Imatiwu 5:12 - IWE ỌNỊNỊ

¹² Waa jẹ, dị ịnẹ awụ nịnị òo hine ẹtẹẹtẹrẹ, agụvị ka Ohomorihi ọ raà sị ọgụ ọbanyị tẹ wụ nịnị tụ́ ẹbẹẹba. Avọọ gẹdẹ-gẹdẹ a mẹ̀ rẹ sị ụya rị ọnịsẹ nịnị ana vịdị vẹ tụ́ wụ nịnị nị.”

Imatiwu 5:12 Iomraidhean Croise

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

1 Ohinọyị 18:13

Aanị ka ọza ọ yị kà a wụ ịsị mị mẹ ịnị ụmẹ oni Ijezebẹrị aa sị wụ ọnịsẹ Ẹnẹyịmavara. Mâ kụ́ ọnịsẹ Ẹnẹyịmavara ẹnị ẹchẹhị, dị mị gà hi oze ẹvarẹwụ-ẹvarẹwụ, dị mị kụ́ wa na tẹ̀ ịnị ụtẹha anị. Dị ma sị ịsa naa yị wa ịzọọ nị.

1 Ohinọyị 18:4

Ịnị ụmẹ oni Ijezebẹrị hyakụ aa sị wụ ọnịsẹ Ẹnẹyịmavara, Ọbadaya ộ kụ́ ọnịsẹ ẹchẹhị, dị ọ gà wa ẹvarẹwụ-ẹvarẹwụ dị ọ vavọọ kụ́ wa hi ịzọọ, dị aa sị ịsọyịrị naa yị wa nị.

1 Ohinọyị 19:2

Di Ijezebẹrị va tù ozi ịda anị ka ọ̀ na kà a yi Erija kà, “Ụmẹ aanị ụhwọọ, àa vị ka mẹ yị sị wụ̀ wụ anka ẹwụ mẹ̀ rẹ wụ ọnịsẹ Ịbaarị ẹnẹẹ, mẹ̀ yị vavọọ wụ, asị ori nịnị zẹẹ ka ò zoza mị.”

1 Ohinọyị 21:20

Ịjị Erija maanị na kà ụtụ yị Ahabị, dị Ahabị tụ́ ohi dị ọ ka, “We re si mi ree, ẹwụ ọnịvị amị?” Di Erija ka, “Hiin, me si wu re, agụvị ka wa sị ẹngụ awụ ná tụ́ ini ebira odivi ọnị waa mẹ ini eyi Ẹnẹyịmavara.

1 Ohinọyị 22:8

Di ohinọyị Anisirẹrị kà a yị Ijehosahwati dị ọ ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ mị, agụvị ka ọ mā kà ịsẹ ọyịza mị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị dị ọ kà, “Asị ụ vavọọ kà dè, ohinọyị.”

2 Ohinọyị 1:9

Dị ọ tụ́ ọga isoja ene sị eyi pe aza ẹvarẹwụ ka ọ̀ kụ́ aza ẹnị ẹvarẹwụ ka ẹ̀ na za Erija vẹ nị. Ọga isoja ọnọnị ô ne tu ka Erija yaatụ ịrẹsụ ataba, dị ọ kà a yọ ka: Ẹwụ ọza Ohomorihi, ohinọyị ka we chí vẹ o.

2 Ịtọpa 16:10

Ịrẹyị ọnọnị ọ mẹ ka Asa ọ kụ́ ayị hi ọnịsẹ ọnọọ, dị ọ ka a kụ́ ịchẹkẹchẹkẹ hi ọ ụvọ tụ ịnị ẹngwa nị. Hụrẹ ụmẹ ọnọnị Asa nyima aa chamayị yị aza anị ẹnyị nị.

2 Ịtọpa 36:16

Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị.

Inehemaya 9:26

Ama ẹnịnị ệ mẹ akamawụ hi wu, ệ kụ̀ hịrẹ wụ, dị ẹ varẹma ka ọda awụ, dị ẹ wụ̀ avaba ọnịsẹ ana ka wa ọnọ ka ẹ̀ va ka wụ vẹ nị. Ụmẹ tụra ụmẹ ẹ yaa kàa chire wụ nị.

Ahẹ Ụgama 19:11

Ọkarẹyị awụ aa kà aza ọnọ, ọza ana wụ́ chire vee re ọgụ ọbanyị.

