Imatiwu 5:5 - IWE ỌNỊNỊ

⁵ Aza ana nyị ebira hẹẹ vaa daa jẹ, agụvị ka ẹnị Óhomorihi vaa sị avaba ẹhẹẹ yị nị.

Imatiwu 5:5 Iomraidhean Croise

Ahẹ Ụgama 147:6

Aza ana kà ẹngụ ẹnịnị chi vi ẹnị Ẹnẹyịmavara gụ ụvọ, ama aza ana aa mẹ̀ ebira odivi vị ọnị ọ vaa gụụ hyẹdụ.

Ahẹ Ụgama 149:4

Ịnẹ Ẹnẹyịmavara vi ene hine tù aza anị. Aza ana kà ẹngụ ẹnịnị chi vị ọnị ọọ̄ mẹ ka ẹ̀ nyị ehuna ọnịvị ẹnịnị.

Ahẹ Ụgama 22:26

Onosiye nịnị vaa rị ịsa dị ịnẹ ha wa; avaba aza ana àa ká Ẹnẹyịmavara vẹ, vị ana vaa gama a. Vi o vee zee yị wa pooro nị.

Ahẹ Ụgama 25:13

Ẹngụ aza ẹnẹẹ e yi vee re osiye pooro Ohomorihi vaa sị ẹtẹ ọnị ọ kà yị ezi anị nị.

Ahẹ Ụgama 25:9

Ẹnẹyịmavara vị ana aā sị oze zụ̀ aza ana ka ẹngụ ẹnịnị chi Dị aa sịị zụ̀ wa ẹngụ ebira ọnị ọ yẹ ka ộ vọrọ ka ẹ̀ vavọọ mẹẹ.

Ahẹ Ụgama 37:11

Aza ana kà ẹngụ ẹnịnị chi ẹ vaa nyị ẹtẹ ọnọọ nị Ẹ́ vaa nyị ụbanyị, dị ẹngụ ẹnịnị rọ.

Ahẹ Ụgama 37:22

Aza ẹnị Ẹnẹyịmavara ọ̀ọ kà ka ò zee yi ẹnị ẹ vaa nyị ẹtẹ ọnọọ nị ama aza ọnị òo reè chi hi vị ọnị vaa dụụ hụụ ịzọọ.

Ahẹ Ụgama 37:29

Aza ana aa mẹ ịzẹyịza ọ vaa nyị ẹtẹ ọnọọ dị ẹ ra ịzọọ pooro nị.

Ahẹ Ụgama 37:34

Weē zi Ẹnẹyịmavara dị waā saasa ọda anị Ọ vaa sị ụbanyịị wụ dị ọ sị ẹtẹ ọnọọ wụ Ịhị àa dụ aza edivi huu ịzọọ, u vee re e.

Ahẹ Ụgama 37:9

Aza ana sị ayị tụra Ẹnẹyịmavara vị ẹnị ẹ vaa nyị ẹtẹ ọnọọ nị ama aza edivi vị ọnị ọ vaa dụụ hụụ ịzọọ.

Ahẹ Ụgama 69:32

Ịjị aza ana aa sị ụyaa rị ẹ̀ẹ maanị re e, ẹnịnị vaa jẹ. Ẹwụ nịnị ene ee sì Ohomorihi, navọ ayị awụ nịnị ọ̀ nẹtẹ.

Ayịsaya 11:4

Ịzẹyịza kẹnẹ ọnị vaa sị mẹ̀ ọkarẹyị nị. Ọ yị vaa rara ọkarẹyị ọza agụvị ka ộ mẹhị vi onosiye. Ịrẹyị ọnị ọ ka vi inori ana vaa sị ụyaa rị anẹhẹ. Irenu aa sịị tụ́ ụhwẹẹ kú aza edivi, di e sú va ha nị.

Ayịsaya 29:19

Ẹnẹyịmavara ana vị Ohomorihi ẹnịnị ana Anisirẹrị aa hẹkẹ rẹ vanaa mẹ ka onosiye nịnị ẹ̀ rẹẹ jẹ.

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ịzẹhwanaya 2:3

Ama aza ana nyị angwahi Ẹnẹyịmavara ene hi ịzọọ, èe ro ịnẹ, dị ẹ saasa ọda anị nị, ẹyịyara Ẹnẹyịmavara vaa vayị ẹnịnị dị ọ dọ wa ha hụụnị ọyịkụ anị.

Ịrịka 12:3

Ama Imosiisi ọnị vị ọza ana ka ẹngụ chi huu kere-kere ịnị ẹhẹ nị. Ọ mā sị ẹngụ tụ ẹba.

