Imatiwu 5:6 - IWE ỌNỊNỊ

⁶ Aza ene enyi aa kụ̀, dị ụngwẹ aa kụ̀ ka ẹnị ẹ̀ zụ mẹ ịzẹyịza vaa daa jẹ, agụvị ka Ohomorihi vaa vayị ẹnịnị.

Imatiwu 5:6 Iomraidhean Croise

Ahẹ Ụgama 107:9

Aza ọnị ụngwẹ ọnịrị ónyi aa kụ̀ vị ọnị ọ sị ịsa ozoza yị, dị ịnẹ há wa.

Ahẹ Ụgama 145:19

Ịsị aza ene hí angwa anị ee sì vị ọnị ọọ̄ sịị yị wa. Ọọ̄ wụ́ ịpẹ ẹnịnị, dị ọ dọ wa tụ́.

Ahẹ Ụgama 17:15

Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.

Ahẹ Ụgama 63:5

Mâ yẹ ka mị vaa rị ịsa ene zoza, dị ịnẹ há mị dị maa jị ahẹ dị maa sịị kụ́ wụ avọ.

Ahẹ Ụgama 65:4

Aza ọnị ụ sị nyị di u tura wa pè ẹngụ ka ẹ̀ va ra ịda awụ vaa dàa jẹ kẹnẹ Avaba ịsa ozoza ene hi ini eehi awụ vaa mẹ ka ịnẹ ọ̀ há yị.

Ahẹ Ụgama 84:2

Eyi irehi awụ aa tụra mị kẹnẹ. Ohomorihi ana yà ịzọọ, à kà ka me vene re ka mị yà ịda awụ.

Ụhịrẹyị 10:24

Ịsa ọnị ọza odivi e hí angwa anị oo tụ́ ọ nị, ama Ẹnẹyịmavara vị ana a mẹ̀ ịsa ọnị ọnịzẹyịza e si.

Ụhịrẹyị 21:21

Ọza anaā mẹ ịzẹyịza, dị ọ vayị ọza vị ọnị aza vavọọ vaa mẹ̀ yị dị ẹhẹ anị è zee yọ.

Ahẹ Isoromọnị 5:1

Ma raà ngụ ịnị ụbazị amị, ose mi anaā sịị ayị amịị hine. Maa kụ avị irenyi-irenyi ana a sịị̄ mẹ̀ ịsaa hine ọnịrị ịmaya amị gụ. Maa rị ẹhụ amị ọnịrị ụpaha anị. Mee hú eche ọnịrị ịrẹva ụnọ amị. Ẹwụ nịnị ọnị mị sì ịrẹyị anị, rị ịsa, di wee hú nịnị; waa mẹrị nịnị kẹnẹ.

Ayịsaya 25:6

Ẹnẹyịmavara Ochẹtẹẹngụ vaa mẹ̀ ịsa ozoza gụ ẹtẹ ịrẹsụ ataba dị ọ ka ọzọza ẹ̀ va rị. Ịsa ọnọọ ộ nyị eche ene zoza ẹtẹẹtẹrẹ ne beri uye ene zoza.

Ayịsaya 41:17

Ụmẹ ọnị onosiye ọnịrị ọnụzọngwa ee si enyi, di e yi re, dị ọrọkọ ẹnịnị sị wara, Ọnị Ẹnẹyịmavara vee tụ́ wa ohi. Ohomorihi Anisirẹrị ẹ yị vaa hụrẹ wa ụvọ.

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ayịsaya 65:13

Agụvị avọọ, Ẹnẹyịmavara Ohomorihi ka: Ezi ahụ amị anaa saasa ịrẹyị amị vaa rị ịsa, ama ụngwẹ vị ana vaa kụ̀ ẹwụ nịnị. Ẹnịnị vee hú, ama onyi vị ana vaa kụ̀ wụ nịnị. Ezi ahụ amị vee hine ayị, ama ẹwụ nịnị vị ana a vaa mẹ ụhịị nyị.

Ayịsaya 66:11

Vee hine ayị ka aa ka tụ ọvịdị anka ozi ene hu ịrẹva ọnyị anị.

Ijeremaya 31:25

Ọ kà, ọnị vaa sị ụkata yị aza ọnị ọ sị ngụ ẹngụ, ọnị vaa sị ịsọyịrịị yị aza ọnị ụngwẹ raa tụ ọkụmị dị ịnẹ ha wa.

Iruuku 1:53

Ộ sị ịsa ozoza yị aza ọnị ụngwẹ aa kụ̀, dị ọ dụ opisa nịnị aa nọ eehi avosusu nị.

Iruuku 6:21

Ẹwụ nịnị ọnị ụngwẹ aa kụ̀ booro aanị vaa daa jẹ, agụvị ka Ohomorihi vaa sị ịnẹẹ há wụ nịnị. Ẹwụ nịnị ene ee sụ ùnè booro aanị vaa daa jẹ, agụvị ka u vee nyinyi nịnị.

Iruuku 6:25

Ẹwụ nịnị ọnị ịnẹ sị há, agụvị ka ụngwẹ vaa kụ̀ wụ nịnị. Ẹwụ nịnị ene ree nyinyi booro aanị, ọ sị dà, agụvị ka u vee nowu, dị ụ waa jị òrèrè nịnị.

Ịjọọnụ 4:14

Ama ọza ene èe hú enyi ẹnẹ ẹmị àa sị yọ, enyi ọ mā vana kụkụ kụ̀ ọọ paa. Enyi ọnọọ ọnị mị vaa sịị yọ vị ana vaa yà anka enyi ẹtẹ ene ee hi ẹtẹ pooro avọọ tụ́ ịnịnẹ ọza ọnọọ; dị aa mẹ ka ọ̀ yàra ị́dị Ohomorihi pooro zịna-zịna.”

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ịjọọnụ 7:37

Ẹkụhị ọdịrẹma eche ọnọọ, o hu keekere nị. Ịhị ọnọọ, dị Ijeesu kwẹẹtẹ jẹẹ, di o nowu dị ọ ka, “Ọza ene enyi àaa kụ̀, ọ̀ọ ká mịị vẹ, di ò ve hú enyi obooro!

Ẹtore 7:16

Ụngwẹ ọnịrị onyi ọ mā vana kụ̀ wa pooro; Ọyị ọ mā vana ngụra za wa pooro.