Imatiwu 7:16 - IWE ỌNỊNỊ

¹⁶ Ebira ẹnẹ ẹyaa mẹ, ụ vaa sị yẹ wa nị. Ọza ọ́ọ́ zụ há osinkara hụrẹ ịrẹsụ ọchị agagana? Wáá rẹ zụ há ezu hụrẹ ịrẹsụ ọchị ikeyi-ikeyi?

Imatiwu 7:16 Iomraidhean Croise

Ụhịrẹyị 20:11

Ebira ezweyi a sịị̄ yẹ wa nị, ịsị ẹnịnị à mẹ ọ̀ọ vọrọ dị ọ rẹ vị ịzẹyịza nị.

Imatiwu 12:33

“Wàa ka wa nyị ẹtụtụ ozoza, ụ hị́ ọchị ozoza! Ama wàa hị́ ọchị ọnị ụkụ za, ẹtụtụ odivi ụ waa há nị. Ẹtụtụ ọchị a sịị yẹ ẹ nị.

Imatiwu 7:20

Agụvị avọọ ẹtụtụ ẹnịnị, ụ vaa sị yẹ wa nị.”

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Ijemiisi 2:18

Aza ẹnyị ẹ zụ nyị ahankata ka: Ọza ịnya ộ dọ Ohomorihi wụ́ kẹnẹ, dị ọsa ọnị aa mẹ̀ ịsa ana vọrọ nị. Ohi amị ọ vị ka: Ọ́za mẹmẹ nyẹngụ dọ Ohomorihi wụ́ kẹnẹ dị ẹ yị sị vị ebira mẹ? Ẹma nyẹngụ sị zụ wụ ka maa sị ayị tụra Ohomorihi ini oze ebira ọnị maa mẹ̀.

Ijemiisi 3:12

Ẹwụ nịnị ẹyịnyara amị, wéé re ọchị ezu ana aa tụ́ osinkara nịnị da, à vị ka dị ọ̀ọ tụ́ oromi? Avọọ gẹdẹ-gẹdẹ ụsị enyi ọnyịrẹyị ẹ yị nyẹngụ tụ́ enyi ohine jịnẹ.

1 Ịsamụwẹrị 24:13

Anụmẹ ọkụkụ kà, Ọza odivi ọọ̄ mẹ̀ ịsa odivi nị. Ẹmị ẹ yị vaa sị ụvọ amịị kanyị ẹwụ.