Imatiwu 11:29

Navọ maa zụ̀ wụ nịnị oze, dị ma rẹẹ zụ̀ wụ nịnị ịsa; agụvị ka miī ro o yị ọza, dị mị rẹ nyị ayohunẹnẹ nị. Ịjọnọọ ayị awụ nịnị vaa nyị ụhwọtụ.

Imatiwu 21:5

“Kà ẹ yị ozi ọnẹẹ Anịzayọnị ka: ‘Ohinọyị awụ aa vẹ ịdị awụ. Ọza hẹẹ ọ vị nị, ộ tụra ịkẹrịkẹtẹ, ozi ịkẹrịkẹtẹ m maa kà aanị nị.’ ”

Aniroomi 4:13

Ohomorihi ộ zẹẹ Abụrahamị ịzẹzẹ ka Abụrahamị ọnịrị ezi anị ẹ vaa nyị avaba ẹhẹ nị. Ẹ yị vị agụvị ka Abụrahamị ộ saasa ọda Aniju, ama agụvị ka ộ sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza ọ vavọọ sị kà a yọ nị.

Anigaratiya 5:23

ịrẹsụ ọkahi ne beri ẹngụ ọza ọyịsị ụvọ za. Ẹ yị nyị ọda ana za aza ana aa mẹ ẹsẹnị.

Anẹhwẹsọsị 4:2

Nyị ịrẹsụ ọkahi, nyị ayohunẹnẹ, dị ụ wa rẹ vị onisuuru nịnị ẹtẹẹtẹrẹ. Wee sì ịrẹyị ẹngụ nịnị ini oze ọyịsị ẹngụ jị ọọ yị ẹngụ nịnị.

Anikorasi 3:12

Ohomorihi ọ sị wụ nịnị nyị mẹ aza anị; óo sì ịrẹyị awụ nịnị. Agụvị avọọ waa mẹ̀ ebira ana vọrọ tụra ọza Ohomorihi nịnị! Wee roo yị ẹngụ, dị waa ngụ ayị ẹngụ nịnị. Kà ẹngụ awụ nịnị chí, nyị ebira hẹẹ ọnịrị ayọnẹtẹ nịnị.

1 Itimoti 6:11

Ama ẹwụ ana vị ọza Ohomorihi, asị ụ sị ụvọ tụ́ ịnị ịsa ẹnẹẹ! Sị vụrị we re ka waa mẹ̀ ebira ana vọrọ, dị o re zé Ohomorihi eyi! Wa yịị sị ayịị tụra Ohomorihi! Wee sì ịrẹyị ọza, dụ wa nyị isuuru, dụ wa rẹ nyị ebira hẹẹ!

2 Itimoti 2:25

Ọ̀ọ sị ayohunẹnẹẹ pe aza ana aa kụ̀ụ hịrẹẹ juwe, ịsavọọ Ohomorihi ọ̀ na mẹ ka è re oze ro ịnẹ varẹma, dị ẹ̀ va yẹ ịzẹyịza.

Ịtayịtọsị 3:2

Kàa ka asị ẹ rẹ̀ kà ịrẹyị odivi ọza, asị ẹnịrị aza zyaazị! Ama ẹnịnị ẹ̀ nyị ebira hẹẹ, dị ẹ̀ nyị ayohunẹnẹ hi avaba aza ẹtẹẹtẹrẹ!

Ijemiisi 1:21

Agụvị avọọ, sị ụvọ hụụnị avaba ebira ịdọtị ọnịrị ebira odivi nịnị! Ká ịrẹsụ hi yị Ohomorihi, dị ụ wa dọ ịrẹyị oni o chire tụ́ ịnị ayị awụ nịnị. Ịrẹyị ọnọọ ọ zụ dọ ụhwẹ awụ nịnị há nị.

Ijemiisi 3:13

Àa nyị ọza ana ka ọnị ọ́ọ yẹ ịrẹyị, ene eyi anị hweyi ịnị ẹngụ awụ nịnị, ọza ọnọọ ọ̀ mẹ̀ ebira ozoza, dị ọ̀ rẹ ká ịrẹsụ hi. Ịrẹsụ ọkahi ọnọọ ọ vaa sị zụ̀ ka ọ́ọ yẹ ịrẹyị nị.

1Ipita 3:15

Ama ịnị ayị awụ nịnị, sị Ikirisiti mẹ ọza ana nyị wụ nịnị. Ụmẹ tụra ụmẹ ana àa nyị ọza ana họ̀ wụ nịnị ka: Sị ụ maanị sị eyi tụra? Tenyi ẹngụ di u we tụ́ o ohi.

1Ipita 3:4

Ama navọ ọvị awụ nịnị ọ̀ vị ọvị ịnị ayị, ẹhụụ ayọnẹtẹ ọnịrị ebira hẹẹ; ẹngụ ọvị ẹnẹẹ e mē du, ịsa obooro ẹ rẹ vị ini eyi Ohomorihi nị.