Imatiwu 7:6 - IWE ỌNỊNỊ

⁶ Asị ụ sị ịsa ọnịnị yị irezi nịnị, ka ẹ va vara eyi, dị ẹyaa na wụụ rị! Asị u re ne ịsa akàaka tịtẹ yị ụ̀rá nịnị, ẹ̀ yị vị avọọ ka ẹ va kụ́ ahụ hi ọ para hu.”

Imatiwu 7:6 Iomraidhean Croise

Ụhịrẹyị 11:22

Ọnyẹnẹẹ ene zoza dị ẹ yị nyị ịrẹyọyẹ sị mẹ̀ anka ụra ana aa sị igooru tụ́ ọbẹ avọọ nị.

Ụhịrẹyị 23:9

Asị ụ ka ịrẹyị yị ọnụra agụvị ka eyi anị e yi hweyi tu ịrẹyị ọnị waa ka.

Ụhịrẹyị 26:11

Ọnụra anaa vàa tụra ịsa ọnị ọ mẹ sị mẹẹ anka irezi ana varẹma nee rèé ahẹrẹ anị avọọ nị.

Ụhịrẹyị 26:4

Asị ụ tụ́ ọnụra ohi ịrẹyị ka ẹwụrị ọ vaa sị vị ọnyọọnya.

Imatiwu 15:26

Dị Ijeesu tụ́ ohi, dị ọ ka, “Ẹ yị vọrọ ka à sị ịsọyịrị ezi, dị è ne e tịtẹ yị irezi nịnị.”

Imatiwu 24:10

Aza ọrụrụ-ọrụrụ vaa hyẹdụ hụụnị ẹdọwụ ẹnịnị. Ịjọnọọ di eyee sì iruvo ẹngụ, dị ẹ rẹ yaa kụ́ ayị ẹngụ.

Imatiwu 7:5

Ẹwụ ọmọzakụyẹ, wẹ rẹ̀ vịdị sị ọvọọvọrọ ana yà ini eyi awụ daa! Ịjọnọọ di u wee re ẹtẹ ẹtẹẹrẹ, dị ụ wa va zụ sị ẹchịchị ana yà ini eyi ọhụva awụ.

2 Anịkọrịntị 11:26

Ịnị ụsẹ ọnị yaa zịịzị, ịjị ẹnyị enyi ka ọnị ọ̀ kụ́ yị, ịjị ẹnyị oyi dụ yị. Dị anda ayị ẹnịrị Anigiriki aa mẹ ayị hụrẹ ẹmị ịnẹ. Màa yà ịnị ẹkụra, màa yà ịnị avị, angwahi ọ vị nị. Oku vị ayịhụrịnẹ ọta onireche nịnị vị ayịhụrịnẹ.

Anihwiripi 3:2

Sị eyi pe ẹngụ awụ nịnị agụvị aza edivi ana aa mẹ̀ ebira anka irezi avọọ. Ẹ́nịnị maà mẹ̀ ụkọrọ Ohomorihi, ẹ ka ẹ̀ yị vị ọza dà ẹngụ anị, eyi ọ yị yà.

Anihiburu 10:29

Ọ̀ọ vavọọ yà, zama a dị a re ẹngụ ụya ene vee tù aza ana àa sị eyi wụ Ozi Ohomorihi, agụvị ka anya oni Ijeesu sị hị́ eku, dị ọ sị vara ọza anị ọnịnị, ee ree ịsa ịyẹyẹ. Ọ rẹ sị eyi wụ Ụhwẹ Ọnịnị anaā mẹ ọyịzaa yị ọza.

Anihiburu 6:6

Ẹngụ aza ẹnẹẹ ẹ̀ ẹ na hụrị oze Ohomorihi, ẹnịnị vị anaa sị ụvọ ẹnịnị tenyi Ozi Ohomorihii kanyịị za apavahị. Dị ẹ rẹẹ yaa mẹ ụhịị nyị ọ eyi avaba aza.

2Ipita 2:22

Ịsị e tù ẹngụ aza ẹnẹẹ, ọ́ọ sị zụ̀ ka ụhịrẹyị ọnya ene eē che, vị ịzẹyịza. Ụhịrẹyị ọnọọ ka: Irezi ọ sị varẹma aa nọ ịnị ịhyẹrẹ anị. Ụra ana á sị hụ enyi, ọ zị varẹma rẹ na ngụ ịnị ụdọ.

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.