Imatiwu 4:23 - IWE ỌNỊNỊ

²³ Ijeesu aa ngụ avaba Igariri zị, dị aa zụ̀ wa ịsa ini irehi ahẹkẹ Aniju ẹnịnị, dị aa kà enube ọyịza ịjọva Ohomorihi, dị ọ raa mẹ avaba ụkụ irenyi-irenyi yị aza ịnị akakana aza ẹnẹẹ nị.

Imatiwu 4:23 Iomraidhean Croise

Ahẹ Ụgama 103:3

Ọnị ọ và hụụnị avaba ebira odivi ọnị mị mẹ yị mị, dị ọ mẹ avaba ịhị ana za mị nị.

Ahẹ Ụgama 74:8

Ẹ sị ọ kà tụ́ ịnị ayị ẹnịnị ka vị ẹnị vaa wụ̀ yịị vaa ha nị. Avaba ịzị a yà aa hẹkẹ Ohomorihi ịnị ẹtẹ ayị vị ẹnị ẹ vị ịra bemi-bemi.

Imatiwu 11:5

Ogweyi nịnị ee re ẹtẹ, oswahụ nịnị aa zị ụsẹ, aa mẹ ọnịkụ ọbanyị nịnị ụkụ. Ogutọ nịnị raa wụ́ ịrẹyị, aa ha oku nịnị kwẹẹtẹ hụụnị isu. Dị a raa kà enube ọyịza yị onosiye nịnị nị.

Imatiwu 12:9

Dị Ijeesu hụụ ịzọọ, dị ọ nọ ini irehi Ohomorihi ẹnịnị nị.

Imatiwu 13:19

Ọza ọ̀ọ wụ́ ịrẹyị ịjọva Ohomorihi dị ọ̀ yị yẹ ịsị ọ wụ́ nị, di Echu vẹ, dị ọ va sị ịsa enee mi tụ́ ịnị ayị hụụ ịzọọ. Ọza ọnọọ vị ana yà anka ihu enee mi tụ́ ụtọ oze avọọ.

Imatiwu 13:54

Dị ọ va ngụ ịnị ẹkụra anị, dị aa zụ̀ wa ịsa ini irehi ahẹkẹ Aniju ẹnịnị, ana ahịka ô hí wa irenu. Dị ẹ ka, “Ho! Ịzị ọ maanị ne re ịrẹyọyẹ hụrẹ? Wee re ụkọrọ ohyozirenu anị?

Imatiwu 14:14

Dị Ijeesu jịnẹ hụụnị ẹpa nị. O mè re ọkọnị aza ẹnẹẹ, ayị ẹnịnị ộ vá a, dị ọ mẹ ọnịkụ ẹnịnị ụkụ nị.

Imatiwu 24:14

A vaa kà enube ọyịza ịjọva Ohomorihi ịnị avaba ẹhẹ, agụvị dị ọ̀ vị ivenu yị avaba anẹhẹ; ịjọnọọ ọgọnị, dị ẹzẹtẹ ẹhẹ vẹ.

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

Imatiwu 9:35

Ijeesu aa ngụ avaba ẹkụra ọbanyị ọnịrị ẹkụra oweyii zị, dị aa zụ̀ wa ịsa ini irehi ahẹkẹ Aniju ẹnịnị nị, dị aa kà enube ọyịza, Óhomorihi mẹmẹ aa mẹ ịjọva nị. Dị ọ raa mẹ avaba ụkụ irenyi-renyii yị aza nị.

Ịmaakị 1:14

Ịrẹma anaa sị Ịjọọnụ za tụ́ ịnị ẹngwa, dị Ijeesu va ngụ Igariri, dị aa kà enube ọyịza Ohomorihi nị,

Ịmaakị 1:21

Ẹnịnị ẹ va ngụ Ikapanawumi. Ẹ́kụhị ụhwọtụ mè yi tù kẹnẹ, dị Ijeesu ngụ ini irehi ahẹkẹ Aniju, dị aa sị ịsaa zụ̀ aza nị.

Ịmaakị 1:39

Dị aa ngụ ẹtẹ Igariri zịịzị nị, dị aa kà ịrẹyị Ohomorihi ini irehi ahẹkẹ Aniju ẹnịnị, dị aa dụ ụhwẹ echu nịnị jịnẹ hụụnị ẹngụ aza nị.

