Imatiwu 9:18 - IWE ỌNỊNỊ

¹⁸ Ọ mẹ̀ maanị aa yịị kà ịrẹyị ẹnẹnị kẹnẹ, re, dị ọdọvịdị Aniju nịnị ọnyara vẹ nị, dị ọ va vaku ẹtẹ yọ, dị ọ ka, “Ozi emi ọnẹẹ ô wusu booro aanị; ama navọ wa vẹ dị ụ wa sị ụvọ tụra a, dị ọ̀ yàra.”

Imatiwu 9:18 Iomraidhean Croise

2 Ohinọyị 5:11

Ama ayị ọ sị kụ́ Ịnaamanị, dị ọ jị ayị hụụ ịzọọ nị. Ọ kà vị ọnị sị ọ hị́ ka vi Erisa vaa jịnẹẹ vẹ, dị ọ jẹẹ, dị ọọ hị́ Ẹnẹyịmavara Ohomorihi anị, dị ọ sị ụvọ tụra ọnị, dị ọ mẹ̀ ọnị ụkụ nị.

Imatiwu 14:33

Dị aza ene hi ịnị ẹpa va ku ẹtẹ, dị ẹ ka, “Ịzẹyịza, Ozi Ohomorihi ụ vị nị.”

Imatiwu 15:25

Ịjọnọọ dị ọnẹẹ ọnọọ vẹ, dị ọ va ku ẹtẹ ọ́vịdị anị, dị ọ ka, “Ọga, gụ mị ụvọ de!”

Imatiwu 17:14

Ịjị e chí vẹ ve tù ọkọnị aza ana vọ, dị ọnọrụ ọnya aanị kà vẹ nị. Di o ku ẹtẹ,

Imatiwu 20:20

Dị ọnyị ezi Izebedi kụ́ ezi anị ve tù Ijeesu nị; dị ọ va ku ẹtẹ yọ, dị ọ ka ọ̀ mẹ̀ ịsa ọnya yị ọnị nị.

Imatiwu 28:17

E mè re Ijeesu, ệ va ku ẹtẹ kụ́ ọọ. Ama aza ẹnyị aa yịị jị ọọ ịrẹka.

Imatiwu 8:2

Ịjọnọọ dị ọnịkụ ọbanyị ọnya aanị ká a vẹ, dị ọ va ku ẹtẹ ọ́vịdị anị, dị ọ ka, “Ananyị yị, wèe sì, wa nyẹngụ mẹ ụkụ amịị mị.”

Imatiwu 8:25

Dị ezirẹma anị ve tù ọọ, dị ẹ haa nị, dị ẹ ka, “Ananyị yị, dọ yị tụ́, ka yee vee sú!”

Imatiwu 9:17

Ọza ọ mā rẹ sị eyi-eche tụ́ ini okoko ana vị ọkụmị. Ọza ọ̀ọ vavọọ mẹ, dị okoko ọnọọ chaka, dị eche ọnọọ và ha, dị okoko kuku si du ha. Eyi-eche vị anaa sịị̄ tụ́ ini okoko ana rẹ katẹngụ, dị ẹnị ẹyịva si tenyi.”

Imatiwu 9:19

Dị Ijeesu kwẹẹtẹ, dị aa dụ ọọ na nị. Dị ezirẹma anị ẹnị raa dụ ọọ na nị.

Imatiwu 9:24

Dị ọ kà a yị wa ka, “Sị oze tịtẹ nịnị, agụvị ka ozi ọnọọ o yi sú, ama vị aa sụ̀ ara nị.” Dị ẹyaa sị ọọ mẹ enyinyi nị.

Iruuku 13:14

Ọdọvịdị irehi Ohomorihi ọnọọ aa kụ́ ayị ka Ijeesu ộ mẹ̀ ọza ụkụ ịnị ẹkụhị ụhwọtụ. Dị ọdọvịdị ọnọọ kà a yị aza ka, “Yâ nyị ẹkụhị ịhịnọnyị ana a vọrọ ka ọza ọ̀ sị mẹ̀ ụkọrọ. Vẹ nịnị ịnị akakana ẹkụhị ịhịnọnyị ẹnẹẹ, dị à mẹ wụ nịnị ụkụ, asị ụ rẹ̀ vẹ ịnị ẹkụhị ụhwọtụ nịnị!”

Iruuku 18:18

Ọdọvịdị Aniju ọnya aanị ọ va họ̀ Ijeesu use ka: “Nda ọyịza, sị a vọrọ ka ma mẹ, dị ma nyẹngụ yàra pooro zịna-zịna ị́dị Ohomorihi?”

Iruuku 7:2

Ọga isoja ẹchẹhị ọnya aanị ộ nyị ozi ahụ oni o sì ịrẹyị anị ẹtẹẹtẹrẹ. Ẹngụ aa zị ozi ahụ anị ọnọọ, ee vee sú.

Ịjọọnụ 11:25

Dị Ijeesu kà a yọ ka, “Ẹmị ọnọnị ọọ̄ ha ọzaa hụụnị isu, dị mị rẹ mẹ ka ọza ọ̀ yàra nị. Ọza ana àa sị ayị tụra mị, ọ̀ọ daka sú, ọ vị vaa yàra pooro zịna-zịna.

Ịjọọnụ 11:32

Ịjị Imeri tù ịzị Ijeesu yà, di o re e, dị ọ và ku ẹtẹ ágada anị nị, dị ọ ka, “Ananyị yị, wàa yaanị yà ịzẹnị, ẹnẹbẹnị amị ọ yị yaanị sú, ọ.”

Odeyi 13:15

Ịjị a sị iwe ọda Imosiisi ọnịrị iwe ọnịsẹ nịnị kà, dị ọdọvịdị irehi Ohomorihi ọnọọ tụ́ ne tù Ịpọọrụ nịnị, dị ẹ ka, “Ẹnẹbẹnị ayị, ị yaanị sì ka wa kà ịrẹyị yị aza ẹnẹnị nịnị, wàa nyị ịrẹyị ana a vọrọ ka ọ̀ tụ́ wa ọtụtụrụma.”

Odeyi 28:8

Ada Ipaburu vị ọnị ọvanggoro ọnịrị ijadijadi za, dị ọ hụtẹtẹẹ nị. Dị Ịpọọrụ ngụ ini eehi ne tù ọọ, dị ọ mẹ̀ aduwa, dị ọ sị ụvọ tụra a, dị ọ mẹ̀ ẹ ụkụ nị.