Imatiwu 7:7 - IWE ỌNỊNỊ

⁷ “Wee họ̀ use ịsa nịnị ka a vaa sịị yị wụ nịnị! Wee sì ịsa nịnị ka u vee re e nịnị!

Imatiwu 7:7 Iomraidhean Croise

Oyinyima 26:32

Ịhị ọnọọ gẹdẹ-gẹdẹ di ezi ahụ Ayiziiki va ka a yọ ka ẹnị ẹ sị enyi re ịnị ịkangga ọnị ẹnị aa chị nị.

1 Ohinọyị 3:5

Isoromọnị mẹ̀ yà Igibiya ịzọọ ẹkụhị ọnya, dị Ẹnẹyịmavara sị ẹngụ zụ̀ ọ ịnị ụra ịrahụ nị. Di Ohomorihi ka, “Huse ịsị wee si ka ma sị wụ!”

Ahẹ Ụgama 10:17

Ẹnẹyịmavara, mâ yẹ ka ụ vaa wụ́ ịpọda oniruwa nịnị, ụ rẹ vaa gụ wa ụvọ.

Ahẹ Ụgama 10:4

Aza edivi vi ene ee wo otoo zị ẹ yị kà ka ẹnị ee sì Ohomorihi. Ẹ yị nyị ụmẹ ọnị ẹ hyakụ sị tamayị Ohomorihi ịnị ayị ẹnịnị.

Ahẹ Ụgama 119:12

Ẹnẹyịmavara mà kụ́ wụ. Navọ wa sị ọda awụ kọ mị.

Ahẹ Ụgama 27:8

Ayị amị vị ana kà a mị ka maa hẹkẹ wụ. Ẹnẹyịmavara, ẹwụ mị vaa hẹkẹ ịzẹyịza nị.

Ahẹ Ụgama 34:4

Mâ ma dá ịpẹ yị́ Ẹnẹ yị mā vara ka ọ̀ gụ mị ụvọ ịzẹyịza dị ọ gụ mị ụvọ nị Dị ọ dọ mị tụ́ hụụnị ụvọ avaba ịsị e vịdị ee chire mị angwa nị.

Ahẹ Ụgama 37:4

Weē sì ka waa mẹ̀ ịsa ene zee Ẹnẹyịmavara eyi ịjọnọọ ịsị ẹwụ èe ree sì vị ọnị ọ vaa sịị yị wụ.

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ahẹ Ụgama 69:32

Ịjị aza ana aa sị ụyaa rị ẹ̀ẹ maanị re e, ẹnịnị vaa jẹ. Ẹwụ nịnị ene ee sì Ohomorihi, navọ ayị awụ nịnị ọ̀ nẹtẹ.

Ahẹ Ụgama 70:4

Ohomorihi, navọ avaba aza ana ka wụ vẹ ẹ̀ va nyị ịnẹ ohine, dị ẹ̀ẹ jẹ. Aza ana aa jẹ ka ụụ̄ dọ ọzaa ha ẹ̀ vaa kà a pooro ka Ẹnẹyịmavara ộ nyị ụbanyị.

Ahẹ Ụgama 86:5

Ẹnẹyịmavara, ịsa ozoza ụụ̄ mẹ, dị ụụ̄ rẹẹ vagu ọza nị. Avaba aza ana aa mẹ̀ aduwaa hi wụ vị oni ụụ̄ sì ịrẹyị anị.

Ụhịrẹyị 8:17

Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị.

Ahẹ Isoromọnị 3:2

Maa kwẹẹtẹ ọgọnị di ma naa ngụ ịnị ẹkụraa zị. Mị vaa vàa tụra oze ene hi ịnị ẹkụra, dị maa ngụ ohuu zịịzị nee si ọza ọnị mị maanị sì ịrẹyị anị. Mê ve sì ọ, ama mé yi re e.

Ayịsaya 30:19

Ẹwụ nịnị Anijerusarẹmị we yi kuku vee sụ ùnè nịnị. Ẹnẹyịmavara vị anaā vayị ọza. Wèe nowu na za a, ọ vaa ba wụ nịnị owu.