Ahẹ Ụgama 58:11

Ịjọnọọ aza vaa kà a ka aa sịị sị ọgụ ọyịzaa yị aza ana aa mẹ ịzẹyịza Dị ẹ rẹ ka a nyị nyị Ohomorihi ana aa mẹ̀ ọkarẹyị anẹhẹ.

Ụhịrẹyị 11:18

Ebira odivi ẹ yị nyị ọgụ ama ọnịzẹyịza vaa dọ ọgụ ọyịza.

Ayịsaya 3:10

Kà a ka vi o vee zee yi ọza ana aa mẹ̀ ebira ana vọrọ nị, agụvị ka ẹ vaa rị ọgụ ebira ẹnẹ ẹ̀ẹ mẹ.

Ijeremaya 2:30

Ọ kà, ọnị ộ sị ụya rị ụ nịnị ama ọọhẹ kẹnẹ ọ vị nị, wẹ yị zẹ ka ọnị ọ vọrọ ụ nịnị zị oze wa sị ọnịsẹ awụ nịnị wụ̀ va ha anka idu anaa nyị ọyịkụ odivi avọọ.

Ijeremaya 26:8

Ịjị avaba ụtụ ọnị Ẹnẹyịmavara tụ Ijeremaya taa ka kẹnẹ, dị ohirẹsụ irehi Ohomorihi nịnị, ọnịsẹ nịnị ẹnịrị avaba aza zaa, dị ẹ ka, vị ẹnị aa wụ̀ ọ nị.

Ijeremaya 37:14

Ọ kà, dị ọnị tu o ohi ka, ẹ yị vị avọọ. Ọnị e yi zwe nọ aha ọnyọọnyị nị. Ama Irija ẹ yị dọ, dị ọ za ọnị ne tu ọdọvịdị nịnị nị.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 6:16

“Wàa raa sị awẹ nịnị bẹẹ, asị ụ sị tụra eyi anka ọmọzakụyẹ nịnị anaā và ẹngụụ hi ka aza è re ka ẹnị aa ba awẹ. Ịzẹyịza, mị kà wụ nịnị, ẹ sị ọgụ ẹnịnị dọ da.

Iruuku 13:34

“Ijerusarẹmị! Ijerusarẹmị! Ụụ̄ wụ ọnịsẹ nịnị, di u reē ne ọza oni Ohomorihi ọ̀ọ tụ́ hi wu nịnị ịrẹta nị. Wáá yẹ, ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ; ama dụ wẹ yị zẹẹ nịnị.

Iruuku 6:23

Waa jẹ nịnị, ịhị àa vavọọ mẹ wụ nịnị; di u we ji iriga, ụ wàa màa jẹ nịnị, agụvị ka Ohomorihi ọ raà sị ọgụ ọbanyị tẹ wụ nịnị tụ́ ẹbẹẹba. Avọọ gẹdẹ-gẹdẹ óhiku ẹnịnị mẹ̀ rẹ mẹ hi ọnịsẹ nịnị ịyẹẹyẹ nị.

Iruuku 6:35

Ama sì ịrẹyị ọnịvị awụ nịnị, dị ụ waa mẹ ọyịzaa yị aza nịnị! Waa sị ịsaa rere ọza, ama asị u tụra eyi ka ụ vaa dọ ọ varẹma! Ịjọnọọ ọgụ awụ nịnị vaa banyị, dị ụ zụ vị ozi Ohomorihi ana aha ene hu keekere nịnị. Ọọ̄ ngụ ayị aza ẹnẹ ẹ̀ yị mā kụ́ avọ, ọnịrị aza edivi.

Odeyi 16:25

Ịnị agẹvịrahụ, dị Ịpọọrụ ọnịrị Isira aa mẹ̀ aduwa, dị ẹyaa jị ahẹ ga Ohomorihi nị. Dị anịnẹngwa ana vọ aa wụ́, ẹ màa jị ahẹ nị.

Odeyi 5:41

Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.

Aniroomi 5:3

Ẹ yị vavọọ kẹnẹ, ị raa jẹ ịrajẹẹ tụ́ ịnị ụya ọnị yaa rị aanị bẹẹ, agụvị ka yâ yẹ ka ụyọrị vị anaā mẹ ka ọza ọ̀ zụ sị ẹngụ dọ ịrẹyị.

