Imatiwu 7:15 - IWE ỌNỊNỊ

¹⁵ “Sị eyi pe ẹngụ awụ nịnị agụvị ọnịsẹ ireche nịnị. Ẹẹ̄ sị ịtụmpaha atẹmẹẹ kú ẹngụ, ama ịnịnẹ ẹnịnị, akatapooro odivi ẹ vị nị.

Imatiwu 7:15 Iomraidhean Croise

1 Ohinọyị 13:18

Dị ọnịsẹ ọzọkụ ọnọọ cheeche yọ dị ọ ka, “Ẹmị rẹ vị ọnịsẹ ộ anka ẹwụ. Ẹnẹyịmavara ộ tụ́ anggẹẹrị ka ọ̀ va kà a mị ka ẹmịrị wụ ọ̀ zị và nọ ini eehi amị, dị wa rị ịsa, di we re hú enyi.”

Ijeremaya 29:21

Ẹnẹyịmavara Ochẹtẹẹngụ, Ohomorihi Anisirẹrị ọ́ raa kà ịrẹyị ọnọrụ ana aā hị́ Ahabị ozi Ikoraya ọnịrị Ịzẹdẹkaya ozi Imaseya. Ẹnịnị ee cheeche wụ nịnị ka vị ọnị tụ ẹnị ụtụ nị. Ẹnẹyịmavara kà ọnị vaa hụrẹ wa ụvọ yị Inebukadineza ohinọyị Anibabironi dị ọ wụ̀ wa eyi awụ nịnị goro-goro.

Ijeremaya 29:32

Re, ọnị vaa sị ụyaa rị Isemaya ana vị Anineherami ọnịrị evere anị; ẹ́ yị nyị aza ẹngụ anị ana vaa sị eyi re ịsị ọyịza ọnị ọnị vaa mẹẹ yị aza anị, agụvị ka ọ raa sị ịrẹyị irenu anị kụ̀ hịrẹ Ẹnẹyịmavara.

Ezikẹẹrị 13:16

Ọ kà, ọnị vaa kà a ka ọnịsẹ Anisirẹrị nịnị ene e yii ré ka ịrẹyị tịtẹ, dị ẹyaa kà a yị Anijerusarẹmị nịnị ka ẹ́ yị nyị ịrẹyị avọọ ka, ẹẹnịnị ộ ta, aanị Ẹnẹyịmavara mẹ kà nị.

Ezikẹẹrị 13:22

Ọ kà, waa raa sị ireche mẹ ka aza ọyịza ọnị ọnị è yị sì ka ọnị kụ ẹngụkata tu, asị ẹ kụkụ nyị ọtụtụrụma. Waa mẹ nịnị ka asị aza ẹhịmị và hụụnị ebira odivi ẹnịnị agụvị dị ẹnịnị ẹ̀ zụ ha.

Ezikẹẹrị 22:25

Ẹnị ọdọvịdị ẹnịnị vị ana sị mẹẹ idu enee nowu kara uye ọnị ọ za, dị aa nàa a rị avọọ. Ẹ́ kụ aza wụ; dị ẹ́ kụ ogu ọnịrị ẹnya akàaka o me zee wa eyi nị. Ẹ́ sị anẹẹ ọrụrụ-ọrụrụ jị osoku và hí ịnị ẹkụra.

Ezikẹẹrị 22:27

Ẹnị ọdọvịdị ene hi ịnị ịjọva vị ana sị mẹẹ anka akatapooro ana wụ̀ uye, di aa na rị avọọ. Ẹnịnị vị anaā wụ̀ aza agụvị ẹnị ẹ̀ sị nyị ẹkẹhị.

Ịdanịyẹrị 11:34

Ịjị àa vavọọ à wụ̀ wa, a vaa mẹ ọgụvọ chee aanị yị aza Ohomorihi nịnị. Dị aza ọrụrụ-ọrụrụ ẹnẹ ẹ̀ẹ nyị ịzẹyịza dọ ọbọ na vaka wa.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Ịzakaraya 13:4

Ịjị ụmẹ ọnọọ o tụ́, nyị ẹ yị ọza ene vee wo ka ọnị a kà ịsẹ, a vị ka ọnị ee re ẹtẹ, di o chire awuru ọnịsẹ ka ọnị ọ sị vene aza.

Imatiwu 10:17

Ama sị eyi pe ẹngụ awụ nịnị, oo! Â nyị aza ana vaa za wụ nịnịị nọ ikootu. E re vee tụ́ wu nịnị ịjapa ini irehi ahẹkẹ Aniju ẹnịnị.

Imatiwu 16:11

Aanịka wẹẹ̀ yị yẹ nịnị ka ẹ yị vị ịrẹyị ịsọyịrị m maa kà a wụ nịnị? Ama mị ka wa sị eyi pe ẹngụ awụ nịnị agụvị òwù Anihwarisi ọnịrị Anisadusi nịnị.”

Imatiwu 16:6

Dị Ijeesu kà a yị wa ka, “Sị eyi pe ẹngụ awụ nịnị agụvị òwù Anihwarisi ọnịrị Anisadusi nịnị.”

Imatiwu 24:11

Ọnịsẹ ireche nịnị vaa vẹ, di e vene aza ọrụrụ-ọrụrụ.

