Imatiwu 8:11 - IWE ỌNỊNỊ

¹¹ [Ẹma kà a wụ nịnị nị ka aza ọrụrụ-ọrụrụ vaa hụrẹ ịzị ọyịị̄ zịị hụrẹ ọnịrị ịzị ọyịị̄ zịị ngụ ẹtẹẹ vẹ, dị ẹ yaayịtẹ pe Abụrahamị ọnịrị Ayiziiki ne beri Ijekọvụ ịzị Ada ayị ẹbẹẹba yà aa mẹ ịjọva ka ẹnị ẹ̀ rị ịsa.]

Imatiwu 8:11 Iomraidhean Croise

Oyinyima 12:3

Ọza ana àa ka oze yọ, dị ọnị rẹ mẹ ka ò zee yọ. Ọza ọnọọ Ọza òo si eyi wụ, vi oni ee chii hi ọza ọnọọ nị. Di o re ka avaba anẹhẹ vaa mẹ̀ aduwa ka ò zee yị ẹnị anka o mè zee yọ.

Oyinyima 22:18

Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma.

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Ahẹ Ụgama 98:3

Ộ tamayị ka ọnị ộ vịdị kà a yị Anisirẹrị ka ịzẹyịza ọnị ve sii sì ịrẹyị ẹnịnị nị. Avaba anẹhẹ ẹ si o re ka Ohomorihi ọ nyị ehuna nị.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Ayịsaya 49:12

Dị aza kụkụ a hụrẹ avaba aha ana ọnịrị ẹkụra ana hị́ Isini.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 52:10

Ẹnẹyịmavara ọ sị ụvọ ọnịnị anị tana eyi avaba anẹhẹ. Avaba aza ene hi ịzị ẹhẹ ana ta hi vee re Óhomorihi ayị mẹ vaa dọ aza anịị ha.

Ayịsaya 59:19

Ẹnẹyịmavara kà ọnị vaa va eyi ịraazị ka wa anka ọhaara enyi ọnịrị opomi ọbanyị. Anẹkụra nịnị ene hi eyi ịzị ọyịị̄ zịị vẹ ọnịrị ịzị ọọ̄ zịị ngụ ẹngụ ẹtẹ vee hí angwa anị dị ẹ sị ụbanyị yị ọnị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Imatiwu 21:41

Dị ẹ kà a yị Ijeesu ka, “Vị aa wụ̀ aza edivi ẹnẹẹ ha piti-piti, dị ọ sị ụbazị anị rere aza ẹnẹsa ana vaa sị ẹtụtụ anịị vaa yọ, ụmẹ òo si tù nị.”

Imatiwu 24:31

Dị ọpanyị ọbanyị ọnya sụ́ ịrẹyị, dị mị tụ́ anggẹẹrị amị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị gụ hụrẹ avaba aha ịzị ẹhẹ ọnịrị ẹbẹẹba na ta hi.

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

Imatiwu 8:10

Ịjị Ijeesu maanị wụ́, ô hí ọ irenu, dị ọ kà a yị aza ana aa dụ ọ ịrẹma, dị ọ ka, “Ịzẹyịza, mị kà a wụ nị, mẹ yị maanị re ọza ana sị ayị tụra mị da; mẹ yị hyakụ ree ịnị Anisirẹrị nịnị.

Iruuku 12:37

Ezida ọnị ọga ẹnịnị ọ̀ọ vavọọ vẹ, di o ve tù wa ka ệ ha, eyee zí ọnị nị, ẹ vaa daa jẹ. Dị ma kà a wụ nịnị, ka vị ọga ọnọọ ee tenyi obo anịị sụ́ ọtẹ, dị ọ ka ezida ẹnẹẹ ẹ̀ yaayịtẹ, dị ọnị ụvọta aa sị ịsaa yị wa nị.

Iruuku 16:22

Ẹkụhị ọnya, dị ọpịsarị ọnọọ wusu nị. Dị anggẹẹrị nịnị sị ọọ na yaayịtẹ pe Abụrahamị nị. Dị ọnyẹkẹhị ọnọọ oni re sú, di e ne e nị.

Odeyi 10:45

Ô hí ọdọwụ Aniju nịnị ana saasa Ipita vẹ irenu ka Ohomorihi ộ sị Ụhwẹ Ọnịnị mẹ Anigiriki ẹyịza bẹẹ.

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 14:27

Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị.

1 Anịkọrịntị 15:20

Ama ịzẹyịza ọ vị nị ka Ohomorihi ộ ha Ohinọyị ọnị Ọ nyị ka ọ̀ dọ yị há hụụnị isu. Ọnị ọ vị ọnịpaapa ịnị aza ana ahịka ẹ vaa haa hụụnị isu nị.

1 Anịkọrịntị 6:9

Máa yẹ ka wáa yẹ nịnị kaakara ka ọza ẹnẹ ẹ̀ yị nyị ịzẹyịza, ọ yị vaa ngụ ịzị Ohomorihi yà aa mẹ ịjọva. Asị ụ vene ẹngụ awụ nịnị oo! Ọmụnọ nịnị ọnịrị aza ana aa hẹkẹ ori, beri ọsẹrẹka nịnị ọnịrị ọnọrụ nịnị anaā nọ ịdị ọnọrụ ọsa anka ọnẹẹ avọọ,

Anẹhwẹsọsị 3:6

Ịrẹyị ọnọọ yị: ka Anigiriki, ẹnịrị Aniju vee duduu nyị tụ́ ịnị ịsa oni Ohomorihi sị kà ka ọnị vaa sịị yị aza anị ẹnẹ ẹnịrị Ijeesu Ikirisiti sị vị ọnya. Ini oze enube ọyịza, Aniju ọnịrị Anigiriki kụkụ sị vị ọnya nị.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.

2 Anịtẹsaronika 1:5

Wee re ka ịrẹyị awụ nịnị ọnọnị aa sịị zụ̀ ka Ohomorihi vị anaā mẹ̀ ọkarẹyị ịrẹyịzẹyịza? Ọdịrẹma ịsa ẹnẹnị ọ vị ka Ohomorihi aa mẹ wụ nịnị ka wa vọrọ tụra ịzị ọnị yà aa mẹ ịjọva, ọnị ụ maanị hụ ụvọ anị aa rị ụya nịnị aanị nị.

Ẹtore 7:6

Ini ovwoovu Aseri, a rẹ mẹ̀ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Inahwitari, â mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ. Ini ovwoovu Ịmanasẹ, a rẹ mẹ apọtẹrẹwa tụra aza ẹnị akawụ-akawụ oze ịhịnọnyị ịrẹsụ.