Imatiwu 7:25 - IWE ỌNỊNỊ

²⁵ Orihi ộ zụ̀, dị okuha vẹ, dị ahị tụ́ nị. Ộ tụ́ kú irehi ọnọọ, ama oyi wú; agụvị ka â dà a tụ́ ịrẹsụ ịda.

Imatiwu 7:25 Iomraidhean Croise

Ụhịrẹyị 10:25

Ịzị ẹngụkata yaa vu ọza ọhịmị ẹtẹ ọnịzẹyịza vị anaa jẹẹ geri-geri ịzọọ.

Ịmarakayị 3:3

Ọ vaa vẹ vaa mẹ̀ ọkarẹyị yị wa anka ọza ana a sị ịra rị enyusẹ isiriva a vị igooru agụvị o hụrẹ eyi. Avọọ ọnụtụ Ẹnẹyịmavara mẹ va mẹ Anireevi nịnị agụvị ẹẹ sị ịsa ịsọvọ ana vọrọ vaa yọ nị.

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

Imatiwu 7:24

“Agụvị avọọ ọza tụra ọza ana àa wụ́ ịrẹyị amị ẹnẹnị, dị ọ rẹ mẹ̀ ịsa ọnị mị kà nị, vị ana vaa sị mẹẹ anka ọyẹrẹyị ọnya aanị ana dà irehi anị tụ́ ịrẹsụ ịda.

Imatiwu 7:26

Ọza tụra ọza ana àa rẹ wụ́ ịrẹyị amị ẹnẹnị dị ọ̀ yị mẹ ịsị mị kà nị, vị ana vaa sị mẹẹ anka ọnụra ọnya aanị ana dà irehi anị tụ́ ịrẹsụ aarẹ.

Imatiwu 7:27

Orihi ộ zụ̀, dị okuha vẹ, dị ahị tụ́ nị. Ộ tụ́ kú irehi ọnọọ, di o si wú nị. Avaba anị saka-saka o wú nẹrẹ-nẹrẹ nị.”

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Anẹhwẹsọsị 3:17

Mị raa mẹ̀ aduwa ka Ikirisiti ọ̀ yà ịnị ayị awụ nịnị, ụ màa sị ayịị tụraa nịnị. Ọ̀ navọ wee sì ịrẹyị aza nịnị, ana zụ mẹ ka wa jẹẹ geri-geri nịnị,

Anikorasi 2:7

Che ayị za Ikirisiti ana sị ụhwẹ ọnịrị ụkata yị wụ nịnị! Yị jẹẹ geri-geri ịnị ẹdọwụ awụ nịnị, anka a mẹ̀ sị zụ̀ wụ nịnị; dị ụ wa rẹẹ kụ́ Ohomorihi avọ nịnị ẹtẹẹtẹrẹ!

Ijemiisi 1:12

Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.

1Ipita 1:5

Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.