Imatiwu 6:12 - IWE ỌNỊNỊ

¹² Vagu yi ịnị ịvị ayị, anka ẹyị mẹ rẹ vagu aza ana mẹ̀ odivi hi yi.

Imatiwu 6:12 Iomraidhean Croise

1 Ohinọyị 8:30

Navọ wa wụ́ ịpẹ eni ezi ahụ ọnịrị Anisirẹrị ana vị aza awụ aa mẹ ẹ̀ẹ và eyi kà ịzẹnị. Navọ we batọ hụrẹ ịzị ụ yà ẹbẹẹba di wa vagu wa.

1 Ohinọyị 8:34

navọ kwogwo we batọ hụrẹ ẹbẹẹba dị wa vagu Anisirẹrị aza awụ agụvị ebira odivi ẹnị ẹ mẹ hi wu. Navọ dị wa kụ́ wa vavẹ ịnị ẹtẹ ọnị ụ sị yi ohiku ẹnịnị.

1 Ohinọyị 8:39

navọ kwogwo we batọ hụrẹ ẹbẹẹba ịzị ụ yà, dị wa vagu aza awụ. Navọ à nyị ịsị ụ mẹ. Ịsị waa yẹ ka ọzọza ô sì ịnị ayị anị, navọ dị wa mẹ̀ ẹ yọ anka oze ọzọza mẹ̀ yà. Ẹwụ nya kẹnẹ ọ yẹ ayị avaba aza nị.

1 Ohinọyị 8:50

dị wa va gu wa ini ebira odivi irenyi-irenyi ẹnị ẹ mẹ hi wu. Dị wa navọ wa vayị ẹnịnị éyi ọza ana za wa ọrịhị agụvị dị ẹnị ẹ̀ rẹ zụ vayị ẹnịnị.

Ahẹ Ụgama 130:4

Ama ẹwụ vị ana aa vagu ọza ana àa mẹ̀ ebira odivi, avọọ aza sịị̄ nyị angwahi awụ nị.

Ahẹ Ụgama 32:1

Aza oni Ohomorihi ọ̀ọ raà vagu, dị ọ raà sị ayị hụụnị ịvị ẹnị ẹ mẹ nị vaa dàa jẹ kẹnẹ.

Ọyịkụra 34:7

Ọ kà onii sì ịrẹyị otomiroku aza. Ọ kà ẹ̀ẹ mẹ̀ ebira odivi, dị ẹ daka kwẹẹtẹ tù ọnị nị, ọnịị̄ vagu wa ịnị ịsa odivi ẹnẹ ẹ̀ẹ vavọọ mẹ. Ọ kà ama ọza ọ̀ọ rị ịvị, ẹ yị zụ nyị ka ọnị ọ yị sị ụya rị ọ. Ọ kà ọza ọ̀ọ mẹ ịvị ezi ọza ọnọọ ịrẹma-ịrẹma vị ana aa rị ụya anị.

Ayịsaya 1:18

Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ.

Ịdanịyẹrị 9:19

Ẹnẹyịmavara kwogwo, navọ wa wụ́ ọngwẹ ayị dị wa vagu yị. Ẹnẹyịmavara kwogwo, wụ́ ọngwẹ ayị dị wa hụvị ayị kwẹẹtẹ. Asị ụ kù ụvị dị aza ẹ̀ yẹ́ ka ẹwa vị Ohomorihi nị. Ẹwa nyị Ijerusarẹmị ọnịrị aza ene hi ịnị anị nị ọ.

Imatiwu 26:28

Ọsọnị ọ vị anya amị oni Ohomorihi sị sị ụvọ tụ́ ịnị oto ọwọọwa, oni mi vee chee sẹ́ ẹtẹẹ yị aza ọrụrụ, dị à sị sị ịvị ẹnịnị vagu wa.

Imatiwu 9:2

Aza ẹnyị ê chema oswẹngụ ọnya ká a vẹ ana hụtụ ini odooro. Íjeesu mè re ka ệ sị ayị tụra ọnị, dị ọ kà a yị oswẹngụ ọnọọ ka, “Ozi emi, ngwara eyi hi, ma raa vagu wu ịnị ịvị awụ.”

Ịmaakị 11:25

Wàa jẹẹ, dị ụ waa mẹ̀ aduwa nị, àa nyị ọza ana ayị anị aa kụ́ wụ, vagu ọọ, agụvị dị Ada awụ ẹbẹẹba ọnị ọ̀ rẹ vagu wu ịnị ịvị awụ

Iruuku 11:4

Navọ wa vagu yi ịnị ịvị ayị; agụvị ka ẹ yị rẹẹ̄ vagu ọza ana àa rị ịvị ayị. Asị ụ zẹẹ ka à zama yị re!’ ”

Iruuku 13:4

Rẹ tamayị aza ẹnị ẹwụrịhịnta, oni irehi ọgọdọ Ịsayịrọmị wú za, dị ọ wụ̀ wa. Wéé ro ka ẹnị ẹ vị ọnịvị hu ịnị avaba aza ene hi Ijerusarẹmị nị?

Iruuku 6:37

“Asị ụ sị ẹngụ awụ vị ọmọkarẹyị ọza, agụvị asị Ohomorihi mẹ̀ ọkarẹyị wụ! Asị ụ rẹ jị ịvị yị ọza, agụvị asị Ohomorihi jị ịvị wụ! Waa vagu ọza, agụvị Ohomorihi ọ̀ rẹ vagu wu ịnị ịvị awụ.

Odeyi 13:38

Agụvị avọọ, ẹwụ nịnị anda ayị, yẹ nịnị ka â kà a wụ nịnị ka ini oze Ijeesu Óhomorihi vaa zịị vagu wu nịnị ịnị ịvị awụ nịnị nị.

Anẹhwẹsọsị 1:7

Ozi anị ọnọọ ô che anya anị sẹ́ ẹtẹ, di o sú yị ịvị ayị nị. Agụvị ayamva Ohomorihi ana ahịka ọ́ọ banyị ẹtẹẹtẹrẹ, ọ vavọọ sị yà nị.

Anẹhwẹsọsị 4:32

Ama waa ngụ ayị ẹngụ nịnị, dị ụ waa vayị ẹngụ nịnị, dị ụ wa rẹẹ vagu ẹngụ nịnị, anka Ohomorihi mẹ̀ hụ agụvị Ikirisiti dị ọ vagu wu nịnị.

Anikorasi 3:13

Waa sị ẹngụụ jị ọọ yị ẹngụ nịnị. Wàa mẹ ẹngụ ịrẹyị, waa vaa gu ẹngụ nịnị. Waa vaa gu ẹngụ nịnị anka Íkirisiti mẹ̀ vagu wu nịnị.