Imatiwu 5:22 - IWE ỌNỊNỊ

²² Ama ẹ ma kà a yị wụ nịnị nị ka ọza ọ̀ọ kụ́ ayị hi ọnọhụva anị, vị aa mẹ̀ ọkarẹyị yọ nị. Ọza ana àa rẹ kụ̀ ọnọhụva anị ụhụ, a vaa hị́ ọọ ịrẹka; ama ọza ana àa tụ́ ozirenu hi ọza, ọ nyayịnẹ nọ ini ẹkụra.

Imatiwu 5:22 Iomraidhean Croise

Oyinyima 37:4

Ịjị ẹnẹbẹnị Ijosẹẹhụ si re ka ọnị ada ẹnịnị sì ịrẹyị anị hu nị, dị ẹnị re nyima dị ẹ yaa kụ́ ayị Ijosẹẹhụ nị. Ẹnịnị ẹ yị kụkụ sị ẹngwọọrọ pè e kà ịrẹyị.

Oyinyima 37:8

Dị ẹnẹbẹnị anị nịnị ka: Ịzẹyịza óō ka ọnị vaa vị ohinọyị ẹnịnị nị? Ẹ ka a vị ọnị a vaa vị ọdọvịdị ẹnịnị aanị nị? Ụra ọnị ọ maanị ra dị ọ kà a yị wa aanị, dị ẹ dà ụvọ tụ́ ịnị ụvọ dị ẹ yaa kụ́ ayị anịị hu avọọ nị.

2 Ịsamụwẹrị 16:7

Di Isimeyi aa kụ́ ohinọyị ụhụ dị ọ kà, “Wa nee, wa nee, ọwọza, ọza odivi.

2 Ịsamụwẹrị 6:20

Idevidi ọnị ọ rẹ nọ eehi ka ọnị ọ̀ na mẹ̀ aduwa yị aneehi anị. Ọ́ màa na, di Imikari ozi Ịsọọrụ ana vị ọnẹẹ va gẹrị ọ nị. Di Imikari ka, “O! ohinọyị Anisirẹrị, wâ dà mẹ ajịnị kẹnẹ. Aanị ụ mẹ ngwa awuru hi ẹtẹ di ezi anẹẹ ana vị ezi ahụ ezida awụ ee re wu nị. Dị waa mẹ anka ọza kẹnẹ-kẹnẹ avọọ nị.”

1 Ohinọyị 21:4

Ahabị mẹ̀ vavọọ wụ́ ịrẹyị ọnị Ịnabọtị Anijezirẹrị kà, ka ọnị ọ yị zụ si ogu ohiku anị yọ, ayị anị o si du, di o si hu aa nọ ini eehi nị. Ahabị mè tù ini eehi, dị ọ na hụtụ ịnị ịbẹẹdị anị, dị ọ và eyi kà aha ọsa, dị ọ ka ọnị ọ yị rị ịsa nị.

2 Ịtọpa 16:10

Ịrẹyị ọnọnị ọ mẹ ka Asa ọ kụ́ ayị hi ọnịsẹ ọnọọ, dị ọ ka a kụ́ ịchẹkẹchẹkẹ hi ọ ụvọ tụ ịnị ẹngwa nị. Hụrẹ ụmẹ ọnọnị Asa nyima aa chamayị yị aza anị ẹnyị nị.

2 Ịtọpa 19:5

Ộ nyị aza anaā mẹ̀ ọkarẹyị tụ́ ịnị avaba ẹkụra ana a jị ọvọ kara nị.

Inehemaya 5:8

Ịjị aza sị gụ, dị mị ka, yâ sị vụrị ka ẹnị yậ hị́ anda ayị Aniju ana a ná yị anẹkụra ọsa nịnị, ama ẹwụ nịnị aa ná anda awụ nịnị ka ya varẹma rẹ na hị́ wa aanị nị. Dị ọzọza za ku sisisi, dị ẹ yị nyị ọza ana nyị irenu ha nị.

Ahẹ Ụgama 109:3

nyị m mẹ̀ mẹ wa, ệ kwẹẹtẹ tù mị kẹnẹ ẹ yaa kà ịrẹyị ana sị zụ̀ ka ệ nyị ịhyẹrẹ amị.

