ ọbanyị varẹma aa nọ Ijerusarẹmị nị.

Ịjọọnụ 11:18

Ịbẹtanị ộ gụrị Ijerusarẹmị, ẹhụụ ịmẹẹrị ẹẹva avọọ ọ vị nị.