Imatiwu 6:13 - IWE ỌNỊNỊ

¹³ Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Imatiwu 6:13 Iomraidhean Croise

Oyinyima 22:1

Ộ dà kù che ẹnị ẹ maanị hị́ eku yị ẹngụ, di Ohomorihi va zama Abụrahamị re ịnị ụmẹ ọnya nị. Di Ohomorihi hị́ Abụrahamị, di Abụrahamị ka, “Hèé, ụmẹ ka.”

1 Ohinọyị 1:36

Di Ịbẹnaya ozi Ijehoyada tụ́ ohinọyị dị ọ ka, “Ụ mẹ̀ yị kà a avọọ ọ vị nị. Taarụ, avọọ Ẹnẹyịmavara Ohomorihi awụ mẹ̀ kị kà a nị.

1 Ịtọpa 16:36

À vẹ yaa kụ́ Ẹnẹyịmavara ana vị Ohomorihi Anisirẹrị. A vẹ yaa kụ́ avọ pooro zịna-zịna. Dị avaba aza ka, “Aamị”, à vẹ yaa kú Ẹnẹyịmavara nị.

1 Ịtọpa 29:11

Wáa banyị, dị ụ nyị ụkata nị. Wáa nyị ụbanyị, wée zoza, dị ụ vị ohinọyị nị. Ẹwa nyị avaba ịsa ene hi ẹbẹẹba ọnịrị ẹhẹ nị. Ẹwa vị ohinọyị ene hu anaa mẹ ohinọyị tụra avaba anẹhẹ ịrẹsụ nị.

1 Ịtọpa 4:10

Ama Ijabezi ộ mẹ̀ aduwa hi Ohomorihi Anisirẹrị, dị ọ ka, kwogwo, ọ̀ navọ ọ̀ mẹ ka ò zé yị ọnị, dị ọ̀ dà ẹtẹ gana yị ọnị de. Ọ kà Ohomorihi ọ̀ navọ ọ̀ yà ọnị ịrẹma, dị ò sere ọnị, asị ọ zẹ̀ẹ ka odivi ọnyọọnyị ọ kụ́ ẹngụkata tu ọnị. Ịzẹyịza dị Ohomorihi mẹ̀ ịsa o họ̀ use anịị yọ nị.

Ahẹ Ụgama 10:16

Ẹnẹyịmavara ọ vị Ohinọyị pooro zịna-zịna nị Aza ẹnị ẹ̀ yị hẹkẹ ẹ vi ene vee vú ẹtẹ hụrẹ ẹtẹ.

Ahẹ Ụgama 106:48

À vẹ vị yaa kụ́ Ẹnẹyịmavara ana vị Ohomorihi ana Anisirẹrị aa hẹkẹ avọ pooro zịna-zịna. Avaba aza ẹ̀ kà a ka Aamị. À vẹ yaa kụ́ Ẹnẹyịmavara.

Ahẹ Ụgama 22:28

Ẹnẹyịmavara ọ vị ohinọyị nị mị ka ọnị vị ohinọyị tụra avaba anẹhẹ nị.

Ahẹ Ụgama 41:13

Ẹnẹyịmavara, ana vị Ohomorihi Anisirẹrị, ẹwụ a vaa kụ́ avọ pooro zịna-zịna nị Aamị, mị ka aamị.

Ahẹ Ụgama 47:2

 nyị ka ọza òo hí angwa Ẹnẹyịmavara ana nẹba hu keekere Ọnị ọ vị ohinọyị ọbanyị ana nyị avaba ẹhẹ nị.

Ahẹ Ụgama 47:7

Ohomorihi ọ vị ohinọyị avaba anẹhẹ nị waā jị ahẹ dị wa sịị kụ́ ọ nịnị.

Ahẹ Ụgama 72:19

Ẹwụ ana maanị nyị ụbanyị, ị vaa kụ́ wụ avọ pooro nị. Ụbanyị awụ vi ene vee chì avaba ẹhẹ ẹngụ. Aamị, mị ka Aamị.

Ahẹ Ụgama 89:52

Ẹnẹyịmavara ẹwụ mị vaa kụ́ avọ pooro nị. Aamị, mị ka aamị.

Ọyịkụra 15:18

Ẹnẹyịmavara ẹwa vị ohinọyị pooro zịna-zịna nị.”

Ụhịrẹyị 30:8

Ộ ka Ohomorihi ọ sị apẹ ọnịrị ireche noze rịịrị ọnị. Asị ọ zẹ ka iruwa ọ za ọnị, dị asị ọ rẹ mẹ̀ ogu hi ẹtẹ yị ọnị baaba, ama ọ sị ẹhụ ịsọyịrị anị kẹnẹ yị ọnị.

