Imatiwu 8:19 - IWE ỌNỊNỊ

¹⁹ Dị ọzwọzọda ọnya aanị vẹ nị, dị ọ kà a yọ ka, “Ịnda, maa dụ wụ nọ aha tụra aha ọnị ụ wàa nọ.”

Imatiwu 8:19 Iomraidhean Croise

Ẹzịra 7:6

Ẹzịra vị ọka ana zụ ọza ọda ọnị Ẹnẹyịmavara Ohomorihi Anisirẹrị sị yị Imosiisi. Ẹnẹyịmavara ọ mẹ ka ohinọyị o sì ịrẹyị Ẹzịra, dị ọ sị ịsa tụra ịsa ọnị Ẹzịra họ̀ use anị yị ọ nị.

Iruuku 14:33

Dị Ijeesu ka, “Avọọ gẹdẹ-gẹdẹ ọ mẹ̀ rẹ yà nị; ọza tụra ọza ịnị ẹngụ awụ nịnị ene è yi yi avaba ịsa ọnị ọ nyị tịtẹ, ọ yị zụ vị ozirẹma amị.”

1 Anịkọrịntị 1:20

Ịjọnọọ yọ, ịzị ọyẹrẹyị ọnịrị ọzwọzọda nịnị kuku hi? Aza ana rẹẹ̄ nyị ahankata ịnị ẹhẹ ọnọnị, ịzị eni re hi? Ohomorihi ọ raà sị zụ̀ ka ịrẹyọyẹ ẹhẹ ọnọnị vị ụra kẹnẹ-kẹnẹ.

1 Anịkọrịntị 16:6

Ẹyịyara mi vee kù ịdị awụ nịnị chee. Ọnyẹngụ ahịka ịzọọ mị yà dị ọgụ ọ̀ ta nị. Ịjọnọọ ụ va zụụ gụ mị ụvọ nịnị ka ma nọ ịzị màa vaa nọ.