Imatiwu 7:14

Oze ana aa sị ọza naa ngụ ịzị ọza yàā yà ịda Ohomorihi pooro zịna-zịna, ộ hana, oze anị aa dẹẹrẹ aanị. Aza chee aanị e ree nị.”

Iruuku 12:15

Dị ọ rẹ kà a yị wa ka, “Sị eyi pe ẹngụ awụ nịnị, dị ụ wa rẹ sị ụvọ za ẹngụ awụ nịnị ịnị ịrẹyị eyọhụrẹ o, agụvị ka ẹ yị vị ogu ọnị ọza nyị ọ vị ẹhẹ ọnọọ vẹ.”

Iruuku 6:26

Wa sị dà nịnị, wèe re ka avaba aza ee gono wu nịnị, agụvị ka avọọ gẹdẹ-gẹdẹ óhiku ẹnịnị mè re gono ọnịsẹ ireche nịnị nị.”

Ịjọọnụ 10:12

Àa vị ọza ana a dọ ka òo sere atẹmẹ kẹnẹ yọ nị, ẹ yị vị ọza anaā tẹsị atẹmẹ ọ vị, ẹ yị rẹ vị ọnị ụvọta ọ nyị atẹmẹ ẹnẹẹ. Agụvị avọọ òo re ka akatapooro aa vẹ, dị ọ navọ atẹmẹ hi ẹtẹ, di o si zwe. Dị akatapooro ọnị kụkụ za atẹmẹ ẹnyị, dị ọ gara ana vọ và ha.

Odeyi 13:40

Agụvị avọọ sị eyi pe ẹngụ awụ nịnị, dị asị ịrẹyị ọnị ọnya ịnị ọnịsẹ nịnị kà sẹ tụ́ ịrẹsụ awụ nịnịị. Ộ kà a ka,

Odeyi 13:6

Ệ ngụ ẹkụra ọnọọ ene enyi kara, dị ẹ na pooro di e ne tù ịzị aā hị́ Ịpahwọsị nị. E ne tù ọnịvọpa ọnya ịzọọ ana aā hị́ Ozi Ijeesu. Aniju ọ́za ọnọọ vị nị; dị ọ vị ọnịsẹ ireche nị.

Anigaratiya 2:4

Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju).

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

Anẹhwẹsọsị 5:6

Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị.

Anihwiripi 3:2

Sị eyi pe ẹngụ awụ nịnị agụvị aza edivi ana aa mẹ̀ ebira anka irezi avọọ. Ẹ́nịnị maà mẹ̀ ụkọrọ Ohomorihi, ẹ ka ẹ̀ yị vị ọza dà ẹngụ anị, eyi ọ yị yà.

Anikorasi 2:8

Sị eyi pe ẹngụ awụ nịnị! Asị ụ zẹẹ ka ọzọnyị-ọzọnyị ọ̀ sị ịrẹyọyẹ ẹhẹ ọnịrị ịsa kẹnẹ-kẹnẹ vene wu nịnị! Ẹngụ ịrẹyọyẹ ẹnẹẹ ịnị ụvọ aza ọnịrị ori ana nyị ụkata hi ịnị ẹhẹ ọnọnị ẹ hụrẹ vẹ nị. Ayị vị ịda Ikirisiti ẹ hụrẹ vẹ.

2 Itimoti 3:13

Ama aza edivi ọnịrị enevene nịnị vị oni o vee divi yii hu avọọ hu avọọ. E vee vene ọza, dị e re vene ẹnị.

2 Itimoti 4:3

Ụmẹ aa vẹ ana ahịka aza eyi kuku vee sì ka ẹnị ẹ̀ẹ wụ́ ịzẹyịza ana aa sịị zụ̀ wa. Dị ẹ kụkụ aa dụ ẹ́ẹngụ ẹnịnị kẹnẹ. Dị ẹ kụ́ aza gụ ka ẹ̀ẹ zụ̀ ẹnị ịsa eni eè sì ka ẹnị ẹ̀ẹ wụ́ kẹnẹ.

2Ipita 3:17

Àa vị ẹwụ nịnịị yọ, anda ayị, wa sị ịsa ẹnẹnị yẹ nịnị da. Agụvị avọọ sị eyi pe ẹngụ awụ nịnị! Asị ụ zẹẹ ka aza ẹnẹẹ ẹnẹ ẹ̀yị mā wụ́ ịrẹyị Ohomorihi avọọ, è vene wu nịnị na ngụ ini eyi oyinyee ẹnịnị! Asị ụ rẹ zẹẹ ka ẹ̀ tụ́ wụ nịnị ụvọ hụrẹ aha ọyịza ọnị ụ yà nịnị!

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.

Ẹtore 16:13

Di mi re ụhwẹ echu ẹẹta anka uruvu avọọ ka ẹ́ẹ jịnẹ hụụnị irenu uye odivi ọnọọ ọnịrị ini irenu uye ịnị avị ọnọọ beri irenu ọnịsẹ ireche ọnọọ vẹ nị.

Ẹtore 17:6

Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.

Ẹtore 20:10

Dị a za Echu ene vene wa, di e ne e ngụ ini adagu ịra ana a sị ohuru tụ́ ịnị anị nị. Ịzọọ uye ịnị avị ọnọọ ọnịrị ọnịsẹ ireche hi nị. Dị aa sị ụyaa rị wa ọọdụ ọnịrị ịrahụ pooro zịna-zịna.