Imatiwu 8:3 - IWE ỌNỊNỊ

³ Dị Ijeesu tana ụvọ anị, dị ọ sị kanyị ọ nị, dị ọ ka, “Mee sì de, ụkụ awụ ọ̀ ta!” Obooboro ọnọọ, dị ụkụ ọbanyị anị ta nị.

Imatiwu 8:3 Iomraidhean Croise

Oyinyima 1:3

Ohomorihi ộ kà a ka à nyị ẹtohweyi, dị a nyị ẹtohweyi nị.

2 Ohinọyị 5:11

Ama ayị ọ sị kụ́ Ịnaamanị, dị ọ jị ayị hụụ ịzọọ nị. Ọ kà vị ọnị sị ọ hị́ ka vi Erisa vaa jịnẹẹ vẹ, dị ọ jẹẹ, dị ọọ hị́ Ẹnẹyịmavara Ohomorihi anị, dị ọ sị ụvọ tụra ọnị, dị ọ mẹ̀ ọnị ụkụ nị.

2 Ohinọyị 5:14

Ịzẹyịza, dị ọ na Okuha Ịjọdanị nị. Ô tu ịzọọ, dị o chi ngụ ọ ụpẹ ịhịmba anka ọza Ohomorihi mẹ̀ kà a yọ nị. Ụpẹngụ anị ộ vavẹ eehi, dị ọ kụkụ ya anka ụpẹngụ ozinụvọ avọọ nị. Ẹngụ anị ộ ta.

Ahẹ Ụgama 33:9

Irenu kẹnẹ ọ sị kà ịrẹyị, dị ịsị ọ ka ọ̀ mẹ mẹ nị ee ro! Ọda ọnị ọnị mẹ, ọnị ọ mā vara oo!

Ọyịkụra 4:7

Di Ohomorihi rẹ ka ọ̀ varẹma rẹ sị ụvọ anị chire ịrachị anị. Dị ọ varẹma sị ụvọ anị chire ịrachị nị. Ịjị ọ tụ̀ ọ, ụkụ ịsọọnị ộ ta hụụnị ụvọ anị, dị ụvọ anị ọnọọ kụkụ yà anka ẹngụ anị ana vọ nị.

Imatiwu 12:13

Ịjọnọọ dị ọ kà a yị ọnọrụ ọnọọ ka, “Tana ụvọ awụ!” Dị ọ tanaa, dị ụvọ anị ta, dị ọ rẹ sị yà anka ọsa nị.

Ịmaakị 1:41

Ayị anị ộ vá Ijeesu ẹtẹẹtẹrẹ. Dị ọ tana ụvọ anị, dị ọ sị kanyị ọọ nị, dị ọ ka, “Mê sì de, ụkụ awụ ọ̀ ta!”

Ịmaakị 4:39

Di Ijeesu kwẹẹtẹ nị, dị ọ tụ́ ahị ọnọọ Ohuvọ nị. Dị ọ kà a yị enyi ka: ọ mẹ hẹẹ! Dị ahị jẹẹ keri, dị ẹtẹ tịtẹ sii nị.

Ịmaakị 5:41

Dị Ijeesu jị ụvọ chire ozi ọnọọ ụvọ, dị ọ kà a yọ ka, “Itarita kumi”, ọnọọ vị ka, “Ozi ọnẹẹ, mị ka wa kwẹẹtẹ!”

Ịmaakị 7:34

Dị Ijeesu sị eyi tụ́ ẹba, di o hi ụhwẹ zẹtẹ, dị ọ ka, “Ehwata”, ọnọọ vị ka, “Há!”

Ịmaakị 9:25

Íjeesu mè re ka aza wusee zwee vẹ, dị ọ mẹ da yị ụhwẹ echu ọnọọ nị, dị ọ ka, “Ẹwụ ụhwẹ, eneē gu ọza irenu ọnịrị ụtọ, maa mẹ̀ ọdaa wụ, jịnẹ hụụnị ẹngụ anị, asị ụ kụkụ varẹma ngụ ịnị ẹngụ anị!”

Iruuku 4:27

Ọnịkụ ọbanyị ọrụrụ-ọrụrụ e re hi ịnị ẹtẹ Isirẹrị nị ịnị ụmẹ Erisa ana vị ọnịsẹ. Ama ẹ yị nyị ọnyara ẹnịnị ana a mẹ ụkụ, ẹ̀ yị vị Ịnaamanị ana vị Anisiriya kẹnẹ.

Iruuku 5:13

Dị Ijeesu tana ụvọ anị, dị ọ sị kanyị ọọ nị, dị ọ ka, “Mee sì de, ụkụ awụ ọ̀ ta!” Obooboro ọnọọ, dị ụkụ ọbanyị ọnọọ wụsẹ ta hụụnị ẹngụ anị nị.

Iruuku 7:14

Dị Ijeesu na, dị ọ sị ụvọ kanyị odooro ana a sị oku ọnọọ tụ́ nị. Dị aza ana za a jẹẹ nị. Dị Ijeesu ka, “Ozi ọnọrụ, mị ka wa kwẹẹtẹ!”

Ịjọọnụ 11:43

Ịjị ọ vavọọ sị kà, di o nowu tụ́ ẹba nị, dị ọ ka, “Ịrasarụsị! jịnẹ vẹ!”

Ịjọọnụ 15:24

Ụkọrọ ẹbanyị-ẹbanyị ọnị mị mẹ ịnị akakana ẹnịnị, ẹ̀ yị nyị ọza ana vavọọ mẹẹ da; mẹ̀ yị yaanị mẹ ẹngụ ụkọrọ ẹnẹẹ, ẹ yị yaanị rị ịvị. Ama ẹ sị ụkọrọ ẹnẹẹ re, ẹ nyị nyị ịhyẹrẹ amị ọnịrị Ada amị bẹẹ.

Ịjọọnụ 5:21

Anka Áda amị mẹ̀ẹ̄ ha oku hụụnị isu, dị ọ mẹ ka ẹ̀ yàra, avọọ gẹdẹ-gẹdẹ ẹ́mị Ozi anị ọnị mẹ̀ rẹẹ̄ mẹ ka aza oni mèe sì, ẹ̀ yàra nị.