Imatiwu 9:23 - IWE ỌNỊNỊ

²³ Ịjị Ijeesu va sị ngụ ini irehi ọdọvịdị ọnọọ, ô re onokokoro ọnịrị ọkọnị aza ana aa kụ́ ịrẹka.

Imatiwu 9:23 Iomraidhean Croise

2 Ịtọpa 35:25

Ijeremaya ana vị ọnịsẹ ộ chẹrẹ ahẹ ọnị ọ sị zị ẹngụ anị. Ahẹ ọnọọ aza vị ana aa jị zị ẹngụ usu anị hụrị ụmẹ ọnọọ. Â chẹrẹ ahẹ ọnọnị tụ́ iwe ahẹ orere.

Ijeremaya 16:6

Ọza ọbanyị ọnịrị onuruwa ene hi ịnị ẹtẹ ọnọnị vene vee súu ha, ama ẹ́ yị nyị ọza ene vee ne wa; ẹ́ yị nyị ọza ana vaa zị ẹngụ ẹnịnị. Ẹ́ yị nyị ọza ana vaa hụvị ẹnịnị tọ ẹngụ anị ụnava avịka ẹ̀ hụvị ẹnịnị kụ ịrẹsụ ẹnịnị ka vị ẹnị ee du ayị nị.

Ezikẹẹrị 24:17

Ọ kà ọnị ọọ hà iduma kẹnẹ, ama asị ọnị zẹẹ ka ọza ọ̀ wụ ọ. Asị ọnị hụ vị avọọ hụ ịrẹsụ anị ha, dị asị ọnị sị ahụ osusu ngwọọ zịịzị. Ọ kà asị ọnị va ịsa ku eyi, dị asị ọnị rị ịsa ana aā rị ọza aa zị ẹngụ oku.

Imatiwu 11:17

dị ẹ ka: ‘Yée hú okokoro yị wụ nịnị, ama wẹ yị nyị ẹzẹ nịnị. Ya rẹ jị òrèrè yị wụ nịnị, ama wẹ yị jị òrèrè nịnị!’

Iruuku 7:32

Vị ẹ sị mẹẹ anka ezi eweyi ana yaayịtẹ ini orere avọọ nị. Dị ẹnịnị ee nowuu hị́ ẹngụ, dị ẹ ka: ‘Yê hú okokoro yị wụ nịnị, ama wẹ yị nyị ẹzẹ nịnị. Ya rẹ jị òrèrè yị wụ nịnị, ama wẹ yị jị òrèrè nịnị.

Odeyi 20:10

Dị Ịpọọrụ chí na, dị ọ và ayị kú ọọ, dị ọ sị ịrachị tụraa ịrachị nị. Dị ọ ka, “Và ayị nẹtẹ nịnị, ka ụhwẹ yà ịnị ẹngụ anị!”

Odeyi 9:39

Dị Ipita kwẹẹtẹ, dị aa dị waa na nị. Ịjị o tù ịzọọ, dị a sị ọọ nọ ịnị aku ịnị ọtụrọsa ọnọọ nị. Dị avaba osoku nịnị ene hi ịzọọ wara kara Ipita, dị ẹyaa jị òrèrè, dị ẹyaa sị awuru ọnịrị ọtịnịnẹ ọnị Ịdọkaasị mẹ, ọ mẹ̀ yà ẹhẹ, zụ̀ Ipita nị.

Ẹtore 18:22

Ọngwẹ ọnọọ ka: Ọza ọ mā vana wụ́ aza ene ee hú igita ọnịrị aza ene ee hú ịsa beri aza ene ee hú uhwere ọnịrị ọpanyị ịnịnẹ anị. Ọza e mē vene re ọnụkọrọ ụvọ ịnịnẹ anị paa. Ọza ọ mā rẹ vana wụ́ ka ịrẹtọkwayị aa sụ́ ịrẹyị ịnịnẹ anị pooro.