Imatiwu 5:8 - IWE ỌNỊNỊ

⁸ Aza ana ayị ẹnịnị nị vaa daa jẹ, agụvị ka e vee re Ohomorihi.

Imatiwu 5:8 Iomraidhean Croise

Oyinyima 32:30

Di Ijekọvụ kụkụ aa hị́ ịzọọ Ipeniyeri nị. Ọ kà, “Ọnị ô re Ohomorihi eyi gẹrị eyi, ama ọnị o rè vee sú.”

2 Ịsamụwẹrị 22:27

Ọza ana àa nyị ayị ọnya, dị waa sị ayị ọnyaa pe e mẹ. Ọza aa mẹ irikichi, irikichi ọnọọ ẹwụ ree sii pe e mẹ nị.

Ahẹ Ụgama 15:2

Ẹngụ aza ana zụ yà ịda amị yị Â nyị ka ọza ọnọọ ọ̀ọ saasa avaba ọda ọnị ẹmị Ohomorihi ọ̀ọ mẹ dị ọ̀ rẹẹ mẹ̀ ebira ana vọrọ ẹngụ ọza ọnọọ vị ana vaa kà ịzẹyịza obooro, oyi vee cheeche.

Ahẹ Ụgama 18:26

Ọza ana àa nyị ayị ọnya, dị waa sị ayị ọnyaa pè e mẹ Ọza aa mẹ irikichi, irikichi ọnọọ ẹwụ re sii pè e mẹ nị.

Ahẹ Ụgama 24:4

Ẹngụ aza ana zụ nọ ini irehi Ohomorihi ẹ vị aza ẹnẹ yị ma mẹ̀ ebira odivi, di è yi mē re ro ịrẹyị odivi nị. Ẹnịnị ẹ mā rẹ hẹkẹ ori, ẹ mā rẹ hị́ eku ireche.

Ahẹ Ụgama 51:10

Ohomorihi, navọ kwogwo wa mẹ ayị amị di ò kukuu ro ịrẹyị ene zoza.

Ahẹ Ụgama 51:6

Wê sì ka ọza ọ̀ọ kà ịzẹyịza obooro Navọ kwogwo wa sị ịrẹyọyẹ tụ́ ịnị ayị amịị mị.

Ahẹ Ụgama 73:1

Ịzẹyịza Ohomorihi oo zoza yị Anisirẹrị, ọnịrị aza ana ayị ẹnịnị nị.

Ụhịrẹyị 22:11

Ọza ene sì ịzẹyịza, dị ọ yara kà ịrẹyị ọ vaa vị ọta ohinọyị nị.

Odeyi 15:9

O yi sị eyi irenyi re ẹyịrị wa. Ộ mẹ ayị ẹnịnị ọnịnị, agụvị ka ệ sị ayị tụra a.

1 Anịkọrịntị 13:12

Ịsa oni yee re booro aanị, vị ana sị mẹẹ ọza òo rere aa zị oze ini ore re ẹtẹ wura-wura avọọ. Ama ẹkụhị ọnya, i vee re wa eyi gẹrị eyi. Booro aanị, ẹ yị nyị ịsị mị zẹẹ yẹ; ama ịhị ọnọọ, mị vaa yẹ wa ẹtẹẹtẹrẹ, anka Óhomorihi ọnị mẹ̀ yẹ mị saka-saka.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

Ịtayịtọsị 1:15

Ayị ọza ọ̀ọ nị, avaba ịsa vị ana vaa nị ini eyi anị. Ama ayị ọza ọ̀ yị nị, dị ẹ̀ yị rẹ vị ọdọwụ nị, ẹ yị nyị ịsị ẹẹ̄ nị ini eyi anị. Ayị anị beri ivehu anị nyẹmba ẹ yị hyakụ nị.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Anihiburu 12:14

Sị vụrị, di u we re ka wáa sị ẹngwọọrọ pe aza aa mẹ; dị ụ wa rẹ sị vụrị di u we re ka waa mẹ̀ ebira ọnịnị nịnị! Agụvị ka aza ẹnẹ ẹ̀yị vavọọ mẹ, eyi ve zuu re Ananyị yị.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Ijemiisi 4:8

Kà pe Ohomorihi nịnị, ka ọnị rẹ vaa kà a pe wu nịnị! Ẹwụ nịnị ọnịvị, sị ụvọ hụụnị ịsa odivi nịnị! Tenyi ayị awụ nịnị, ẹwụ nịnị ana aa mẹ ayị ẹẹva!

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

Ẹtore 22:4

Ẹnịnị vee re eyi anị, dị a chẹrẹ ịrẹha anị tụ́ ini ibe ẹnịnị.