Imatiwu 8:8 - IWE ỌNỊNỊ

⁸ Dị ọga isoja nịnị ọnọọ tụ́ ohi, dị ọ ka, “Mẹ yị yà ọza anaa vọrọ ka wa ngụ ini eehi anị. Mị mẹ ọda kẹnẹ, ka ẹngụ ozi ahụ amị vaa ta.

Imatiwu 8:8 Iomraidhean Croise

Oyinyima 32:10

Dị ọ rẹ ka avaba ịrẹyị anị oni ọ maanị sì, dị ọ̀ yị mẹ̀ ọnị apẹ aanị, ẹ yị vị ka ọnị vavọọ yà nị. Ọ kà Okutẹ anị kẹnẹ ọnịrị jịnẹ Okuha Ịjọdanị ọnọnị nị. Dị ọ ka ọnị ọnọọ ọrụrụ pooro di ọnị sị vara udi ẹẹva aanị nị.

Ahẹ Ụgama 10:17

Ẹnẹyịmavara, mâ yẹ ka ụ vaa wụ́ ịpọda oniruwa nịnị, ụ rẹ vaa gụ wa ụvọ.

Ahẹ Ụgama 107:20

Ohomorihi ộ mẹ̀ ka à kà ịrẹyị anị yị wa ana mẹ ka ẹngụ ẹnịnị ọ̀ ta, dị ọ̀ yị rẹ vaa zaa ka è sú nị.

Ahẹ Ụgama 33:9

Irenu kẹnẹ ọ sị kà ịrẹyị, dị ịsị ọ ka ọ̀ mẹ mẹ nị ee ro! Ọda ọnị ọnị mẹ, ọnị ọ mā vara oo!

Ịrịka 20:8

ọ sị okutẹ, dị ọnịrị Eerọnị ẹ hị́ ịragụ gụ, dị ọ ka ịda ka ọ sị enyi yị wa eyi ẹnịnị. Avọọ ẹnịnị mẹ va sị enyi yị Anisirẹrị ẹnịrị ịsụpa ẹnịnị hụụnị ịnị ịda nị.

Imatiwu 3:11

Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi.

Imatiwu 3:14

Dị Ịjọọnụ kà: “Eyiye de, ẹwụ à vọrọ ka ọ̀ hụ́ mị enyi nọ; sị ẹ vẹ dị ụ vaa vẹ ịdị amịị?”

Imatiwu 8:3

Dị Ijeesu tana ụvọ anị, dị ọ sị kanyị ọ nị, dị ọ ka, “Mee sì de, ụkụ awụ ọ̀ ta!” Obooboro ọnọọ, dị ụkụ ọbanyị anị ta nị.

Imatiwu 8:7

Dị Ijeesu kà a yọ ka: ọnị aa vaa mẹ̀ ẹ ụkụ nị.

Imatiwu 8:9

Ẹma rẹ nyị ọza ana nyị ọda amị, dị mị rẹ nyị isoja nịnị hi akẹtẹ amị nị. Màa mẹ ọda yị ọnya ka ọ̀ na, dị aa na; màa kà a yị ọsa ka ọ̀ vẹ, dị aa vẹ. Màa kà a yị ozi ahụ amị ka ọ̀ maanị mẹ, avọọ ọ màa mẹ nị.”

Iruuku 15:19

Mẹ yị kụkụ yà ọza ana a vọrọ ka àa hị́ ozi ewu. Aarịhịnị, sị mị mẹ̀ ọnya ịnị anụkọrọ awụ nịnị!’ ”

Iruuku 15:21

Di ozi ọnọọ ka: ‘Nda, ma sị ịvị mẹ hi Ohomorihi ọnịrị ẹwụ. Mẹ yị kụkụ yà ọza ana a vọrọ ka àa hị́ ozi ewu.’

Iruuku 5:8

Ịjị Ịsayịmọnị maanị re e, dị ọ và ku ẹtẹ ọ́vịdị Ijeesu, dị ọ ka, “Ananyị yị, hụụ ịda amị, ka ọnịvị mị vị nị!”

Ịjọọnụ 1:27

Ọza ọnọọ mị ka aa vẹ ị́rẹma amị nị; mẹ yị hyakụ yà ọza ana a vọrọ ka ọ̀ ngwa adava hụụnị ahụ anị.”