Imatiwu 4:4 - IWE ỌNỊNỊ

⁴ Ama dị Ijeesu tụ́ ohi, dị ọ ka, “Â chẹrẹ ẹ ka, ‘A yị vị ịsọyịrị kẹnẹ ọ zụ sị ọza yàra, ẹ̀ yị vị avaba ịrẹyị oni Ohomorihi kà.’ ”

Imatiwu 4:4 Iomraidhean Croise

Ọyịkụra 16:15

Anisirẹrị nịnị mè re e, dị ẹ yaa họ̀ ẹngụ dị ẹ ka, “Sị ẹ vị ọnọnị?” Ẹnịnị ẹ yị yẹ ịsị ọ vị. Di Imosiisi va kà a yị wa dị ọ ka ịsọyịrị ẹnị Ẹnẹyịmavara sị yị wa ka ẹ̀ẹ rị ọ yọ nị.

Ọyịkụra 16:35

Anisirẹrị nịnị ệ rị imana mẹ ịrayị ẹbẹẹva. Ọnị ẹ rị pooro dị ẹ va ngụ ịnị ẹtẹ Ikanaani ịzị ẹ na ra nị.

Ọyịkụra 16:8

Di Imosiisi rẹ ka, “Ẹnẹyịmavara ọ vaa sị uyee wụ nịnị oruva dị ọ rẹ sị ịsọyịrị wụ nịnị ẹnẹnẹ o mè zee wu eyi nịnị nị. Ọ vavọọ aa sị wụ nịnị agụvị ka ọ sị wụ́ ka waa rị ihuhuu hi ọnị nịnị. Ẹ yị nyị ịsị ẹyị vị, ẹ yị vị ẹyị ụ waa rị ihuhuu hi nịnị, Ẹnẹyịmavara ụ waa rị ihuhuu hi nịnị nị.”

Ọyịkụra 23:15

Ụ vaa rị Eche ọnị ọza ọ̀ yị ma sị owu tụ́ ịnị ịsa anị. Ịnị ẹkụhị ịhịmba wẹ yị vaa sị owuu tụ́ ịnị ịsa awụ nịnị. Wâ tamayị ka avọọ m mẹ̀ vịdị mẹ̀ ẹ ọdaa wụ nị. Ụmẹ anị òo si tụ́ ịnị ụhwẹ Abibi du u re ka wâ vavọọ mẹ̀ ẹ. Wáā yẹ ka ịnị ụhwẹ ọnọọ ụ jịnẹ hụrẹ Ijipiti nịnị nị. Wàa vavọọ aa vaa hẹkẹ mị nịnị, asị a nyị ọza ana jị avọ osusu vẹ.

Imatiwu 15:11

Ẹ yị vị ịsa ọza sị nọ irenu, oō du ọza ẹngụ nị. Ama ịsị e hụụnị irenu ọza jịnẹ vẹ, oō du ọza ẹngụ nị.”

Imatiwu 4:10

Ịjọnọọ dị Ijeesu kà a yọ ka, “Và ị́rẹma amị, ẹwụ Isitani, agụvị ka â chẹrẹẹ ka: ‘Waa va ku ẹtẹẹ yị Ohomorihi Ananyị yị; ọnị ịnyara kẹnẹ ụ rẹ vaa hẹkẹ nị!’ ”

Imatiwu 4:7

Dị Ijeesu re tụ́ ọọ ohi, dị ọ ka, “A rẹ chẹrẹẹ ka: ‘Wẹ yị nyayịnẹ zama Ananyị yị Ohomorihi awụ re!’ ”

Ịmaakị 7:20

Dị Ijeesu ka ịsị ẹ̀ẹ hụụnị ayị ọza vẹ, oō du ọza ẹngụ nị;

Iruuku 4:12

Dị Ijeesu re tụ́ ọ ohi, dị ọ ka, “A rẹ chẹrẹ ẹ ka: ‘Wẹ yị nyayịnẹ zama Ananyị yị Ohomorihi awụ re.’ ”

Iruuku 4:4

Ama dị Ijeesu tụ́ ohi, dị ọ kà a yọ ka, “Â chẹrẹ ẹ ka: ‘Ẹ yị vị ịsọyịrị kẹnẹ, ọ zụ sị ọza vị ọza, ẹ̀ yị vị avaba ịrẹyị oni Ohomorihi kà!’ ”

Iruuku 4:8

Ịjọnọọ dị Ijeesu kà a yọ ka, “Â chẹrẹ ẹ ka: ‘Waa tanaa tụra ẹtẹẹ yị Ohomorihi Ananyị yị, ọnị ịnyara kẹnẹ ụ rẹ vaa hẹkẹ nị.’ ”

Ịjọọnụ 15:26

“Ịhị Ohunẹnọzayị ọnọọ ọ̀ọ vẹ, ọnị mị vaa tụ́ hụụ ịdị Ada amịị vẹ, ọ vaa dọ ivenuu tụ́ ịnị ịrẹyị amị. Ọnị ọ vị Ụhwẹ Ọnịnị anaā sịị ịzẹyịzaa zụ̀ nị; ịdị Ada amị ọ hụrẹ vẹ nị.

Ịjọọnụ 6:63

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Aniroomi 15:4

Avaba ịsa anaa ịsa anaa vịdị chẹrẹ tụ́ ini Iwe Ohomorihi vị anaa chẹrẹ tịtẹ ka ya kọ ịrẹyọyẹ hụụnị anị; dị ya rẹ zụ nyị ọyịtureyi, agụvị ka Iwe Ohomorihi aa mẹ ka yaa nyị ọtụtụrụma, dị ya rẹ nyị isuuru.

Anẹhwẹsọsị 6:17

Dọ ẹdọha oni Ohomorihiī sịị yị ọza nịnị! Ọnọọ vị ana rẹ sị mẹẹ anka amu enyusẹ-enyusẹ ene eē kú avọọ. Rẹ sị ịrẹyị Ohomorihi rị ụvọ. Ọnị vị ana rẹ sị mẹẹ anka ụhwọ ọnị. Ụhwẹ Ọnịnị sị wụ nịnị.

Iwe Ọhụhị Imosiisi ana aa hị́ Ọyịvatụrọda 8:3

Ộ mẹ ka ụngwẹ ọ̀ kụ̀ wụ nịnị, dị ọ̀ rẹ sị ịsọyịrị ana a hị́ Imana yị wụ nịnị. Ohiku ẹnịnị ẹ yị vịdị rị ẹngụ ịsa ọnọọ daa Ẹnẹyịmavara vene si ka ẹ yẹ ka ịsọyịrị kẹnẹ ọ zụ sị ọza vị ọza ayị vị avaba ịrẹyị ọnị ọnị ka.