Imatiwu 7:5 - IWE ỌNỊNỊ

⁵ Ẹwụ ọmọzakụyẹ, wẹ rẹ̀ vịdị sị ọvọọvọrọ ana yà ini eyi awụ daa! Ịjọnọọ di u wee re ẹtẹ ẹtẹẹrẹ, dị ụ wa va zụ sị ẹchịchị ana yà ini eyi ọhụva awụ.

Imatiwu 7:5 Iomraidhean Croise

Imatiwu 22:18

Ama Ijeesu ộ yẹ ebira odivi ẹnịnị, dị ọ kà a yị wa ka, “Sị ẹ vẹ dị ụ waa zama mịị re nịnị, ẹwụ nịnị ọmọzakụyẹ?

Imatiwu 7:3

Sị ẹ vẹ di u wee re ẹchịchị ana yà ini eyi ọhụva awụ, dị ụ wẹ̀ yị tẹsị ọvọọvọrọ ana yà ịnị ẹ́ẹwụ?

Imatiwu 7:4

Wâ zụ kà a yị ọhụva awụ ka: ‘Jẹẹ ma sị ẹchịchị hụụnị eyi awụụ wụ,’ ịrẹma ọnọ ọvọọvọrọ ọnị yà ini eyi ẹwụ?

Imatiwu 7:6

Asị ụ sị ịsa ọnịnị yị irezi nịnị, ka ẹ va vara eyi, dị ẹyaa na wụụ rị! Asị u re ne ịsa akàaka tịtẹ yị ụ̀rá nịnị, ẹ̀ yị vị avọọ ka ẹ va kụ́ ahụ hi ọ para hu.”

Iruuku 12:56

Ẹwụ nịnị ọmọzakụyẹ, wâ yẹ ịsị eguhi ọnịrị ẹtẹẹ̄ kà nịnị; ama sị ẹ vẹ dị ụ wẹ̀ yị yẹ ịsị ụmẹ ọnọnị aa kà nịnị?

Iruuku 13:15

Dị Ananyị yị kà a yọ ka, “Ẹwụ nịnị ọmọzakụyẹ ẹnẹnị, aanịka wẹ mā ngwara imaaru ọnịrị ịkẹrịkẹtẹ awụ nịnị ka è ne hú enyi ịnị ẹkụhị ụhwọtụ?

Iruuku 4:23

Dị Ijeesu rẹ kà a yị wa ka, “Mâ yẹ ka u vee che ụhịrẹyị ọnọnịị mị nịnị ka: ‘Omahọnọ, wẹ rẹ̀ mẹ ẹngụ awụ ụkụụ! Avaba ịsị yaa wụ́ ka wâ mẹ Ìkapanawumi, rẹ mẹẹ ẹkụra awụ ịzẹnị bẹẹ!’ ”

Iruuku 6:42

Wáá zụ ka ẹ yị ọnọhụva awụ ka: ‘Ọhụva amị, jẹẹ ma sị ẹchịchị hụụnị eyi awụụ wụ’, ama dị ẹwụ e yi re ọvọọvọrọ ana yà ini eyi awụ? Ẹwụ ọmọzakụyẹ, wẹ rẹ̀ vịdị sị ọvọọvọrọ ana yà ini eyi awụ daa! Ịjọnọọ di u wee re ẹtẹ ẹtẹẹrẹ, dị ụ wa va zụ sị ẹchịchị ana yà ini eyi ọnọhụva awụ.”

Odeyi 19:15

Ama dị ụhwẹ echu ọnọọ kà a yị wa ka, “Mâ yẹ Ijeesu, ma rẹ yẹ Ịpọọrụ, ama ẹwụ nịnị, ẹnị ụ vị nịnị?”