Imatiwu 6:1 - IWE ỌNỊNỊ

¹ “Sị eyi pe ẹngụ awụ nịnị! Asị ụ mẹ ahẹkẹ awụ nịnị agụvị aza è ree kẹnẹ, ka ẹ̀ yị va avọọ, wẹ yị vaa dọ ọgụ hụụnị ụvọ Ada awụ nịnị ẹbẹẹba.

Imatiwu 6:1 Iomraidhean Croise

2 Ohinọyị 10:16

Ộ kà a yọ ka, “Saasa amị, di u we ve re mmẹmẹ kụ ẹngụ hi ịrẹyị Ẹnẹyịmavara.” Dị ọnịrị ọ sị ịkẹkẹ anị aa na nị.

2 Ohinọyị 10:31

Ama Ijehu ẹ yị sị avaba ana saasa ọda Ẹnẹyịmavara Ohomorihi Ánisirẹrị; ộ hama Ijerobowami ana kụ Anisirẹrị nịnị na mẹ ịvị.

Ahẹ Ụgama 112:9

Ẹngụ aza ẹnẹẹ ệ vịdị raà mẹ vi ana vaa jẹẹ pooro. Ọ vaa nyị ụkata dị aza aa sị ụbanyịị yọ.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

Ịzakaraya 13:4

Ịjị ụmẹ ọnọọ o tụ́, nyị ẹ yị ọza ene vee wo ka ọnị a kà ịsẹ, a vị ka ọnị ee re ẹtẹ, di o chire awuru ọnịsẹ ka ọnị ọ sị vene aza.

Ịzakaraya 7:5

Ọ kà Ịzakaraya ọ ka yị aza ana ra ịnị ẹtẹ ọnọọ ọnịrị ohirẹsụ irehi Ohomorihi nịnị ka ẹ yị vị agụvị anị ẹnịnị aa zị ẹngụ, dị ẹ yị rị ịsa ịnị ụhwẹ ẹẹhị ọnịrị ụhwẹ ịhịmba ịrayị hụrị ịrayị ẹtarẹwụ ana para hu.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 16:6

Dị Ijeesu kà a yị wa ka, “Sị eyi pe ẹngụ awụ nịnị agụvị òwù Anihwarisi ọnịrị Anisadusi nịnị.”

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Imatiwu 23:5

Avaba ịsa ẹnịnị vị ẹnẹ ẹẹ̄ mẹ ka aza è re e kẹnẹ. Ampo ana a chẹrẹ ịrẹyị Ohomorihi tụ́, dị a sụ́ ọ za ụvọ ọnịrị ibe, ẹnịnị vị ana banyị irenyi. Avọ awuru ẹnịnị vị ana rẹ gọdọ irenyi.

Imatiwu 25:40

Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Imatiwu 5:46

Àa vị ọza ene sì ịrẹyị awụ nịnị kẹnẹ, ẹwụ nịnị re sì ịrẹyị anị nị, ye re ọgụ ọnị ụ nyị? Avọọ aza edivi ẹnị mẹ̀ rẹẹ̄ mẹ nị.

Imatiwu 5:48

Agụvị avọọ, áa vọrọ ka wa gụ nịnị, anka Áda awụ nịnị ẹbẹẹba mẹ̀ gụ.”

Imatiwu 6:16

“Wàa raa sị awẹ nịnị bẹẹ, asị ụ sị tụra eyi anka ọmọzakụyẹ nịnị anaā và ẹngụụ hi ka aza è re ka ẹnị aa ba awẹ. Ịzẹyịza, mị kà wụ nịnị, ẹ sị ọgụ ẹnịnị dọ da.

Imatiwu 6:9

Agụvị avọọ, waa mẹ ẹngụ aduwa ọnọnị nịnị: Ada ayị ẹbẹẹba, ya sị ụbanyịị yị ịrẹha awụ;

Ịmaakị 8:15

Dị Ijeesu kà wa ọnọ ka, “Sị eyi pe ẹngụ awụ nịnị agụvị òwù Anihwarisi nịnị ọnịrị òwù Ịhẹrọdị, oo!”