Ahẹ Ụgama 14:1

Ọnụra vi ene eē ro o ịnị ayị ẹnịnị ka ẹ yị nyị Ohomorihi. Dị ẹnịnị aa mẹ̀ ebira edivi-edivi irenyi-irenyi; nyị ọza ikonya ana aa mẹ̀ ebira ana vọrọ.

Ahẹ Ụgama 25:3

Mâ yẹ ka aza ana àa sị ayị tụra wụ, ụhị ọ yị vaa nyị wa Ama aza ene re ọza kẹnẹ dị ẹ yaa chamayịị yọ vị ọnị ụhị vaa nyị.

Ahẹ Ụgama 35:19

Ọnịvị amị ẹnẹẹ vị ana aa kụ́ ayị amị kẹnẹ Ẹ yị nyị m mẹ̀ mẹ wa vụrụ-vụrụ Ohomorihi, aarịhịnị kwogwo asị ụ navọ ka ẹ̀ nyị ẹbẹẹba amị Ẹnịnị ẹ̀ẹ kwẹẹtẹ di e yee kú mị akọnyọ kẹnẹ-kẹnẹ.

Ahẹ Ụgama 37:8

Nyị isuuru asị ụ kụ́ ayị vụrụ-vụrụ Ọza àa kụ́ ayị, vị ọọ̄ mẹ ka ọ̀ naa mẹ̀ ebira odivi nị.

Ahẹ Ụgama 49:10

Nyị ọza ene è yi re ka ọ́yẹrẹyị mèe sú avọọ ọnụra ẹnị mè ree sú nị. Èe wusu, dị ẹ navọ ogu ẹnịnị yị ọza ẹnẹsa.

Ahẹ Ụgama 69:4

Aza ana aa kụ́ ayị amị ọọhẹ kẹnẹ ệ hyakụ rụrụ huna ẹyị ịrẹsụ amị. Ọnịvị amị ene ee sì ka ẹnị ẹ wụ̀ mị ệ rụrụ ẹnẹmẹhị vị ka vị a nyị m mẹ̀ ka yị wa nị. Ịsị mè yi yi, ệ sị ụkata za mị ka ma sị ọ vẹ.

Ahẹ Ụgama 92:6

Ọnụra nịnị ẹnẹ ẹ̀ yị yẹ ịrẹyị, ẹ yị yẹ ka aza edivi ẹ̀ẹ daka aa yara anka avị avọọ, dị ẹhẹ ẹnịnị ee zoza nị, ẹnịnị vene vee vú ẹtẹ pooro zịna-zịna.

Ụhịrẹyị 14:16

Ọza ana yẹ ịrẹyị vị ene e zwe yị ịrẹyị ama ọnụra vị ene zwe huuru na gẹrị ọ.

Ụhịrẹyị 18:6

Ịrẹyị irenu ọnụra vị anaā chị ịraazị, ịrẹyị ọnị ọza sị dọ arụhwọtọ ọ kà nị.

Ijeremaya 17:11

Ijeremaya ka, ọza anaa sị irikichii nyị ẹkẹhị; vị ana sị mẹẹ anka irekwose enee kú ajẹ ẹnẹ ẹ yị vị ọnị ọ tụ́ avọọ. Avaba ogu anị vana vaa taa hi ọ ụvọ ẹhẹ anị ọọ maanị ta jẹẹ yị ọ kẹnẹ. Ọvavẹ ịrẹma anị dị o ne tù ka ọnụra kẹnẹ ọnị vị nị.

Arụwẹ 3:52

Ịrẹpa ọnịvị amị ọnị ẹ yị nyị ịsị mị mẹ̀ wa ọ sị mị za anka inomi avọọ.

Ịdanịyẹrị 3:13

Ọsọnị ohinọyị wụ́ kẹnẹ dị ayị anị nyima aa dọva nị. Dị ọ wụ̀sẹ mẹ ọda ka a na kụ́ aza ẹnị ẹyịta ẹnẹẹ va yị ọnị nị.

