Imatiwu 8:4 - IWE ỌNỊNỊ

⁴ Dị Ijeesu kà a yọ ka, “Re, asị ụ kà a yị ọza ọnyọọnyị! Ama na sị ẹngụ awụ zụ̀ ohirẹsụ irehi ahẹkẹ Aniju; dị ụ wa na mẹ̀ ịsọvọ oni Imosiisi mẹ ọda anị, dị ọ̀ vị ivenu yị wa ka ẹngụ awụ ộ ta!”

Imatiwu 8:4 Iomraidhean Croise

Ayịsaya 42:21

Ayị Ẹnẹyịmavara ô hine, agụvị ịsa ana vọrọ ọnị ọọ̄ mẹ̀. Ộ sị ụbanyị yị ọda anị, dị ọ mẹ ka ọ nyị igirima nị.

Ireevi 13:49

Uru ana chị́ tụ ịnị awuru aanị, ọ̀ọ vị ẹrẹẹrẹ, ọ̀ọ vị ovivi, uru anaā gara zịịzị ọ́ vị nị. À sị ọ na zụ̀ ohirẹsụ irehi Ohomorihi.

Imatiwu 10:18

A rẹ vaa za wụ nịnịị nọ ịda ịgọvọnọ nịnị ọnịrị ohinọyị nịnị agụvị amị kẹnẹ, ka wa kà enube ọyịza yị wa ọnịrị anẹhẹ ana vọ.

Imatiwu 16:20

Ịjọnọọ di o hú ezirẹma anị ụvọ ka asị ẹ kà a yị aza ka ọnị ọ vị Ikirisiti nị.

Imatiwu 17:9

E mèe chíi hụụnị atabaa vẹ, di o hú wa ụvọ, dị ọ ka, “Asị ụ kà ịsa oni u re aanị yị ọza ọnyọọnyị pooro dị ẹmị Ozi ọza onigirima ọ̀ ha hụụnị isu!”

Imatiwu 3:15

Dị Ijeesu tụ́ ohi, dị ọ́ kà a yọ ka, “Naavọ wa vavọọ mẹ ẹ! Yàa vavọọ mẹ, ịsa ọnị Ohomorihi si ka ya mẹ̀, ị yaa mẹ avọọ nị”. Ịjọnọọ dị Ịjọọnụ zẹẹ yọ nị.

Imatiwu 5:17

“Asị u roo ka mị vẹ ka ma va kụ́ ọda kwooze nị, à vị ịrẹyị ọnịsẹ nịnị. Mẹ yị vẹ ka ma va kụ́ wa kwooze, ẹ̀ yị vị ka ma va sị iruvo avaba anị zụ̀.

Imatiwu 6:1

“Sị eyi pe ẹngụ awụ nịnị! Asị ụ mẹ ahẹkẹ awụ nịnị agụvị aza è ree kẹnẹ, ka ẹ̀ yị va avọọ, wẹ yị vaa dọ ọgụ hụụnị ụvọ Ada awụ nịnị ẹbẹẹba.

Imatiwu 9:30

Di eyi ẹnịnị sị há nị. Dị Ijeesu hú wa ụvọ ẹtẹẹtẹrẹ, dị ọ ka, “Asị ụ zẹẹ ka à nyị ọza ana yẹ nịnị o!”

Ịmaakị 13:9

Sị eyi pe ẹngụ awụ nịnị! A vaa za wụ nịnị nọ ini ikootu, di e re tụ́ wu nịnị ini irehi ahẹkẹ Aniju nịnị. A rẹ vaa za wụ nịnị naa jẹẹ ọvịdị ohirẹsụ ọnịrị ohinọyị nịnị agụvị amị, agụvị dị ụ wa dọ ivenu amị yị wa nịnị.

Ịmaakị 3:12

Dị Ijeesu hú wa ụvọ ẹtẹẹtẹrẹ ka asị ẹ zẹẹ ka aza ẹ̀ yẹ ọza ọnọ ọnị vị nị.