Iruuku 11:35

Sị eyi pe ẹngụ awụ, dị asị ẹtohweyi ọnị ụ nyị tị ịnị ẹngụ awụ na vara ịrahụ!

Iruuku 12:1

Ọ́kọnị aza mẹ̀ wara gụ tawụ-tawụ, dị ẹ yaa kụ́ ahụụ hi ẹngụ, dị Ijeesu vịdị kà a yị ezirẹma anị ka, “Sị eyi pe ẹngụ awụ nịnị agụvị òwù Anihwarisi nịnị, oo! Ogevegeve ẹnịnị m maa kà avọọ nị.

Iruuku 12:15

Dị ọ rẹ kà a yị wa ka, “Sị eyi pe ẹngụ awụ nịnị, dị ụ wa rẹ sị ụvọ za ẹngụ awụ nịnị ịnị ịrẹyị eyọhụrẹ o, agụvị ka ẹ yị vị ogu ọnị ọza nyị ọ vị ẹhẹ ọnọọ vẹ.”

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Ịjọọnụ 12:43

Ẹnịnị ê sì ka aza ẹ̀ẹ kà ọdaa yị ẹnị huna e mè sì ka Ohomorihi ọ̀ kà ọda yị ẹnị.

Ịjọọnụ 5:44

Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

Odeyi 3:12

Ípita mè re wa, di o nyima aa kà a yị wa ka, “Ẹwụ nịnị Anisirẹrị, sị ẹ vẹ dị ọ maanị ee hí wu eyi nịnị? Sị ẹ vẹ dị ụ maanị ee re yi nịnị? U wéé ro ka ụkata ayị, à vị ka yâ da nị chẹngụ, ị sị mẹ ka ọnọrụ ọnọnị ọ̀ọ zị ụsẹ nị?

Anigaratiya 6:12

Aza ene ee sì ka, à kà ka à yẹ ẹnị ịnị ẹhẹ, ẹnị ẹyaa sị ụkataa za wụ nịnị ka wa jị ụvẹvẹnẹ nịnị nị. Eyi sì ka à sị ụya rị ẹnị agụvị enube isu Ikirisiti ị́rẹsụ apavahị.

Iwe Ọhụhị Imosiisi ana aa hị́ Ọyịvatụrọda 24:13

Va a ịrẹma na yọ oruva-oruva agụvị o re achị ku ẹngụ na sụ. Ayị anị vee hine, dị ayị Ẹnẹyịmavara vee hine tu wu.

Anihiburu 11:26

Ô ro ka ọza òo sị eyi wụ̀ ọza agụvị Ikirisiti, ọ́ọ nyị ụbanyị huna avaba ụbanyị ene hi Ijipiti, agụvị ka Imosiisi ọ́ọ sị eyi tụ́ ịnị ọgụ ana aa vẹ ị́rẹma.

Anihiburu 2:1

Agụvị avọọ a sị vọrọ ka ya nyayịnẹ sị ụvọ za ịrẹyị ọnị ị wụ́, agụvị asị i ne nyeeyi nị.

Anihiburu 6:10

Ohomorihi ọ ma mẹ irikichi. O yi vee hi ayị ụkọrọ awụ nịnị. O yi re vee hi ayị, u meme sì ịrẹyị aza Ohomorihi, dị ụ waa gụ wa ụvọ nịnị agụvị ịrẹha anị, anka ụ màa yịị mẹ nịnị.

2 Ịjọọnụ 1:8

Sị eyi pe ẹngụ awụ nịnị agụvị asị ụkọrọ awụ nịnị na vị osusu, ama dị ụ wa zụ rị ọgụ ụkọrọ awụ nịnị gụ.