Ịmaakị 3:10

Ijeesu ọ raà mẹ aza ọrụrụ-ọrụrụ ụkụ; agụvị avọọ dị avaba ọnịkụ nịnị kụkụ aa haraa kú ọ nị, agụvị dị ẹ̀ zụ sị ụvọ kanyị ọ.

Ịmaakị 6:2

Ẹkụhị ụhwọtụ mè si tù, dị Ijeesu aa zụ̀ aza ịsa ini irehi ahẹkẹ Aniju nị. Aza ọrụrụ-ọrụrụ hi ịzọọ. Ẹ mẹ̀ wụ́ ịrẹyị anị, ô hí wa irenu ẹtẹẹtẹrẹ. Dị ẹnịnị aa họ̀ ẹngụ ka, “Ịzọọ maanị re avaba ẹsẹnị hụrẹ? Ẹnẹ maanị sị ịrẹyọyẹ yọ? Wee re ụkọrọ ẹbanyị-ẹbanyị ana aa mẹ!

Ịmaakị 6:6

Ô hí oo irenu pooro, agụvị ka aza ẹ yị dọ wụ́. Dị ọ hụụ ịzọọ, dị aa ngụ ịnị ẹkụra ọsa ana gụrị ịzọọ zịịzị, dị aa zụ̀ wa ịsa nị.

Iruuku 10:9

mẹ ọnịkụ ene èe hi ịzọọ ụkụ nịnị! dị ụ wa kà a yị wa ka: ‘Ohomorihi aa vaa mẹ ịjọva tụra wụ nịnị ịrẹsụ!’

Iruuku 13:10

Ịnị ẹkụhị ụhwọtụ ọnya, di Ijeesu aa zụ̀ aza ịsa ini irehi Ohomorihi Aniju nị.

Iruuku 16:16

“Ọda Imosiisi ọnịrị ịrẹyị ọnịsẹ nịnị ẹ́ jẹẹ pooro ve tù ụmẹ Ịjọọnụ ọhwọzenyi. Hụrẹ ụmẹ ọnọọ a hụrẹ aa kà enube ọyịza ka Ohomorihi aa mẹ ịjọva nị. Ọzọza aa vụrịị sị ụkataa ngụ ọọ.

Iruuku 20:1

Ẹkụhị ọnya, Íjeesu màa zụ̀ aza ịsa ini irehi Ohomorihi, dị aa kà enube ọyịzaa yị wa nị. Ohirẹsụ ẹbanyị irehi Ohomorihi ọnịrị ọzwọzọda nịnị beri ọdọvịdị nịnị ê ve tù,

Iruuku 4:14

Ijeesu ộ và nọ Igariri, dị ụkata Ụhwẹ Ọnịnị yà rị ọọ nị. Ịrẹyị anị ọ sị ngụ ịrẹyị ngụ avaba ịzọọ zị.

Iruuku 5:17

Ẹkụhị ọnya, dị Ijeesu raa zụ̀ aza ịsa nị. Â nyị Anihwarisi nịnị ọnịrị ọzwọzọda nịnị ana yaayịtẹ ịzọọ. Ẹnịnị vị ana hụrẹ avaba ẹkụra Igariri vẹ, ọnịrị Ijudiya beri Ijerusarẹmị. Ụkata Ohomorihi yà rị ọọ ana aa sịị mẹ aza ụkụ.

Iruuku 6:17

Ịjị Ijeesu ọnịrị ezirẹma anị zi chí vẹ, dị ọ Jẹẹ inozi nị. Dị aza ịrẹma anị ọrụrụ-ọrụrụ ẹnịrị ọkọnị aza ana hụrẹ Ijudiya ọnịrị Ijerusarẹmị ne beri ẹkụra Ịtaya ọnịrị Ịsịdọnị ene hi ụtọ oku va gụ kara a nị. Di eyee sì ka ẹnị ẹ̀ wụ́ ịrẹyị anị, dị ẹ̀ rẹ mẹ ẹnị ụkụ nị.

Iruuku 6:6

Ịnị ẹkụhị ụhwọtụ ọsa, di Ijeesu rẹ ngụ ini irehi ahẹkẹ Aniju, dị aa zụ̀ aza ịsa nị. Â nyị ọza ịnya aanị ịzọọ, ene sú ụvọrị.