1 Anịkọrịntị 3:8

Ọza ene ee chire ịsa, ọnịrị ọza ana aa ká enyi hi ọọ vị ẹbẹẹbẹ. Ohomorihi vaa sị ọgụ ụkọrọ ọnị ọzọza mẹẹ yọ.

2 Anịkọrịntị 4:17

Ụya kiiki ọnị yaa rị ụmẹ chee aanị, vaa sị igirima vaa yị. Igirima ọnọọ vị ana vaa yà pooro zịna-zịna.

Anihwiripi 1:29

Ohomorihi ộ sị oze wụ nịnị ka wa sị ayị tụra Ikirisiti nịnị. Ẹ yị vị ọnọọ kẹnẹ, ama ọ rẹ mẹ ka we re oze rị ụya nịnị agụvị anị nịnị.

Anihwiripi 2:17

Ụ mẹ̀ sị ayị tụra Ijeesu nịnị, vị ọ sị mẹẹ ka ụ mẹ̀ ịsọvọ hi Ohomorihi nịnị nị. Àa nyị ka à sị ụhwẹ ẹmị ụvọta tụ́ ịnị ịsọvọ ọnọọ, mị vaa jẹẹ tụ́ ọ. Mee pe wu jẹ nịnị,

Anikorasi 1:24

Maa jẹ booro aanị, agụvị ka maa rị ụya agụvị awụ nịnị. Maa rị ụya ana vọ ọnị Ikirisiti ka ma rị yị ịragụ Ohomorihi, ana jẹẹ yị ẹngụ Ikirisiti.

Anikorasi 3:24

Wáa yẹ ka Ikirisiti Ananyị yị, ụ waa hẹkẹ nịnị nị. Oni o vee sí wu atọ ụkọrọ awụ nịnị nị, ọnị ọ vị ka ẹyịza ọnị ọ sị tẹ wụ nịnị.

1 Anịtẹsaronika 2:15

Aza ẹnẹẹ ệ wụ Ijeesu Ananyị yị ọnịrị ọnịsẹ ẹnịnị. Ệ rẹ dụ yị tụ́ ẹhẹ. Ịsa ẹnẹ mẹ, o yi zé Ohomorihi eyi. Avaba aza vị ẹnẹ ẹ rẹẹ̄ kụ̀ụ hịrẹ ẹtẹẹtẹrẹ.

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.

Anihiburu 11:26

Ô ro ka ọza òo sị eyi wụ̀ ọza agụvị Ikirisiti, ọ́ọ nyị ụbanyị huna avaba ụbanyị ene hi Ijipiti, agụvị ka Imosiisi ọ́ọ sị eyi tụ́ ịnị ọgụ ana aa vẹ ị́rẹma.

Anihiburu 11:33

Ẹnịnị ệ sị ayị tụra Ohomorihi, dị ọ mẹ ka ẹ̀ zụ nyị ehuna ẹkụra irenyi-irenyi nị, ệ mẹ̀ ịsa ana vọrọ, ệ dọ ịsa oni Ohomorihi zẹẹ wa ịzẹzẹ anị. Aza ẹnyị ẹnịnị ệ mẹ ka idu nịnị è kú irenu ẹnịnị kú oku.

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Ijemiisi 1:2

Ẹwụ nịnị ẹyịnyara amị, waa jẹ nịnị ụmẹ ana àa sị zama wụ nịnị re ini oze irenyi-irenyi.

Ijemiisi 5:10

Ẹwụ nịnị ẹyịnyara amị, wê re ọnịsẹ nịnị anaā kà ịrẹyị ịnị ịrẹha Ohomorihi; sị ẹngụ isuuru ẹnẹ nyị ịjị ẹyaa rị ụya zama a re!

1Ipita 4:13

Ama waa jẹ nịnị, agụvị ka waa rị ụya nịnị, anka Ikirisiti mẹ̀ rẹ rị ụya, agụvị ịhị ụbanyị Ikirisiti ọ̀ọ sị ẹngụ zụ, ayị awụ nịnị ò zụ hine hu avọọ.

Iruutu 2:12

Ẹnẹyịmavara ò si wu ụta ịsị ọnị wụ mẹ. Ẹnẹyịmavara Ohomorihi Anisirẹrị ọnị wụ vẹ va vaka vee si wụ ụta gụ.”