Imatiwu 4:20 - IWE ỌNỊNỊ

²⁰ Obooboro ọnọọ, dị ẹ và ọha ẹnịnị hi ẹtẹ, dị ẹyaa dụ ọọ ịrẹmaa na nị.

Imatiwu 4:20 Iomraidhean Croise

1 Ohinọyị 19:21

Ịzẹyịza di Erisa varẹma, dị ọ na kụ́ imaaru ọnị ọ kụ́ ọkẹẹkẹrẹ tụ́ dị ọ wụ̀ wa, dị ọ sị mẹ̀ ịsọvọ nị. Dị ọ sị ọkẹẹkẹrẹ ẹnẹẹ dị ọ sị chịnẹ uye ẹnẹẹ, dị ọ kụ́ wa yị aza dị ẹ rị ọ nị. Di Erisa kwẹẹtẹ, dị aa dụ Erijaa ịrẹma, dị aa zị ọ ụtụ nị.

Ahẹ Ụgama 119:60

Obooboro mị vaa saasa ọda awụ nị, mẹ yị vaa za a tụra ẹtẹ.

Imatiwu 10:37

Ọza ene èe sì ịrẹyị ada anị, àa vị ọnyị anị huna mị, ọ yị hụ ọ vị áamị. Ọza ene èe re sì ịrẹyị ozi ọnọrụ anị, àa vị ozi ọnẹẹ anị huna mị, ọ yị rẹ hụ ọọ vị áamị.

Imatiwu 19:27

Dị Ipita ka, “Re, avaba ịsa ẹ́yị navọ tịtẹ, dị yaa dụ wụụ zị nọ; sị ẹyị kụkụ vaa nyị aanị?”

Imatiwu 4:19

Dị Ijeesu kà a yị wa ka, “Waa dụ mị ịrẹma nịnị, ka mị vaa vara wụ nịnị ọza anaā kụ́ azaa vẹ, anka ụ mẹ̀ẹ̄ kụ́ ivovo nịnị avọọ.”

Imatiwu 4:21

Ọ mẹ̀ rẹ hụụ ịzọọ aa na, o re re ẹyịnyara ẹẹva ọsa, Ijemiisi ozi Izebedi ọnịrị Ịjọọnụ ọyịnyara anị. Ẹnịnị hi ịnị ẹpa beri Izebedi ada ẹnịnị, ẹ yaa gẹ ọha ẹnịnị. Dị Ijeesu hị́ wa nị.

Iruuku 5:11

Dị ẹ sị ẹpa ẹnịnị vẹ ụtọ irehu, dị ẹ navọ avaba anị tụ́ ịzọọ, dị ẹyaa dụ Ijeesu ịrẹma nị.

Anigaratiya 1:16

dị ọ sị Ozi anị zụ̀ mị ka ma nyẹngụ kà enube ọyịza anị yị anarịmadọwụ nịnị nị. Ụmẹ ọnọọ ẹ yị nyị ọza ọnyọọnyị oni mi sị pe gẹ eyi.