Iruuku 7:21

Ụmẹ ọnọọ gẹdẹ-gẹdẹ, Ijeesu ộ mẹ̀ ụkụ ọrụrụ-ọrụrụ yị aza; ộ dụ ụhwẹ echu jịnẹ hụụnị ẹngụ aza, dị ọ rẹ há eyi ogweyi nịnị nị.

Iruuku 7:22

Dị ọ tụ́ ọnụtụ ẹnẹẹ ohi, dị ọ kà a yị wa ka, “Na kà a yị Ịjọọnụ nịnị ịsị u re ọnịrị ịsị ụ wụ́ nịnị! Ogweyi nịnị ee re ẹtẹ, oswahụ nịnị aa zị ụsẹ, aa mẹ ọnịkwọbanyị nịnị ụkụ, ogutọ nịnị raa wụ́ ịrẹyị, aa ha oku nịnị kwẹẹtẹ hụụnị isu, dị a raa kà enube ọyịzaa yị onosiye nịnị nị.

Iruuku 8:1

Ịnị ụmẹ ọnya, di Ijeesu aa ngụ ịnị ẹkụra ọbanyị ọnịrị ẹkụra oweyii zị, dị aa kà enube ọyịza ịzị Ohomorihi yà aa mẹ ịjọva nị. Ọnịrị ezirẹma anị ẹwụrẹva ẹ zị nị.

Iruuku 9:11

Ịjị aza sị yẹ, dị ẹ yaa dụ ọọ na nị. Dị Ijeesu dọ wa pe ẹngụ, di aa kà ịrẹyị ịjọva Ohomorihii yị wa, dị ọ raa mẹ aza ẹnẹ ẹngụ aa zị ụkụ nị.

Iruuku 9:60

Dị Ijeesu kà a yọ ka, “Navọ oku nịnị èe ne oku ẹnịnị; ama ẹwà naa kà enube ọyịza ịjọva Ohomorihi!”

Ịjọọnụ 18:20

Dị Ijeesu tụ́ ohi, dị ọ ka, “Ịnị eyigede mị yàā kà ịrẹyị amịị yị avaba anẹhẹ nị. Ini irehi Ohomorihi mị yàā zụ̀ aza ịsa nị, ọnịrị ini irehi Ohomorihi ịzị Aniju nịnịị̄ kụ́ gụ. Ẹ yị nyị ịrẹyị amị ọnị mịị̄ kà ini ewere.

Ịjọọnụ 6:59

Ịrẹyị ẹnẹnị vị oni Ijeesu kà, ọ màa zụ̀ aza ịsa ini irehi Ohomorihi Aniju nịnị ẹkụra Ikapanawumi.

Ịjọọnụ 7:1

Ịrẹma ẹnẹẹ, di Ijeesu aa ngụ Igariri zịịzị nị. O yi sì ka ọnị ọ̀ varẹma nọ Ijudiya, agụvị ka Aniju nịnị ene hi ịzọọ, ee sì ka ẹnị ẹ̀ wụ ọ.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 18:4

Ẹkụhị ụhwọtụ-ẹkụhị ụhwọtụ, dị Ịpọọrụ aa nọ ini irehi Ohomorihi Aniju ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị ịzọọ, di ee pe waa kà ịrẹyị nị. Di ee sì ka ọnị ọ̀ mẹ ka Aniju ọnịrị Anigiriki nịnị ẹ̀ vara ayị nị.

Odeyi 20:25

“Ma raà na kà enube ọyịza yị avaba awụ nịnị ka Ohomorihi ọ vị ohinọyị nị. Mâ yẹ ka we mē vene kuku re mi nịnị.

Odeyi 28:31

Aa kà ịrẹyị, Óhomorihi mẹmẹ aa mẹ ịjọva, dị ọ raa sị ịrẹyịị zụ̀ wa ini oze Ijeesu nị. Aa sị ọtụtụrụma kà ịrẹyị, ẹ yị nyị ọza ana dọ ọ oro.

Aniroomi 10:15

Ọza ọ̀ yị tụ́ ọza ka ọ̀ na kà enube ọnọọ, ọ mẹmẹ va naa kà a? Â vịdị vavọọ chẹrẹẹ tụ́ ini Iwe Ohomorihi ka, “Ọọ da zoza kẹnẹ ka aza anaā kà enube ọyịza aa vẹ.”