Ịmaakị 5:43

Dị Ijeesu hú wa ụvọ ka asị ẹ kà a yị ọza ọnyọọnyị nị, dị ọ rẹ ka à sị ịsọyịrị yọ dị ọ̀ rị ọọ nị.

Ịmaakị 6:11

Aha tụra aha ọnị ụ wàa ngụ, dị aza è yi sì wu nịnị ọzọga, dị ẹ̀ yị rẹ wụ́ ịrẹyị awụ nịnị nị, ịjị ụ wàa hụụ ịzọọ nịnị, dị ụ bànyị edudu ịnị ahụ awụ nịnị hi ịzọọ, dị ọ̀ vị ivenu yị wa ka ịsị ẹnẹ ẹ mẹ, ô divi.”

Ịmaakị 7:36

Dị Ijeesu hú wa ụvọ ka asị ẹ kà a yị ọza ọnyọọnyị nị. Dị ọ maanị yi hú wa ụvọ, vị ẹ yaa yịị kà enube ọnọọ zịịzị hu avọọ nị.

Ịmaakị 8:30

Dị Ijeesu hú wa ụvọ ka asị ẹ na kà a yị ọza ọnyọọnyị nị.

Ịmaakị 9:9

E mèe chíi hụụnị atabaa vẹ, di o hú wa ụvọ ka asị ẹ kà a yị ọza ọnyọọnyị ịsa enee re aanị pooro dị ọnị Ozi ọza onigirima ọ̀ ha hụụnị isu.

Iruuku 17:14

Dị Ijeesu re wa nị, dị ọ ka, “Waa na nịnị, dị ụ wa sị ẹngụ awụ nịnị na zụ̀ ohirẹsụ irehi Ohomorihi!” Ẹ́nịnị màa na óze, dị ẹngụ ẹnịnị ta nị.

Iruuku 21:13

Ọnọnị vaa mẹ ka we re oze dọ ivenu amị nịnị.

Iruuku 4:41

Dị ụhwẹ echu nịnị ẹnị rẹ jịnẹ hụụnị ẹngụ ọza ọrụrụ-ọrụrụ, di eyee nowu ka, “Ẹwa vị Ozi Ohomorihi nị!” Ọ màa tụ́ wa ohuvọ, ọ yị zẹẹ ka ẹ̀ kà ịrẹyị, agụvị ka ẹnịnị ệ yẹ ka Ikirisiti ọ vị nị.

Iruuku 5:14

Dị Ijeesu hú ọ ụvọ ka, “Re, asị ụ kà a yị ọza ọnyọọnyị, ama na sị ẹngụ awụ zụ̀ ohirẹsụ irehi Ohomorihi; dị ụ wa na mẹ̀ ịsa oni Imosiisi mẹ ọda anị, agụvị ka wa sị nị, dị ọ̀ vị ivenu yị wa ka ẹngụ awụ ộ ta.”

Iruuku 8:56

Ô hí aza ana ma ozi ọnọọ irenu ẹtẹẹtẹrẹ. Dị Ijeesu hú wa ụvọ ka asị ẹ kà a yị ọza ịsa ana mẹ nị.

Iruuku 9:21

Dị Ijeesu hú wa ụvọ ẹtẹẹtẹrẹ, dị ọ ka asị ẹ kà ịrẹyị ọnọọ yị ọzọnyị-ọzọnyị nị.

Ịjọọnụ 5:41

“Mẹ yị dụ ka aza ẹ̀ẹ ga mị.

Ịjọọnụ 7:18

Ọza ana àaa dà ẹngụ anịị kà, vị ene ee sì ụbanyị yị ẹngụ anị. Ama ọza ene èee sì ụbanyịị yị ọza ana tụ́ ọọ, ọnị ọ vị ọnịzẹyịza nị, o mē vene ọza.

Ịjọọnụ 8:50

Ẹ yị vị ụbanyị ẹngụ amị m mee sì. Â nyị ọza enee si ụbanyịị yị mị, ọnị ọ rẹ vị ọmọkarẹyị nị.