Imatiwu 8:10 - IWE ỌNỊNỊ

¹⁰ Ịjị Ijeesu maanị wụ́, ô hí ọ irenu, dị ọ kà a yị aza ana aa dụ ọ ịrẹma, dị ọ ka, “Ịzẹyịza, mị kà a wụ nị, mẹ yị maanị re ọza ana sị ayị tụra mị da; mẹ yị hyakụ ree ịnị Anisirẹrị nịnị.

Imatiwu 8:10 Iomraidhean Croise

Oyinyima 43:33

Ijosẹẹhụ mẹ ka ẹ̀ yaayịtẹ anka ẹ mẹmẹ vị ọzọkụ yị ẹngụ, Di e yee re ẹngụ nị, ẹhẹẹ, o si hi wa irenu.

Imatiwu 15:28

Dị Ijeesu tụ́ ohi, dị ọ ka, “Ẹdọwụ awụ ọ́ọ da banyị kẹnẹ ọnẹẹ ọnọnị! Ịsị u wèe sì gẹdẹ-gẹdẹ, ọ̀ vavọọ yàa yị wụ!” Ụmẹ ọnọọ gẹdẹ-gẹdẹ, dị ẹngụ ozi anị ta nị.

Imatiwu 8:11

[Ẹma kà a wụ nịnị nị ka aza ọrụrụ-ọrụrụ vaa hụrẹ ịzị ọyịị̄ zịị hụrẹ ọnịrị ịzị ọyịị̄ zịị ngụ ẹtẹẹ vẹ, dị ẹ yaayịtẹ pe Abụrahamị ọnịrị Ayiziiki ne beri Ijekọvụ ịzị Ada ayị ẹbẹẹba yà aa mẹ ịjọva ka ẹnị ẹ̀ rị ịsa.]

Imatiwu 8:9

Ẹma rẹ nyị ọza ana nyị ọda amị, dị mị rẹ nyị isoja nịnị hi akẹtẹ amị nị. Màa mẹ ọda yị ọnya ka ọ̀ na, dị aa na; màa kà a yị ọsa ka ọ̀ vẹ, dị aa vẹ. Màa kà a yị ozi ahụ amị ka ọ̀ maanị mẹ, avọọ ọ màa mẹ nị.”

Ịmaakị 6:6

Ô hí oo irenu pooro, agụvị ka aza ẹ yị dọ wụ́. Dị ọ hụụ ịzọọ, dị aa ngụ ịnị ẹkụra ọsa ana gụrị ịzọọ zịịzị, dị aa zụ̀ wa ịsa nị.

Iruuku 5:20

Ịjị Ijeesu re ka ệ sị ayị tụra ọnị, dị ọ kà a yị oswẹngụ ọnọọ ka, “Ọta amị, ma raà vagu wu ịnị ịvị awụ.”

Iruuku 7:50

Dị Ijeesu kà a yị ọnẹẹ ọnọọ ka, “Ọnẹẹ ọnọnị, ẹdọwụ awụ ọ sị wụ dọ há; wa na ịnị ẹngwọọrọ!”

Iruuku 7:9

Ịjị Ijeesu maanị wụ́, ô hí ọọ irenu, dị ọ vara eyi, dị ọ kà a yị aza ana aa dụ ọọ ịrẹma, dị ọ ka, “Mẹ ẹ̀ yị maanị re ọza ana maanị sị ayị tụra mị da; ịzẹyịza, m maa kà a wụ nịnị nị, mẹ yị hyakụ re ẹngụ ẹdọwụ ọnọnị ịdị Anisirẹrị nịnị.”

Odeyi 2:7

Ô hí wa irenu pooro, dị ẹyaa kà a yị ẹngụ ka, “Áa vị Anigariri aza ana aa kà ịrẹyị aanị vị?