Imatiwu 9:2 - IWE ỌNỊNỊ

² Aza ẹnyị ê chema oswẹngụ ọnya ká a vẹ ana hụtụ ini odooro. Íjeesu mè re ka ệ sị ayị tụra ọnị, dị ọ kà a yị oswẹngụ ọnọọ ka, “Ozi emi, ngwara eyi hi, ma raa vagu wu ịnị ịvị awụ.”

Imatiwu 9:2 Iomraidhean Croise

Ịrẹyị Ọzwọzịsa 9:7

Wa naa sị ayohine rị ịsa ọnị waa nyị, dị wee hu waa mẹrị kẹnẹ; agụvị ka Ohomorihi ọ raa sị ụvọ tụ ịnị ịsị ọnị waa mẹ yị wụ.

Ayịsaya 44:22

Ma raa kụ ebira edivi ọnị ụ mẹ nịnị kwooze anka eguhi mẹẹ hụ́ avọọ, dị mị kụ́ ịvị awụ nịnị kwooze anka uruvu anaa dàa hụụnị ịsa mee vu avọọ nị. Varẹma ká mị vẹ nịnị, agụvị ka ẹ ma dọ wụ nịnị ha nị.”

Imatiwu 14:27

Dị Ijeesu wụsẹ kà ịrẹyị yị wa nị, dị ọ ka, “Và ayị nẹtẹ nịnị! Ẹmịị yọ nị, asị u hí angwa nịnị!”

Imatiwu 4:24

Ịrẹyị anị ọ sị ngụ ịrẹyị na ngụ avaba ẹtẹ Isiriya. Dị ẹnịnị kụ́ avaba aza ọnị ụkụ irenyi-irenyi aa sị ụyaa rị ka a vẹ nị, ọnịrị aza ana nyị ụhwẹ echu, ọnịrị aza oni odumpapara aa za beri aza ene sú ẹngụ, dị ọ mẹ wa ụkụ nị.

Imatiwu 6:12

Vagu yi ịnị ịvị ayị, anka ẹyị mẹ rẹ vagu aza ana mẹ̀ odivi hi yi.

Imatiwu 8:10

Ịjị Ijeesu maanị wụ́, ô hí ọ irenu, dị ọ kà a yị aza ana aa dụ ọ ịrẹma, dị ọ ka, “Ịzẹyịza, mị kà a wụ nị, mẹ yị maanị re ọza ana sị ayị tụra mị da; mẹ yị hyakụ ree ịnị Anisirẹrị nịnị.

Imatiwu 8:16

Óruva mè si tù, dị ẹ kụ́ aza ọrụrụ-ọrụrụ ana nyị ụhwẹ echu ká a vẹ nị. Dị ọ sị ịrẹyị anị dụ ụhwẹ echu ẹnẹẹ jịnẹ nị, dị ọ mẹ avaba ọnịkụ nịnị ụkụ ẹnịnị nị.

Imatiwu 9:22

Dị Ijeesu kana eyi, di o ree nị, dị ọ ka, “Ozi, ngụra eyi hi, ẹngụ awụ ộ ta, agụvị ka wâ sị ayị tụra mị.” Dị ẹngụ ọnẹẹ ọnọọ wụsẹ ta hụrẹ ụmẹ ọnọọ gẹdẹ-gẹdẹ nị.

Imatiwu 9:5

Ye re ana rọ hu ọyịkà, ka â vagu ọ ịnị ịvị anị, à vị ka ọ̀ kwẹẹtẹ, dị ọ̀ọ zị ụsẹ?

Imatiwu 9:6

Ama mee sì ka wa yẹ nịnị ka Ozi ọza onigirima ộ nyị ụkata ọyị vagu ọza ịnị ịvị anị ịnị ẹhẹ ọnọnị.” Dị ọ kà a yị oswẹngụ ọnọọ ka, “Kwẹẹtẹ, sị odooro awụ, dị waa nọ eehi awụ!”

Ịmaakị 1:32

Ịjị oruva si tù, ọ́ yị mẹ̀ sị ngụ ẹtẹ, dị aza kụ́ avaba ọnịkụ ọnịrị aza ana nyị ụhwẹ echu nịnị ká Ijeesu vẹ nị.

Ịmaakị 10:49

Dị Ijeesu jẹẹ nị, dị ọ ka à hị́ ọọ vẹ nị. Ệ hị́ ogweyi ọnọọ, dị ẹ ka, “Và ayị nẹtẹ, kwẹẹtẹ, ka aa hị́ wụ!”

Ịmaakị 5:34

Dị Ijeesu kà a yọ ka, “Ozi, ẹdọwụ awụ ọ sị wụ mẹ ụkụ, waa na ịnị ẹngwọọrọ, dị ẹngụ awụ ọ̀ ta!”

Ịmaakị 6:50

Avaba ẹnịnị mè re e, dị angwa ee hí wa ẹtẹẹtẹrẹ nị. Dị Ijeesu wụsẹ kà a yị wa ka, “Và ayị nẹtẹ nịnị, ka ẹmịị yọ nị! Asị u rè hí angwa nịnị!”

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Ịjọọnụ 2:25

Ẹ yị nyị ka ọza ọ̀ naa kà ịrẹyị azaa yị Ijeesu, agụvị ka ộ yẹ ịsị ẹ yà ịnị ayị aza.

Ịjọọnụ 21:5

Dị Ijeesu kà a yị wa ka, “Ezi ẹnẹnị, wáá nyị ivovo nịnị?” Dị ẹnịnị ka eyiye nị.

Odeyi 14:9

Ọ mẹ̀ yaayịtẹ ịzọọ, ộ wụ́, Ị́pọọrụ màa kà ịrẹyị. Ịpọọrụ ô jị eyi ngụ ọ, di o re e ka ộ dọ wụ́ ka a zụ mẹ̀ ẹ ụkụ nị.

Odeyi 19:12

Ankasihu ọnịrị ịta ọnị Ịpọọrụ sị za vị ana aza hyakụ aa kụ́ụ nọ ịdị ọnịkụ nịnị; dị ụkụ ẹnịnị ta, dị ụhwẹ echu ene hi ẹngụ ẹnịnị zwe jịnẹ.

Odeyi 23:11

Ịrahụ ịhị ọnọọ, dị Ananyị yị va jẹẹ pe Ịpọọrụ, dị ọ ka, “Ngwara eyi hi! Ụ mẹ̀ kà ịrẹyị amị Íjerusarẹmị aanị, â nyị ka wa rẹ dọ ivenu amị Íroomi.”

Aniroomi 5:11

Ẹ yị vị avọọ kẹnẹ, ọ mẹ̀ vị. Ohomorihi ọ raà mẹ ka yaa mẹ ụbanyị agụvị Ijeesu Ananyị yị Ikirisiti, ọnị ọ mẹ ka ẹyịrị Ohomorihi ọ̀ varẹma ze nị.

Ijemiisi 2:18

Aza ẹnyị ẹ zụ nyị ahankata ka: Ọza ịnya ộ dọ Ohomorihi wụ́ kẹnẹ, dị ọsa ọnị aa mẹ̀ ịsa ana vọrọ nị. Ohi amị ọ vị ka: Ọ́za mẹmẹ nyẹngụ dọ Ohomorihi wụ́ kẹnẹ dị ẹ yị sị vị ebira mẹ? Ẹma nyẹngụ sị zụ wụ ka maa sị ayị tụra Ohomorihi ini oze ebira ọnị maa mẹ̀.