Imatiwu 4:2 - IWE ỌNỊNỊ

² Ịjị Ijeesu sị awẹ ba ẹkụhị ẹbẹẹva ọọdụ ọnịrị ịrahụ, dị ụngwẹ aa kụ̀ ọ nị.

Imatiwu 4:2 Iomraidhean Croise

1 Ohinọyị 19:8

Ịzẹyịza di Erija kwẹẹtẹ dị ọ rẹ rị ịsa, di o re hú enyi nị. Ịsa ọnị ọ vavọọ rị avọọ ộ sị ụkata yọ ka ọ̀ zụ zị ụsẹ mẹ ẹkụhị ẹbẹẹva ọọdụ ọnịrị ịrahụ, pooro dọ ọ va na ngụ ịnị ataba Ohomorihi ana aā hị́ Ịhọrẹbị.

Ọyịkụra 24:18

Di Imosiisi ngụ eguhi ọnọọ ọ màa hịrẹ nọ ịnị ataba ọnọọ nị. Dị ọ vavọọ yà ịnị ataba ịzọọ ọọdụ ọnịrị ịrahụ ẹkụhị ẹbẹẹva nị.

Ọyịkụra 34:28

Imosiisi ọnịrị Ẹnẹyịmavara ê hi ịrẹsụ ataba ịzọọ ọọdụ ọnịrị ịrahụ pooro mẹ ẹkụhị ẹbẹẹva. Imosiisi ọ yị rị ịsa, o yi hú enyi. Dị ọ sị ọparị ẹnẹẹ ana a sị ịrẹta bẹ, dị ọ chẹrẹ ịrẹyị oni Ohomorihi ọnịrị Anisirẹrị ka tịtẹ tụ́ ọ nị. Ịrẹyị ẹnẹẹ ọ vị ọda ẹẹwụ oni Ohomorihi mẹ yị wa nị.

Imatiwu 21:18

Ẹnẹnẹ viri-viri eyinẹhẹ anị, ọ mẹ̀ varẹma aa nọ Ijerusarẹmị, ụngwẹ aa kụ̀ Ijeesu,

Imatiwu 25:35

Agụvị ka ụ́ngwẹ màa kụ̀ mị, wâ dà ịsa mị nịnị. Ónyi màa kụ̀ mị, wa rẹ sị enyi yị mị hú nịnị. M mẹ̀ vị ọzọga vẹ, wê sì mi ọzọga nịnị.

Imatiwu 25:42

Agụvị ka, ụ́ngwẹ màa kụ̀ mị, wẹ yị dà ịsa mị nịnị. Ónyi màa kụ̀ mị, wẹ yị ká enyi mị hú nịnị.

Ịmaakị 11:12

Ẹnẹnẹ eyinẹhẹ anị, ẹ mẹ̀ hụrẹ Ịbẹtanị aa vẹ, ụngwẹ aa kụ̀ Ijeesu.

Iruuku 4:2

Ịzọọ Échu na yà zama a re mẹ ẹkụhị ẹbẹẹva nị. Ịnị avaba ụmẹ ọnọọ, ẹ yị nyị ịsị Ijeesu rị. Ịjị ẹkụhị ẹbẹẹva sị gụ, dị ụngwẹ aa kụ̀ ọ nị.

Ịjọọnụ 4:6

Ịkangga Ijekọvụ vị ana rẹ yà ịzọọ. Íjeesu mè tù ịzọọ, ụsẹ ọnọọ ọ sị ngụ ọọ ẹngụ, dị ọ yaayịtẹ ụtọ ịkangga ọnọọ nị. Ẹhụụ ụmẹ agogo ẹwụrẹva ọọdụ avọọ, ọ vavọọ sị na ngụ ịzọọ nị.

Iwe Ọhụhị Imosiisi ana aa hị́ Ọyịvatụrọda 18:18

Mị vaa tụ ọnịsẹ ọnya anka ẹwụ hụụnị ẹngụ ẹnịnị hi wa. Mị vaa kà a yị ọ ịrẹyị ọnị ọ́ vaa kà; dị ọ kà a avaba ịrẹyị ọnị mị kà yọ yị wa.

Iwe Ọhụhị Imosiisi ana aa hị́ Ọyịvatụrọda 9:18

Mâ rẹ vana vaku ẹtẹ ọvịdị Ẹnẹyịmavara ọọdụ ọnịrị ịrahụ ẹbẹẹva; mẹ yị rị ịsa ọnyọọnyị, mẹ yị re hú bẹẹ. Agụvị ka wa raa rị ịvị Ẹnẹyịmavara, wâ mẹ ayị kụ́ ọ nịnị mị maanị sị mẹ nị.

Iwe Ọhụhị Imosiisi ana aa hị́ Ọyịvatụrọda 9:25

Agụvị ka ẹ mẹ̀ uyi ori ẹnịnị vene imaaru, dị Ẹnẹyịmavara kà a ka oni e vu wa ẹtẹ. Agụvị avọọ ọnị tana tụra ẹtẹ ọọdụ ọnịrị ịrahụ ẹkụhị ẹbẹẹva,

Iwe Ọhụhị Imosiisi ana aa hị́ Ọyịvatụrọda 9:9

Imosiisi ka ọnị ộ hịrẹ nọ ịrẹsụ ataba ka ọnị na dọ ọparị ịrẹta ana a chẹrẹ oto ọnị Ẹnẹyịmavara wo yị ẹnịnị tụ ịnị anị. Ọnị ộ ya ịzọọ ọọdụ ọnịrị ịrahụ ẹbẹẹva, mẹ yị rị ịsa, me yi hú ịsa ọnyọọnyị.