Ịdanịyẹrị 3:19

Ọsọnị ọ mẹ ka ayị Inebukadineza ọọ dọva hụtụ-hụtụ dị eyi anị e vi ọ maa kụ́ ayị hi Isediraki, Imesaki ọnịrị Abedinego nị. Dị ọ mẹ ọda ka, è tenyi ịra ana a kà tụ ịnị ọba ịra aanị kà ẹtẹẹtẹrẹ nị.

Ọbadaya 1:10

Agụvị ka ệ dọ ezi Ijekọvụ ọnị ẹnịrị wa vị ezi ẹyịnyara ẹnya, dị ẹ wụ̀ wa, a vee vu wa ẹtẹ, dị ọ vị ụhị wa pooro zịna-zịna.

Ọbadaya 1:12

Ẹ́ yị vọrọ ka Anedomi nịnị ẹẹ jẹ ka ịrẹyị odivi o tu wa, a vị dị ayị ẹnịnị oo hine ka Anijuda ee vú ẹtẹ. Ẹ́ yị vọrọ ka ẹnịnị ee wu hi wa ịnị ụmẹ ọnị o si divi yị wa.

Imatiwu 10:17

Ama sị eyi pe ẹngụ awụ nịnị, oo! Â nyị aza ana vaa za wụ nịnịị nọ ikootu. E re vee tụ́ wu nịnị ịjapa ini irehi ahẹkẹ Aniju ẹnịnị.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Imatiwu 12:24

Ịjị Anihwarisi nịnị sị wụ́, dị ẹ ka, “Ụkata Ịbẹẹrịzẹbụ, ọga ụhwẹ echu nịnị ọ́nọrụ ọnọnị aa sịị dụ ụhwẹ echuu jịnẹ nị.”

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Imatiwu 18:21

Dị Ipita ve tù Ijeesu, dị ọ họ̀ ọ use ka, “Ananyị yị, ụ́pẹ yà ọnọhụva amị vaa mẹ mị ịrẹyị, dị ma yịị vagu ọọ? Ụpẹ ịhịmba wáá yọ?”

Imatiwu 18:35

Avọọ gẹdẹ-gẹdẹ Ada amị ẹbẹẹba mẹ̀ vaa mẹ wụ nịnị nị, ọzịnya-ọzịnya awụ nịnị ọ̀ yị vagu ọnọhụva anị hụụnị ayị anị vẹ.”

Imatiwu 23:15

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ẹ yị nyị ịzị ụ wẹ̀ yị mā nọ ka wa na sị ọza vẹ ịnị ahẹkẹ awụ nịnị. Wàa raà sị ọọ vẹ, dị ụ vara a ozi ini ẹkụra huna ẹngụ awụ nịnị ụvọta.

Imatiwu 23:33

Ẹwụ nịnị ẹwụ ana rẹ vị ezi ibe, wéé ro ka wa zụ jị ọkarẹyị ẹkụra nyee nịnị?

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Imatiwu 26:59

Ohirẹsụ ẹbanyị irehi Ohomorihi ọnịrị avaba ọmọkarẹyị ê sì ịrẹyị ireche ẹnẹẹ vaa kụ́ụ za Ijeesu, agụvị dị ẹ̀ zụ wụ ọ;

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

Imatiwu 5:34

Ama ẹma kà a yị wụ nịnị nị ka asị ụ hyeku vụrụ-vụrụ; asị ụ sị ẹbẹẹba hyeku, agụvị ka ịzị Ohomorihiī yaayịtẹ yọ nị!

Imatiwu 5:44

Ama ẹma kà a yị wụ nịnị nị ka, sì ịrẹyị ọnịvị awụ nịnị, waa mẹ̀ aduwaa yị aza ene ee chìi hi wu nịnị, waa mẹ ọyịzaa yị aza anaā kụ́ ayị awụ nịnị! Dị ụ wa rẹẹ mẹ̀ aduwaa yị aza ana aa mẹ wụ nịnị kẹnẹ-kẹnẹ, ọnịrị aza ana aa sị ụyaa rị wụ nịnị!