Ijeremaya 15:21

Ọ kà, ọnị vaa dọ ọnị tụ hụụnị ụvọ aza edivi nịnị anaā mẹ ezigi.

Ijeremaya 28:6

Aamị! Ẹnẹyịmavara ọ̀ vavọọ mẹẹ. Ẹnẹyịmavara ọ̀ vaa mẹẹ anka Ịhananịya mẹ kà a gẹdẹ-gẹdẹ avọọ. Dị ọ̀ kụ ẹngụ ana a kụ hụụnị irehi Ohomorihi ọnịrị aza ana a dụ ne hi Ịbabịrọnị và vẹ nị.

Ịdanịyẹrị 4:25

Ọ kà, a vaa dụ ohinọyị hụụnị ẹkụra dị ọnịrị uye ịnị avị nịnị kụkụ na rá. Ọ́ vaa rị avị anka ụnọ avọ, dị aa sụ̀ ịnị avị ịzị eguhi vee chiree ku ọ pooro dị ọ mẹ ịrayị ịhịmba. Ọ kà ịjị ọnọọ, ọ vaa dọ ka Ohomorihi ọ nyị ọda avaba anẹhẹ nị, ọnịrị ka ọza ene ze e eyi ọ nyẹngụ sị rị ohinọyị nị.

Ịdanịyẹrị 7:18

Ama, Ohomorihi ene hu kere-kere vaa sị ụkataa yị aza anị ẹnẹ ẹ vaa sị mẹ ohinọyị pooro zịna-zịna.

Ịrịka 5:22

Enyi ọnọnị ọ ngụ ọ ịnẹ di o wu, dị ịhị ozi anị o kachị, dị usi anị e wu. Dị ọnyẹnẹẹ ọnọọ ha aamị.

Imatiwu 26:41

Sị eyi pe ẹtẹ, dị ụ waa mẹ̀ aduwa, agụvị asị ụ ngụ ịnị ọyịzamare nịnị! Ịzẹyịza ayị awụ nịnị ee sì ka ọnị ọ̀ mẹ̀ ịsa ozoza, ama ọchẹngụ awụ nịnị vị ọkụmị.”

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Imatiwu 5:37

Wàa kà a ka ‘Hịịn’, ọ̀ vị hịịn; wàa kà a ka ‘Eyiye’, ọ̀ rẹ yị vị eyiye! Ịsị èe si huna ẹnẹẹ, ịdị Echu ọ hụrẹ vẹ nị.”

Imatiwu 6:10

ọyịrị ohinọyị awụ ọ̀ vẹ Dị à mẹ̀ ịsị u wee sì ịnị ẹhẹ ọnọnị, anka a maā mẹẹ ẹ́bẹẹba.

Ịjọọnụ 17:15

Mẹ yị mẹ̀ aduwa ka wa kụ́ wa hụụnị ẹhẹ, ama mị ka wa sị wa tẹ hụụnị ụvọ Echu.

1 Anịkọrịntị 10:13

Ẹ yị nyị ọyịzamare ene tù wu nịnị, ana ahịka ò yii tù aza da. Ohomorihi ộ nyị ịzẹyịza. Ọ yị vaa zẹẹ ka à zama wụ nịnị re huna ọpa ọnị ụ zụ sị ẹngụ dọ nịnị. Ọyịzamare ọ̀ọ vẹ, Ohomorihi vaa sị ụkataa wụ nịnị ka wa zụ sị ẹngụ dọ ọ, dị ọ rẹ mẹ oze ọnị ụ vaa zịị há hụụnị anị nịnị.

1 Anịkọrịntị 14:16

È yị vị avọọ, wàaa sị ụkata Ụhwẹ Ohomorihi ga Ohomorihi, aza ẹnẹ ẹ̀ yị wụ́ ẹkụra ọnị ụ waa kà, mẹmẹ zụ kà a ka, “Aamị” tụ́ ịnị ụga ọnị ụ waa sịị yị Ohomorihi? Wâ yẹ ka ọ yị wụ́ ịsị ụ waa kà.

2 Anịkọrịntị 1:20

Agụvị avọọ avaba ịsa oni Ohomorihi kà a ka ayị zụ nyị ka ọnị ọyị vaa mẹ, Ijeesu ọ vị hịịn tụ́ ịnị ịsa ẹnẹẹ nị. Agụvị avọọ ịị̄ kà a ka “Aamị” ini oze anị nị, dị yaa sị ụbanyịị yị Ohomorihi.