Ijeremaya 33:3

wa hị́ ọnị ka ọnị vee tu u ohi, dị ọnị ka ịsị ẹbanyị-ẹbanyị ọnị ọza ẹ̀ yị yẹ́ iruvo anịị yị ụ. Ịsa ọnị wẹ yị yẹ.

Emọsị 5:4

Ẹnẹyịmavara kà Anisirẹrị ẹ va ka ọnị vẹ dị ẹ zụ yara.

Imatiwu 18:19

Dị ma rẹ kà a yị wụ nịnị ka: Aza ẹnị ẹẹva ịnị ẹngụ awụ nịnị ẹ̀ẹ sị ayị vị ọnya ịnị ẹhẹ ịnị ịsa ene èeyee họ̀ use, Ada amị ana yà ẹbẹẹba vị ana aa mẹ̀ ẹ yị wa.

Imatiwu 21:22

Ịsa tụra ịsa ọnị ụ wàa dá ịpẹ anị nịnị wàaa mẹ̀ aduwa, dị ụ dọ wụ́ nịnị nị, u wee re waa dọ nị.”

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Imatiwu 7:11

Ẹwụ nịnị ana vị aza edivi, wàa yẹ ka áa vọrọ ka wa sị ịsa ọyịza yị ezi ewu nịnị; ụ mẹmẹ va yẹ ka Ada awụ nịnị ẹbẹẹba ọ yị vaa sị ịsa ozoza yị aza ana aa họ̀ ọ use?

Imatiwu 7:8

Agụvị ka avaba aza ene èe họ̀ use ịsa, aā sịị yị wa. Ọza ene èe sì ịsa, oō re e; ọza ana àa rẹ sị ụvọ ká oze, a vaa na oze yọ.

Ịmaakị 11:24

Agụvị avọọ dị ma kà a wụ, wàa mẹ̀ aduwa, ịsa tụra ịsa ọnị ụ wàa dá ịpẹ anị, dọ wụ́ ka wa sị ọọ re dọ, agụvị we re e dọ.

Iruuku 13:25

Ịjị adarehi ọ̀ọ sị kwẹẹtẹ dị ọ sị oze gu nị, dị ẹwụ nịnị kụkụ jẹẹ ẹhẹ aa sị ụvọọ ká oze ka: ‘Ananyị yị! Ananyị yị! Na oze yị!’ Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’

Iruuku 18:1

Ijeesu ô che ụhịrẹyị ọnya yị wa, ana sị zụ̀ wa ka â vọrọ ka ọza ọ̀ọ mẹ̀ aduwa pooro, dị asị ọ tụ́ ọọ.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Ịjọọnụ 15:7

Wàa zẹẹ ka ẹmịrị ẹwụ nịnị ọ̀ vị ọnya, dị ịrẹyị amị yà ịnị ayị awụ nịnị nị, we zụ họ̀ use ịsa tụra ịsa ene èe zé wu nịnị eyi, ụ waa nyị ọọ nịnị.

Ịjọọnụ 4:10

Dị Ijeesu re tụ́ ọ ohi, dị ọ ka, “À kà ka wâ yẹ ẹyịza oni Ohomorihiī sịị yị ọza, dị ụ rẹ yẹ ọza ana kà ka wa ká enyi yị ọnị di oni ò hú nị, ẹwụ rẹ yaanị dá ịpẹ yọ, dị ọ yaanị sị enyi anaā mẹ ka ọza ọ̀ yàra yị wụ.”

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Aniroomi 3:11

Ẹ yị nyị ọza ana yẹ ịsa ana vọrọ, ẹ yị nyị ọza ene ee sì ka ọnị ọ̀ saasa Ohomorihi.

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Ijemiisi 5:15

Aduwa ana àa mẹ ini oze ka aa sị ayị tụra ịrẹha Ananyị yị, vaa mẹ ọnịkụ ọnọọ ụkụ anị, Ananyị yị vaa sị ọọ kwẹẹtẹ. Àa vị ọ mẹ ịvị nị, Ohomorihi vaa vaagu ọ ịnị anị.

1 Ịjọọnụ 3:22

Ịsị yèe họ̀ use hụụnị ụvọ anị, ọ raa sịị yị, agụvị ka yaa saasa ọda anị; ị raa mẹ̀ ịsa ene zée eyi.