Ịmaakị 14:55

Ohirẹsụ ẹbanyị irehi Ohomorihi beri avaba ọmọkarẹyị ee sì ịrẹyị ẹnẹ ẹ vaa kà a ka Ijeesu ộ mẹ̀, agụvị dị ẹ̀ zụ wụ ọọ. Ama ẹ yị nyị ịrẹyị ene e re.

Ịmaakị 15:1

Ịnị ẹnẹnẹ viri-viri, ohirẹsụ ẹbanyị irehi Ohomorihi beri ọdọvịdị nịnị ẹnịrị ọzwọzọda nịnị ne beri avaba ọmọkarẹyị nịnị ê gẹ eyi, dị ẹ sụ́ Ijeesu orupa, dị ẹ vàa tụ́ ọvịdị, dị ẹ sị ọọ ne chire Ipayireti ụvọ nị.

Iruuku 12:5

Maa kà a wụ nịnị ọza ana a vọrọ ka wee hí angwa anị nịnị: Wee hí angwa Ohomorihi, ana ahịka ọ̀ọ sị ọza wụ̀, dị ọ rẹ nyị ụkata ọyị sị ọọ ne ngụ ẹkụra. Mị ka wee hí angwa anị nịnị!

Iruuku 22:66

Éyi mẹ̀ yị sị nị kẹnẹ, dị ọdọvịdị aza ẹnẹẹ ọnịrị ohirẹsụ ẹbanyị irehi Ohomorihi ne beri ọzwọzọda nịnị kụ́ gụ nị, dị ẹ sị Ijeesu nọ ini ikootu ẹnịnị nị. Dị ẹ ka:

Ịjọọnụ 11:47

Dị ohirẹsụ ẹbanyị irehi Ohomorihi ọnịrị Anihwarisi nịnị kụ́ gụ, dị ẹ ka, “Sị a vọrọ ka ya mẹ? Ọnọrụ ọnọnị aa mẹ̀ ụkọrọ apọtẹrẹwa ọrụrụ-ọrụrụ aanị nị.

Ịjọọnụ 15:25

Ama â nyị ka ịrẹyị ana a chẹrẹ tụ́ ini iwe ọda ẹnịnị, ọ̀ zụ sẹ. Â vịdị chẹrẹ ẹ ka: ‘Ẹyaa nyị ịhyẹrẹ amị kẹnẹ-kẹnẹ.’

Ịjọọnụ 7:20

Dị ọkọnị aza ẹnẹẹ tụ́ Ijeesu ohi, dị ẹ ka, “Wáá yẹ ka ụhwẹ echu yà ịnị ẹngụ awụ? Ene ee sì ka ọnị ọ̀ wụ wụ?”

Ịjọọnụ 8:48

Dị Aniju nịnị tụ́ Ijeesu ohi, dị ẹ ka, “Aanịka yẹ yị vịdị yị kà a ka Anịsamarịya ụ vị nị, ka wâ nyị ụhwẹ echu?”

Odeyi 17:18

 nyị aza ẹnyị ana yẹ ịrẹyị ẹtẹẹtẹrẹ ịzọọ. Aā hị́ ẹnyị “Anepikuri”, dị a rẹẹ̄ hị́ ọsa “Anisitoyiki” nị. Dị ẹnịrị Ịpọọrụ sị gẹ tụ́ ịnị ahankata nị, ẹnyị ịnị aza ẹnẹẹ ka, “Sị ọnọrụ ene ee sì ịrẹyịị kà aanị ee sì ka ọnị ọ̀ ka kẹ?” Dị aza ẹnyị rẹ ka, “Vị ọ sị mẹẹ ka vị a nyị ịrẹyị ori ọzọga ọnị ọnị rẹ za vẹ nị.” Ẹ maanị aa kà, agụvị ka Ịpọọrụ ộ kà ịrẹyị Ijeesu ọnịrị ọ mẹmẹ ha hụụnị isu.

Odeyi 22:30

Ọga ọbanyị ọnọọ ee sì ka ọnị ọ̀ yẹ ịsị Aniju nịnị ka Ịpọọrụ ộ mẹ̀. Eyinẹhẹ anị, dị ọ ka à ngwara Ịpọọrụ nị. Dị ọ ka ohirẹsụ ẹbanyị irehi Ohomorihi ọnịrị avaba anikootu ẹ̀ va gẹ nị. Dị ọ sị Ịpọọrụ chí va jẹẹ ọvịdị ẹnịnị nị.

