Imatiwu 9:13 - IWE ỌNỊNỊ

¹³ Ama na nịnị, di u we ne sì uruvo ịsa ọnị ịrẹyị ọnọnị kà nịnị ka: ‘Me yi sì ịsọvọ, àyị vị ayamva.’ Agụvị ka mẹ yị vẹ ka ma hị́ ọnịrẹyịzẹyịza, àyị vị ka ọnịvị nịnị è ro ịnẹ varẹma nị.”

Imatiwu 9:13 Iomraidhean Croise

Ụhịrẹyị 21:3

Ọza ọ̀ mẹ̀ ịsị ẹ vọrọ o hine Ẹnẹyịmavara hu ịsọvọ ọyịmẹ̀ nị.

Ihoseya 6:6

Ọ kà ọza o sì ịrẹyị anị ọ ngụ ọnị eyi hụụnị ka a sị ịsa ịsọvọ va yị ọnị nị. Ọza ọ yẹ ọnị ọ mẹ yị ọnị hụụnị ka ọ rị ịsọvọ ịra yị ọnị nị.

Imatiwu 12:3

Dị Ijeesu kà a yị wa ka, “Aanịka wẹẹ̀ yị kà ịsa oni Idevidi mẹ? Ịjị ụngwẹ aa kụ̀ Idevidi ọnịrị aza anị, dị è yi re ịsa rị,

Imatiwu 12:5

À vị wẹ yị kà a ịnị ọda oni Imosiisi mẹ nịnị ka ịnị ẹkụhị ụhwọtụ ohirẹsụ irehi Ohomorihiī mẹ̀ ụkọrọ ini irehi Ohomorihi, ama dị ẹ yị rị ịvị?

Imatiwu 12:7

Wàa yaanị yẹ iruvo ịrẹyị ọnọnị nịnị ka: ‘Me yi sì ịsọvọ ẹ̀ yị vị ayamva’, wẹ yị yaanị aa jị ịvịị yị ọza ẹnẹ ẹ̀ yị rị ịvị nịnị,

Imatiwu 19:4

Di o tụ́ wa ohi, dị ọ ka, “Aanịka wẹẹ̀ yị kà a ini Iwe Ohomorihi nịnị ka hụrẹ ụmọrụmọ ọza ana mẹ ọza, vị ana mẹ wa ọnọrụ ọnịrị ọnẹẹ?”

Imatiwu 21:42

Dị Ijeesu kà a yị wa ka, “Aanịka wẹẹ̀ yị kà a ini Iwe Ohomorihi nịnị ka: ‘Ịrẹta ọnị ọtụrarehi nịnị yi tịtẹ, ọnị ọ vana vị ọọnyị ịnị ịrẹta anaa sịị̄ dà irehi nị. Ananyị yị ọ maanị mẹ nị, ô hí yi irenu!’

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

Imatiwu 3:8

Mẹ ịsa ana vọrọ kẹ, ana vaa sị zụ ka we reè ro ịnẹ varẹma nịnị.

Imatiwu 4:17

Hụrẹ ụmẹ ọnọọ, dị Ijeesu nyima dị aa kà ịrẹyị Ohomorihi nị. Dị ọ ka, “Ro ịnẹ varẹma hụụnị ịvị awụ nịnị, agụvị ka ụmẹ ana Ada ayị ẹbẹẹba vaa sị mẹ ịjọva aa gụrị ẹtẹ.”

Ịmaakị 12:26

Àa vị ka áá vaa ha oku nịnị hụụnị isu yọ, aanị ka wẹẹ̀ yị kà iwe Imosiisi nịnị da, Óhomorihi mẹ̀ kà a yị Imosiisi ịzị ọchị yà aa rị ịra ka: ‘Ẹma vị Ohomorihi Abụrahamị nị, dị mị rẹ vị Ohomorihi Ayiziiki nị, dị mị rẹ vị Ohomorihi Ijekọvụ nị.’

Ịmaakị 12:33

A rẹ vọrọ ka ọza ọ̀ sị avaba ayị anị sì ịrẹyị anị, beri avaba ịrẹyọyẹ anị ọnịrị avaba ụkata anị, di ò re sì ịrẹyị ọnọhụva anị anka ẹngụ anị. Ọda ẹẹva ẹnẹnị e huna avaba ịsọvọ ana aā rị ịra ọnịrị ịsọvọ ana vọ bemi-bemi nị.”

Ịmaakị 2:17

Ịjị Ijeesu maanị wụ́, dị ọ kà a yị wa ka, “Ịsa ọ̀ yị zị ọza, o mē sì ọmahọnọ. Ọza ọnị ịsa aa zị kẹnẹ, oō sì ọmahọnọ nị. Agụvị avọọ mẹ yị vẹ ka ma hị́ ọnịrẹyịzẹyịza, ẹ̀ yị vị ka ọnịvị nịnị è ro ịnẹ varẹma.”

Iruuku 10:26

Dị Ijeesu tụ́ ọ ohi, dị ọ ka, “Sị a chẹrẹ tụ́ ini iwe ọda? Ụ mẹmẹ kà a?”

Iruuku 19:10

Agụvị ka ẹmị Ozi ọza onigirima vị ana vẹ ka me sì aza ene vú, dị ma dọ wa há.”

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Iruuku 5:31

Dị Ijeesu tụ́ wa ohi, dị ọ ka, “Ịsa ọ̀ yị zị ọza, o mē sì ọmahọnọ. Ama ọza ọnị ịsa aa zị kẹnẹ, oō sì ọmahọnọ nị.

Iruuku 5:32

Agụvị avọọ, mẹ yị vẹ ka ma hị́ ọnịrẹyịzẹyịza, ama mâ vẹ ka ma va hị́ ọnịvị nịnị ka è ro ịnẹ varẹma.”

Ịjọọnụ 10:34

Dị Ijeesu ka, “Â chẹrẹ tụ́ ịnị ọda awụ nịnị ka Ohomorihi ka: ‘Ẹwụ nịnị vị ene véné Ohomorihi.’

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Odeyi 5:31

Ohomorihi ọ raà sị ọọ tụ́ ẹba éyi ụvọrị anị, ka ọ̀ vị Ohinọyị ọnịrị Ọdọzaha. Dị ọ̀ rẹ mẹ ka Anisirẹrị nịnị è ro ịnẹ varẹma, dị ọ̀ vagu wa ịnị ịvị ẹnịnị.

2Ipita 3:9

Aza ẹnyị ee roo ka Ohomorihi aa za ịrẹyị anịị tura ẹtẹ, ọ yị mẹ̀ ịsa ọ kà a ka ọnị vaa mẹ. Ẹ́ yị vavọọ ọ mẹ vị. Ama vị ọ nyị isuuru wụ nịnị nị, agụvị ka ó yi sì ka ọzọnyị-ọzọnyị ò vú ẹtẹ, ama ee sì ka avaba aza è ro ịnẹ varẹma hụụnị ịvị ẹnịnị.