Imatiwu 4:5 - IWE ỌNỊNỊ

⁵ Dị Echu rẹ sị ọọ hịrẹ nọ Ijerusarẹmị ana vị ẹkụra ọnịnị, dị ọ sị ọọ na tụ́ oregerege ini irehi Ohomorihi nị.

Imatiwu 4:5 Iomraidhean Croise

2 Ịtọpa 3:4

Ịkatamba anị ọ gana ahụ ohurẹẹwụ, dị gọdọ ahụ ẹchẹhị tụra ẹbẹẹna. Eyi igooru a sị mẹ avaba ịnị ịnẹ anị nị.

Inehemaya 11:1

Ụmẹ ọnọọ, ọdọvịdị nịnị vị ana ra hi Ijerusarẹmị. Dị e Anisirẹrị ana vọ jị osisii dị ẹ nyị ovwoovu ọnya-ọnya hụụnị ovwoovu ẹẹwụ, ka ẹ̀ na ra Ijerusarẹmị ana vị ẹkụra ọnịnị, dị ovwoovu ịhịịna ana vọ ẹnị ra ẹkụra-ẹkụra ana vọ.

Inehemaya 11:18

Avaba ẹnị Anireevi ana ra ẹkụra ọnịnị ọbanyị ọnọọ vị ịrẹka tụra ẹbẹẹna tụra ẹẹna (284).

Ayịsaya 48:2

Di e yee wu ka ẹnị vị anẹkụra ọnịnị ene chi ayị za Ohomorihi Anisirẹrị ọnị ịrẹha vị Ẹnẹyịmavara Ochẹtẹẹngụ.

Ayịsaya 52:1

Ẹwụ nịnị Anijerusarẹmị kwẹẹtẹ, kwẹẹtẹ wa sị tụ ụkata nịnị. Ẹwụ ẹkụra ọnịnị Óhomorihi, waa mẹ ụbanyị anka ọza ọ̀ọ kụ́ ịta ozoza hi ẹngụ avọọ. Aza ẹnẹ ẹ̀ yị jị ụvẹvẹnẹ, ọnịrị aza ẹnẹ ẹ̀ yị nị, ẹ yị vaa zị oze ọbanyị awụụ paraahu.

Ịdanịyẹrị 9:16

Ẹnẹyịmavara, anka ụ mẹ mẹ̀ ịzẹyịza hi yị ịyẹẹyẹ navọ a sị ụ kụkụ kụ ayị hi Ijerusarẹmị huni aanị. Ẹkụra awụ ọnị ụ yaā sị ẹngụ awụ zụ ọ vị nị. Ama agụvị ebira odivi ohiku ayị nịnị, Ijerusarẹmị ọnọọ ọnịrị aza awụ avaba anẹkụra ana kara a kụkụ a sị mẹ enyinyi aanị nị.

Ịdanịyẹrị 9:24

Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.

Imatiwu 27:53

dị ẹ hụụnị ikuta jịnẹ vẹ, Ịjị Ijeesu sị ha kwẹẹtẹ; dị ẹnịnị nọ ịnị ẹkụra ọnịnị, dị aza ọrụrụ-ọrụrụ re wa nị.

Iruuku 4:9

Dị Echu rẹ sị ọọ nọ Ijerusarẹmị, dị ọ sị ọọ na tụ́ oregerege ini irehi Ohomorihi nị. Dị ọ kà a yọ ka, “Àa vị Ozi Ohomorihi ụ vị nị, ji hụụ ịzọọ ve hi ẹtẹ!

Ịjọọnụ 19:11

Dị Ijeesu ka, “Wẹ yị yaanị nyị ụkata ọyịmẹ̀ mị ịsọnyị-ịsọnyị, ẹ̀ yị vị oni Ohomorihi sị ụkata ọnọọ yị wụ. Ọza ana sị mị chire wu ụvọ, ịvị anị banyị hu nị.”

Ẹtore 11:2

Ama asị ọnịngọ ẹtẹ ana kara irehi Ohomorihi avọọ; ma naavọ tịtẹ, agụvị ka anarịmadọwụ nịnị a sị yị nị. Ẹnịnị vaa kụ́ ahụụ hi ẹkụra Óhomorihi ọnọnịị mẹ̀ ụhwẹ ẹbẹẹva tụra ẹẹva (42).