Imatiwu 5:23 - IWE ỌNỊNỊ

²³ Agụvị avọọ, wàa sị ẹyịza aa nọ ịnị ụta naa yị Ohomorihi, dị ụ tamayị ka ọnọhụva awụ ee roo ka wâ mẹ̀ ọnị ịrẹyị nị,

Imatiwu 5:23 Iomraidhean Croise

Oyinyima 41:9

Dị ọga ọza anaā ká eche yị ohinọyị ve ne tù Ihwarawo dị ọ ka: ọnị ộ tamayị ajịnị ka ọnị ọ̀ mẹ̀ ebira odivi da.

1 Ohinọyị 2:44

Ẹwụ ụvọta ộ yẹ ịnị ayị awụ avaba ịsa odivi ọnị ụ mẹ Idevidi ada amị. Avaba ịsa odivi ọnị ụ mẹ avọọ Ẹnẹyịmavara va sị họ̀ wụ.

Arụwẹ 3:20

Ọnị ô ro ịrẹyị ẹnẹnị pooro dị ẹngụ anị sị và hí ayị anị me du nị.

Ezikẹẹrị 16:63

Ẹnẹyịmavara kà, ọnị vaa vagu avaba ebira odivi ọnị ụ mẹ yị wụ, ama ụ vaa tamayị ẹnịnị dị ụhị nyị wụ pooro ne tu ka wẹ́ yị va zụ ha irenuu kà ịrẹyị.

Ihoseya 6:6

Ọ kà ọza o sì ịrẹyị anị ọ ngụ ọnị eyi hụụnị ka a sị ịsa ịsọvọ va yị ọnị nị. Ọza ọ yẹ ọnị ọ mẹ yị ọnị hụụnị ka ọ rị ịsọvọ ịra yị ọnị nị.

Imatiwu 23:19

Ye re ene hu? Ịsa ana yà ịrẹsụ ụta wáá yọ nị, à vị ụta ana mẹ ka ịsa ọnọọ ọ̀ vị ọnịnị?

Imatiwu 5:24

navọ ẹyịza awụ tịtẹ ọ́vịdị ụta, varẹma ne pe ọnọhụva awụ ze da, dị ụ wa vavẹ, dị ụ wa va sị ẹyịza awụ yị Ohomorihi.

Imatiwu 8:4

Dị Ijeesu kà a yọ ka, “Re, asị ụ kà a yị ọza ọnyọọnyị! Ama na sị ẹngụ awụ zụ̀ ohirẹsụ irehi ahẹkẹ Aniju; dị ụ wa na mẹ̀ ịsọvọ oni Imosiisi mẹ ọda anị, dị ọ̀ vị ivenu yị wa ka ẹngụ awụ ộ ta!”

Ịmaakị 11:25

Wàa jẹẹ, dị ụ waa mẹ̀ aduwa nị, àa nyị ọza ana ayị anị aa kụ́ wụ, vagu ọọ, agụvị dị Ada awụ ẹbẹẹba ọnị ọ̀ rẹ vagu wu ịnị ịvị awụ

Iruuku 19:8

Dị Ịzakịyọsị kwẹẹtẹ jẹẹ, dị ọ kà a yị Ananyị yị ka, “Re, Ananyị yị! Mị vaa sị achẹva avaba ịsa ọnị mị nyịị mẹ ọpịsarị nịnị ẹyịza; aza ọnị mị vịdị mẹ rị, mi vee sí ọọ yọ oze ẹẹna.”

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.