Odeyi 23:1

Dị Ịpọọrụ và eyi ká anikootu, dị ọ ka, “Ẹwụ nịnị anda ayị, mâ yẹ ka ẹ yị nyị ịsị mị mẹ anaa vọrọ ka ọ̀ jị ịvị yị ayị amị ọ́vịdị Ohomorihi pooro ve tù ajịnị.”

Odeyi 24:20

Ẹ̀ yị vị avọọ, aza ẹnẹnị ene hi ịzẹnị aanị, ẹ̀ kụkụ kà a ịsị ẹ ka mâ mẹ, dị ẹnị za mị nọ ịnị ikootu.

Odeyi 4:15

Dị ẹ ka Ipita nịnị ẹ̀ hụụnị ikootu jịnẹ tụ́ ẹhẹ nị. Dị ẹnịnị ee pe ẹngụụ gẹ eyi,

Odeyi 5:21

Ẹ mẹ̀ vavọọ wụ́, ẹnẹnẹ viri-viri dị ẹ na ngụ ini irehi Ohomorihi, dị ẹyaa zụ̀ aza ịsa nị. Ohirẹsụ ọbanyị irehi Ohomorihi beri aza ana yà beri ọ, ệ vẹ, dị ẹ hị́ avaba anikootu gụ ọnịrị avaba ọdọvịdị Anisirẹrị nịnị nị. Dị ẹ tụ́ ka à na kụ́ wa hụụnị otumare vẹ nị.

Odeyi 5:27

A mẹ̀ raà za odeyi nịnị vẹ, dị a kụ́ wa nọ ọvịdị anikootu nịnị nị. Dị ohirẹsụ ọbanyị irehi Ohomorihi họ̀ wa ka:

Odeyi 6:12

Dị ẹ tụ́ aza ọnịrị azọkụ nịnị beri ọzwọzọda nịnị ịrẹyị, dị ẹ vẹ, dị ẹ va za Isitivini, dị ẹ sị ọọ nọ ini ikootu nị.

Odeyi 6:15

Dị avaba aza ana yaayịtẹ ini ikootu ee re Isitivini goro-goro nị. Di e re ka eyi anị aa zẹtẹ anka eyi anggẹẹrị avọọ nị.

Odeyi 7:37

Imosiisi ọnọọ ộ kà a yị Anisirẹrị ka Ohomorihi vaa tụ́ ọnịsẹ ọnyaa hi wa anka ọ mẹ̀ tụ́ ọnị. Dị ọ ka anda awụ nịnị ọ vaa vị nị.

Aniroomi 12:10

Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.

1 Anịkọrịntị 6:10

beri oyi nịnị ọnịrị eneyọhụrẹ beri ohweche ahaahara nịnị ọnịrị aza eneē du ọza ịrẹsụ beri aza anaā sịị ụkataa dọ ọza ịsa, ẹ yị vaa ngụ ịzị Ohomorihi yà aa mẹ ịjọva.

1 Anịkọrịntị 6:6

Ọdọwụ aa sị ọdọwụ ọsaa nọ ikootu, dị aza ẹnẹ ẹ̀ yị dọ wụ aa mẹ̀ ọkarẹyị yị wa.

Iwe Ọhụhị Imosiisi ana aa hị́ Ọyịvatụrọda 15:11

A mẹ hịka ẹ yị nyị ụmẹ ọnị anarịmanyị ẹ̀ vaa ya ịnị ẹhẹ, agụvị avọọ ọnị mẹ̀ ọda yị wa ka ẹ ha ụvọ tụ́ yị onosiye ọnịrị ọnụzọngwa nịnị.

Iwe Ọhụhị Imosiisi ana aa hị́ Ọyịvatụrọda 16:18

Re ka waa nyị ọmọkarẹyị nịnị ọnịrị ọdọvịdị nịnị hi ẹkụra-ẹkụra ẹnẹ Ẹnẹyịmavara Ohomorihi awụ aa sịị wụ nịnị. Ịzẹyịza ẹ vaa sịị mẹ̀ ọkarẹyị yị avaba aza nị.

