Imatiwu 6:4 - IWE ỌNỊNỊ

⁴ Ama waa mẹ ẹyịza awụ ini ewere! Ada awụ eneē re ẹtẹ ini ewere vee sí wu atọ ịnị eyigede.”

Imatiwu 6:4 Iomraidhean Croise

Ahẹ Ụgama 139:12

Ama ẹtẹ ọnị o mē hozi oni eyi awụ. Etohozi vi ene hweyi anka ọọdụ avọọ yị ẹwụ. Ọnya-ọnya ẹnịnị vị ịnị eyi awụ nị.

Ahẹ Ụgama 17:3

We ve tù mị ịrahụ dị ụ zama mi re nị. Wâ yẹ ayị amị, wâ yẹ ka me yi sì ka ma sị irenu amị ka ịsa odivi.

Ụhịrẹyị 25:22

Ụhị u waa mẹ̀ nyị ọ nị. Ẹnẹyịmavara vee sị wụ ụta anị.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ijeremaya 23:24

Ọ kà áá nyị ọza ana zụ tẹ aha ewere ọnyọọnyị ka asị ọnị ré ọnị? Ọ kà áá nyị ịzị ọnị ẹ̀ yị yà ẹbẹẹba ọnịrị ịnị ẹhẹ ọnọnị kẹ?

Imatiwu 10:42

Ọza ana àa ká enyi ohunẹnẹ yị ọnya ịnị aza ene èe weyi hu keekere ini ezirẹma amị, agụvị ka ộ vị ozirẹma amị, ayị zụ nyị ka ọ yị vaa dọ ọgụ anị.”

Imatiwu 6:18

dị asị aza ana vọ yẹ ka waa sị awẹ nịnị, ẹ̀ yị vị Ada awụ nịnị ana yà aha ẹvagu kẹnẹ. Ada awụ nịnị eneē re ẹtẹ aha ẹvagu vaa sị ọgụụ wụ (ịnị eyigede).”

Imatiwu 6:3

Ama wàa mẹ ẹyịza, asị ụ zẹẹ ka ụvọha awụ ọ̀ yẹ ịsa ọnị ụvọrị awụ aa mẹ!

Imatiwu 6:6

Ama ẹwụ àa mẹ̀ aduwa, ngụ ini aku awụ! Wàa sị oze awụ gù, dị ụ waa mẹ̀ aduwaa hi Ada awụ ana yà aha ẹvagu! Ada awụ nịnị eneē re ẹtẹ aha ẹvagu vee sí wu atọ ịnị eyigede.

Iruuku 14:14

Ịjọnọọ Ohomorihi vaa mẹ ka waa jẹ, agụvị ka aza ẹnẹẹ e yi zụ sí wu atọ. Ịhị ọnịrẹyịzẹyịza nịnị ẹ̀ẹ ha hụụnị isu, Ohomorihi vee sí wu atọ.”

Iruuku 8:17

Agụvị ka ẹ yị nyị ịsa ana tẹ, ẹnẹ ẹ̀ yị vaa tụ́ ẹhẹ; ẹ yị nyị ịsị ẹ tẹ, ọnị ọza ọ̀ yị vaa yẹ, dị ọ̀ yị rẹ vaa vẹ ịnị eyigede.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

Ijudi 1:24

Ohomorihi ọ nyẹngụ sị eyi pe wu nịnị ka asị ụ hyẹdụ hụụnị oze anị; dị ọ sị́ wụ nịnị va tụ ịdị anị ịnị ụbanyị anị, wẹ́ yị vaa nyị ịvị vụrụ-vụrụ ịzọọ nịnị, dị ayị awụ nịnị ee hine ẹtẹẹtẹrẹ.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.