Imatiwu 6:6 - IWE ỌNỊNỊ

⁶ Ama ẹwụ àa mẹ̀ aduwa, ngụ ini aku awụ! Wàa sị oze awụ gù, dị ụ waa mẹ̀ aduwaa hi Ada awụ ana yà aha ẹvagu! Ada awụ nịnị eneē re ẹtẹ aha ẹvagu vee sí wu atọ ịnị eyigede.

Imatiwu 6:6 Iomraidhean Croise

2 Ohinọyị 4:33

Ô ngụ ịnị aku ịzị ọnịrị ozi ọnọọ anava yà, dị gù oze, dị ọ mẹ̀ aduwa hi Ẹnẹyịmavara nị.

Ahẹ Ụgama 34:15

Ẹnẹyịmavara vị ana sị eyi pè aza ana aa mẹ̀ ebira ana vọrọ ini eyi anị ẹnịnị ẹ̀ẹ nowu na za a, dị ọ ba wa owu.

Ụhịrẹyị 25:22

Ụhị u waa mẹ̀ nyị ọ nị. Ẹnẹyịmavara vee sị wụ ụta anị.

Ayịsaya 26:20

Ẹwụ nịnị aza amị, ngụ ini eehi awụ di we gù oze hi ẹngụ nịnị. Vavọọ sị ẹngụ awụ nịnị tẹ ịzọọ chee di Ohomorihi ọ̀ mẹ ọyịkụ anị ta.

Ayịsaya 65:24

Dị à va nyị ka ẹnịnị ẹẹ hị́ mị, mi vee tu wa ohi. Ẹ̀ẹ yaa kà ịrẹyị kẹnẹ, mị vaa wụ́.

Imatiwu 14:23

Ọ mẹ̀ sị ọọ kà ka aza ẹnẹẹ ẹ̀ẹ na, dị ọnịnya hịrẹ nọ ịnị ataba ka ọnị ọ̀ na mẹ̀ aduwa nị. Ịjị oruva si tù, dị ọnị ịnyara yà ịzọọ nị.

Imatiwu 6:18

dị asị aza ana vọ yẹ ka waa sị awẹ nịnị, ẹ̀ yị vị Ada awụ nịnị ana yà aha ẹvagu kẹnẹ. Ada awụ nịnị eneē re ẹtẹ aha ẹvagu vaa sị ọgụụ wụ (ịnị eyigede).”

Imatiwu 6:4

Ama waa mẹ ẹyịza awụ ini ewere! Ada awụ eneē re ẹtẹ ini ewere vee sí wu atọ ịnị eyigede.”

Ịjọọnụ 1:48

Dị Inatanẹrị họ̀ ọ ka, “Ho! Ịzị ụ yà yẹ mị?” Dị Ijeesu tụ́ ohi, dị ọ ka, “Mê re wu, ụ mẹ̀ yaayịtẹ íruvo ọchị ihwigi, di Ihwiripi va hị́ wụ.”

Ịjọọnụ 20:17

Dị Ijeesu kà a yọ ka, “Asị ụ sị ụvọ kanyị mị, agụvị ka mẹ yị varẹma nọ ẹbẹẹba ị́dị Ada amị! Ama na kà a yị ẹyịnyara amị ka: maa nọ ẹbẹẹba ị́dị Ada amị ana rẹ vị Ada ẹwụ nịnị; ọnị ọ vị Ohomorihi amị, dị ọ rẹ vị Ohomorihi awụ nịnị nị.”

Odeyi 10:30

Dị Ịkọnẹrịyọsị ka, “Ụmẹ aanị ajịnọgwẹẹna mị sị sị aa mẹ̀ aduwa ini eehi amị nị, ịnị ụmẹ agogo ẹẹta ọọdụ. Di mi vene re ka ọza ịnya ene chire awuru ọvụ sẹnẹ-sẹnẹ jẹẹ ọ́vịdị amị nị.

Odeyi 10:9

Eyinẹhẹ anị, aza ẹnẹẹ màa na, ẹyaa vaa ngụ Ịjọpa. Ịnị ẹhụụ ụmẹ agogo ẹwụrẹva, dị Ipita hịrẹ nọ ịrẹsụ irehi ka ọnị ọ̀ na mẹ̀ aduwa nị.

Odeyi 9:40

Dị Ipita ka avaba ẹnịnị ẹ̀ jịnẹ hi ẹhẹ, di o ku ẹtẹ, dị aa mẹ̀ aduwa nị. Di o và eyi kà oku ọnọọ, dị ọ ka, “Itabita, kwẹẹtẹ!” Dị Itabita há eyi anị nị. O mè re Ipita, dị ọ kwẹẹtẹ yaayịtẹ nị.

Aniroomi 8:5

Aza ana aa mẹ̀ ebira anka ọchẹngụ ẹnịnị mè sì, vị ana sị ayị tụ́ nị ịsa ọnị ọchẹngụ ẹnịnị òo sì kẹnẹ. Ama aza ana raa mẹ̀ ebira anka Ụhwẹ Ohomorihi mè sì, vị ana rẹ sị ayị tụ́ ịnị ịsa ọnị Ụhwẹ Ohomorihi sì kẹnẹ.

Anẹhwẹsọsị 3:14

Agụvị avọọ, mê ku ẹtẹ yị Ohomorihi Ada ayị.