Anigaratiya 1:4

Ijeesu ọ sị ẹngụ anị mẹ̀ ịsọvọ yị ịvị ayị agụvị dị ọ̀ dọ yị tịtẹ hụụnị ịsa edivi ẹhẹ ọnọnị anka Ohomorihi Ada ayị me sì ọ.

Iwe Ọhụhị Imosiisi ana aa hị́ Ọyịvatụrọda 8:16

Ọnị ọ sị ịsọyịrị ọnị ohiku ẹnịnị ẹ yị rị dị yị wa ịnị ụnọmị nị. Ọnị ọ̀ ku ẹngụkata tu wa dị ọ sị zama wa re nị. Ọvavẹ ịrẹma vị ọnị ọ vana sị ịsa ọyịza-ọyịza yị wa.

Iwe Ọhụhị Imosiisi ana aa hị́ Ọyịvatụrọda 8:2

Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

2 Anịtẹsaronika 3:3

A zụ sị ayị tụra Ananyị yị. Ọ vaa sị ụkataa wụ nịnị, dị ọ dọ wụ nịnị tụ́ ịnị ụvọ Echu.

1 Itimoti 1:17

Aza ẹ̀ẹ sị ụbanyị ọnịrị igirimaa yị Ohomorihi pooro zịna-zịna! Ọnị ọ vị ohinọyị pooro zịna-zịna nị; o mē sú, ọza o mē ree. Ọnị kẹnẹ ọ vị Ohomorihi nị. Aamị.

Anihiburu 11:36

Aza ẹnyị ệ rị ụya ẹtẹẹtẹrẹ, aza màa mẹ wa isiya, di e ree tụ́ wa ịjapa. Â sị ẹba sụ́ aza ẹnyị, dị a rẹ kụ́ wa và hi ịnị ẹngwa nị.

1Ipita 5:8

Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.

1 Ịjọọnụ 3:8

Ama ọza ana àa mẹ ịvị, ozi Echu ọ vị nị, agụvị ka Echu vị anaā mẹ ịvị dị a va yẹ ka aa mẹ ẹhẹ. Agụvị avọọ Ozi Ohomorihi vẹ ẹhẹ ka oni ò ve vú ụkọrọ Echu ẹtẹ nị.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Ẹtore 19:1

Ịrẹma ẹnẹẹ, mâ wụ́ ọngwẹ ọbanyị ẹnyị ana sị mẹẹ anka ọngwẹ ọkọnị aza avọọ ẹ́bẹẹba nị. Di eyee nowu ka, “À sị ụga yị Ẹnẹyịmavara. Ẹdọha ọnịrị ụbanyị beri igirima ọnịrị ụkata vị ana hụụnị ụvọ Ohomorihi Ananyị yị vẹ.

Ẹtore 19:4

Dị azọkụ ohurẹẹna ẹnẹẹ beri ịsa ẹẹna ẹnẹẹ ana nyị ụhwẹ tana tụra ẹtẹ, dị ẹ hẹkẹ Ohomorihi ana yaayịtẹ ịnị aga ohinọyị ọnọọ nị. Dị ẹ ka, “Aamị; Ụga ọ vị yị Ẹnẹyịmavara nị!”

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Ẹtore 21:4

Ohomorihi vee nyee avaba ẹgọọ hụụnị eyi ẹnịnị. Ayị kụkụ vaa nyị iswọọza, ẹ yị nyị ayodu, àa vị orere. Ayị rẹ kụkụ nyị ịsị ẹ vaa zị ọza, agụvị ka ịsa ịyẹẹyẹ ẹ́ẹ ta saka-saka.”

Ẹtore 3:10

Wa raà sị eyi pe ịrẹyị amị ọnị mị kà ka wa nyị isuuru; agụvị avọọ ẹmị rẹ vaa dọ ẹwụụ tụ́ụ hụụnị ụyọrị ana aa vẹ ịrẹsụ avaba anẹhẹ vaa zama avaba aza ene hi ịnị ẹhẹẹ re.

Ẹtore 3:14

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ:

Ẹtore 5:13

Dị mị rẹ wụ́ ka avaba ịsa ana yà ẹbẹẹba, ọnịrị ẹhẹ beri ịsị ẹ yà ini eku, ọnịrị avaba ịsị e hi ini òkū, avaba ịsa saka-saka aa kà a ka: Ọza ana yaayịtẹ ịnị aga ohinọyị, ọnịrị Ozi Atẹmẹ ệ nyị ụkata. Â vọrọ ka àa sị ụga ọnịrị ụbanyị beri igirimaa yị wa pooro zịna-zịna!