1 Anịtẹsaronika 4:6

Asị a nyị ọza ana na mẹ ịvị, dị ọ̀ na rị ọdọwụ ọnọhụva anị ẹtẹ ahụ ịnị ịsọnyị-ịsọnyị! Ọza ana àa vavọọ mẹ, vị Ohomorihi Ananyị yị ee sí ọọ atọ nị. Yáa vịdị vavọọ sị ọọ kà wụ nịnị, dị ị kà wụ nịnị ọ̀nọ̀ nị.

Ịtayịtọsị 3:2

Kàa ka asị ẹ rẹ̀ kà ịrẹyị odivi ọza, asị ẹnịrị aza zyaazị! Ama ẹnịnị ẹ̀ nyị ebira hẹẹ, dị ẹ̀ nyị ayohunẹnẹ hi avaba aza ẹtẹẹtẹrẹ!

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

Ijemiisi 2:20

Ịrẹyọyẹ awụ óo weyi oo! Ụ́ wáá ka à rẹ kụkụ kà a wụ ka ọza ọ̀ọ ka ọnị ọ́ọ dọ Ohomorihi wụ́, dị ọ̀ yị sị vị ebira mẹ nị, ka osusu samị-samị ọ vị nị?

Ijemiisi 3:6

Ịrarẹ vị ana sị mẹẹ anka ịra avọọ. Avaba ịsa edivi ene hi ịnị ẹhẹ ọnọnị hi ịnị ịrarẹ ọza, dị ẹ na ngụ ịnị ẹngụ ọza, dị e du ọ. Ọ nyẹngụ jị ịra tụ́ ịnị avaba ẹhẹ ọza saka-saka. Ini eku ịra gẹdẹ-gẹdẹ ụ́kata ịra ọnọọ yà nị.

1Ipita 2:23

Aza mẹ̀ kụ̀ ọ́ ụhụ ẹ́ yị và ụhụ yị wa. Aza mẹ̀ raa sị ụyaa rị ọ, ô yi wo hi wa, ama ô si chire Ohomorihi ụvọ, anaā sịị ịzẹyịzaa mẹ̀ ọkarẹyị.

1Ipita 3:9

Asị ụ sị odivi sí atọ odivi! Ọza ọ̀ọ kụ́ wụ ụhụ, asị ụ vàa yị ọ. Ama waa mẹ̀ aduwaa yị ọ. Wâ yẹ ka Ohomorihi ee sì ka ọnị ọ̀ mẹ wụ nịnị ẹyịza; agụvị avọọ ọ hị́ wụ nịnị nị.

1 Ịjọọnụ 2:9

Ọza ana àa ka ọnị yà ini ẹtohweyi, dị aa yịị kụ́ ayị ọnọhụva anị nị, ịnị ịrahụ ọ yị yà vi ve tu ọyaanị nị.

1 Ịjọọnụ 3:10

Ịsị ẹẹ̄ sị ọza ana vị ozi Ohomorihi ọnịrị ọza ana vị ozi Echuu zụ̀ yị: Ọza ẹnẹ ẹ̀ yị mẹ ịzẹyịza ọnịrị ọza ene è yi sì ịrẹyị ọnọhụva anị ẹ́ yị vị ozi Ohomorihi.

1 Ịjọọnụ 5:16

Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị.

Ijudi 1:9

Ụmẹ oni ohirẹsụ anggẹẹrị nịnị ana aā hị́ Ịmayịkẹẹrị, ọnịrị Echu gẹ, dị ẹyaa nyị ahankata tụ́ ịrẹsụ oku Imosiisi, Ịmayịkẹẹrị ọ́ yị hyakụ nyayịnẹ kụ̀ Echu ụhụ, dị ọ mẹ̀ ọkarẹyị yọ. Vị́ ọ kà a yọ kẹnẹ ka: Ohomorihi ọ vaa tụ́ wụ ohuvọ nị.

Ẹtore 20:14

Dị a za iswọọza ọnịrị eku, di e ne wa ngụ ini adagu ịra ọnọọ nị. Ọnọọ ọ vị isu ụpẹ ọhụva nị.