Imatiwu 7:13 - IWE ỌNỊNỊ

¹³ “Zị oze dẹẹrẹ ọnọọ ngụ eehi nịnị! Agụvị ka oze ana na ngụ ịzị aza yàā vu ẹtẹ, ộ gana, oze anị aa ba mị ba mị aanị. Aza ana zị oze avọọ ệ rụrụ ẹtẹẹtẹrẹ.

Imatiwu 7:13 Iomraidhean Croise

Oyinyima 6:12

Ịjị Ohomorihi maanị re ẹhẹ ka ộ ta divi, ka avaba ebira ọnị ọza kụkụ aa mẹ bemi vị ebira odivi,

Oyinyima 6:5

Ẹnẹyịmavara o ve re ka ebira edivi ana aza aa mẹ ịnị ẹhẹ ọ sị vị ẹnẹmẹhị, ariro odivi pooro kẹnẹ o hì ịnị ayị aza nị.

Ụhịrẹyị 16:25

Ọza ọ̀ọ nyẹngụ e rò ka oze anị ọ gẹ nị ama dị ahịka ọ sị ọ ne vu nị.

Ụhịrẹyị 7:27

Ọza enee si usu aa nọ ịda anị nị. Oze ana hụra na ngụ eku ọ vị nị.

Ụhịrẹyị 9:6

Ọ kà ọnụra ọ va hụụnị ututu anị di oo hu ahụ ịrẹyọyẹ.

Ayịsaya 1:9

À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.

Ayịsaya 35:8

A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

Imatiwu 3:8

Mẹ ịsa ana vọrọ kẹ, ana vaa sị zụ ka we reè ro ịnẹ varẹma nịnị.

Imatiwu 7:14

Oze ana aa sị ọza naa ngụ ịzị ọza yàā yà ịda Ohomorihi pooro zịna-zịna, ộ hana, oze anị aa dẹẹrẹ aanị. Aza chee aanị e ree nị.”

Iruuku 14:33

Dị Ijeesu ka, “Avọọ gẹdẹ-gẹdẹ ọ mẹ̀ rẹ yà nị; ọza tụra ọza ịnị ẹngụ awụ nịnị ene è yi yi avaba ịsa ọnị ọ nyị tịtẹ, ọ yị zụ vị ozirẹma amị.”

Iruuku 9:33

Ịjị aza ẹnẹẹ sị hụụ ịdị Ijeesu, dị Ipita kà a yị Ijeesu ka, “Nda, ộ da zoza ka yâ yà ịzẹnị. Jẹẹ ya jị ajẹngụ ẹẹta tụ́ ịzẹnị: ọnyara ọ̀ọ vị áawụ, dị ọnyara vị Íimosiisi, dị ọsa vị Éerija.” Ipita ọ yị yẹ ịsị aa kà.

Ịjọọnụ 10:9

Ẹmị ọnọnị ọ vị oze obooro nị. Ọza ana àa zị oze obooro ọnọọ ngụ eehi, ọ vaa há. Ọ vaa ngụ eehi, dị aa jịnẹ, di ee re ịsa ana vaa sị ẹngụ anịị hunẹnẹ.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Aniroomi 9:22

Ohomorihi óo sì ka ọnị ọ̀ sị zụ̀ aza ẹnyị ka ọnịị̄ kụ́ ayị, dị ọnị rẹ nyị ụkata nị. O si tù ka à wụ̀ aza ẹnẹẹ, ama Ohomorihi ọ nyị nyị isuuru ẹtẹẹtẹrẹ, dị aa yịị sị ẹngụụ dọ ịrẹyị ẹnịnị ọnọọ vaa kụ́ ayịị hi.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

2 Anịkọrịntị 6:17

Agụvị avọọ dị Ananyị yị rẹ kà a ka: Jịnẹ hụụ ịdị ẹnịnị, sị ẹngụ awụ nịnị tụ́ irenyi kwooze yị wa. Asị ụ sị ụvọ kanyị ịsa eneē du ọza ẹngụ nịnị. Ịjọnọọ ọnị vaa dọ wụ nịnịị pe ẹngụ.

Anigaratiya 5:24

Aza ana vị aza Ijeesu ẹ raà sị avaba ebira edivi ẹnẹẹ ẹnẹ ẹ vịdịị mẹ kwooze beri avaba ariro odivi ẹnịnị; ẹ raà kanyị ọọ za ọchị apavahị.

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.

1 Ịjọọnụ 5:19

Ẹyị áa yẹ ka ẹyị vị ezi Ohomorihi, avaba anẹhẹ ana vọ vị ana yà ịnị ụvọ Echu.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Ẹtore 20:15

Ọza tụra ọza ọnị ọza ọyị re ka áa chẹrẹ ịrẹha anị tụ́ ini iwe aza ana yàra pooro zịna-zịna, dị a sị ọọ, di ee nee ngụ ini adagu ịra ọnọọ.

Ẹtore 20:3

Ô ne e ngụ ịnị ọbọbọ ọnọọ, di o chire e, dị ọ sị ịsa vá a nị, ka asị o kuku re oze vene anẹhẹ nịnị pooro dị ịrayị akahị ọnọọ ọ̀ gụ nị. Ịrayị ọnọọ ọ̀ọ sị gụ, â nyị ka à hụrẹ ẹ ụvọ yị ụmẹ chee.