Imatiwu 4:13 - IWE ỌNỊNỊ

¹³ Dị ọ hụrẹ Ịnazarẹtị, dị ọ va yà Ikapanawumi ana yà akaha ụtọ irehu, ana yà ịnị ẹtẹ Izeburuni ọnịrị Inahwitari nị.

Imatiwu 4:13 Iomraidhean Croise

Imatiwu 11:23

Ẹwụ nịnị Anikapanawumi, wéé ro ka a vaa kà wụ nịnịị hịrẹ naa ngụ ẹbẹẹba? Vụrụ-vụrụ! Vaa vaa sị wụ nịnị, di e ne wu nịnị ngụ ini ẹkụra nị! Àa yaanị mẹ̀ ụkọrọ ohyozirenu ẹkụra Isodọmị, a mẹ̀ mẹẹ ị́dị awụ nịnị, ọ yaanị yị yà ịzọọ pooro ve tù ajịnị.

Imatiwu 17:24

Dị Ijeesu ọnịrị ezirẹma anị va ngụ Ikapanawumi nị. Dị ọza anaā dọ ẹkẹhị irehi ahẹkẹ Aniju ve tù Ipita, dị ọ ka, “Aanịka ọga awụ ọ mā tụ́ ẹkẹhị irehi?”

Imatiwu 4:14

Ộ vavọọ mẹ agụvị ịsa ana Ayịsaya ọnịsẹ kà, ọ̀ zụ sẹ ka:

Imatiwu 4:15

“Ẹwụ ẹtẹ Izeburuni ọnịrị ẹtẹ Inahwitari ana yà ọgụrị ụtọ irehu, ákẹnẹ Ijodani, ana vị Igariri ẹtẹ anarịmadọwụ nịnị.

Imatiwu 9:1

Ijeesu ộ ngụ ịnị ẹpa ọnya, dị ọ varẹma nọ akẹnẹ irehu, dị ọ nọ ịnị ẹkụra anị nị.

Ịmaakị 1:21

Ẹnịnị ẹ va ngụ Ikapanawumi. Ẹ́kụhị ụhwọtụ mè yi tù kẹnẹ, dị Ijeesu ngụ ini irehi ahẹkẹ Aniju, dị aa sị ịsaa zụ̀ aza nị.

Ịmaakị 2:1

Ộ da kù chee Ijeesu ộ vavẹ va ngụ Ikapanawumi. Anẹkụra ẹnẹẹ ẹ sị ọọ wụ́ gẹtẹ ka ọ yà ini eehi.

Iruuku 10:15

Ẹwụ nịnị Anikapanawumi, wéé ro ka a vaa kà wụ nịnịị hịrẹ na ngụ ẹbẹẹba? Vụrụ-vụrụ! Va vaa sị wụ nịnị di e ne wu nịnị ngụ ini ẹkụra nị.”

Iruuku 4:23

Dị Ijeesu rẹ kà a yị wa ka, “Mâ yẹ ka u vee che ụhịrẹyị ọnọnịị mị nịnị ka: ‘Omahọnọ, wẹ rẹ̀ mẹ ẹngụ awụ ụkụụ! Avaba ịsị yaa wụ́ ka wâ mẹ Ìkapanawumi, rẹ mẹẹ ẹkụra awụ ịzẹnị bẹẹ!’ ”

Ịjọọnụ 2:12

Ịrẹma ọsọnị, Ijeesu ọnịrị ọnyị anị beri ẹyịnyara anị ẹnịrị ezirẹma anị ê chí nọ Ikapanawumi. Dị ẹnịnị yà ịzọọ mẹ ẹkụhị chee kẹnẹ nị.

Ịjọọnụ 4:46

Dị Ijeesu rẹ va nọ Ikana ịnị ẹtẹ Igariri, ịzọọ vịdị yà sị enyi vara eche nị. Â nyị ọzọbanyị ọnya ịzọọ, ẹnẹ ẹngụ aa zị ozi anịị tụ́ Ikapanawumi.

Ịjọọnụ 6:17

Ẹ́ na ngụ ẹpa, dị ẹyaa jịnẹ irehuu nọ Ikapanawumi nị. Ẹtẹ o si hozi. Ijeesu ô yi ve tù wa.

Ịjọọnụ 6:24

Ịjị ọkọnị aza ẹnẹẹ re ka Ijeesu ọnịrị ezirẹma anị ẹ yị kụkụ yà ịzọọ, dị ẹ ngụ ẹpa, dị ẹ nọ Ikapanawumi ne ee sì Ijeesu nị.

Ịjọọnụ 6:59

Ịrẹyị ẹnẹnị vị oni Ijeesu kà, ọ màa zụ̀ aza ịsa ini irehi Ohomorihi Aniju nịnị ẹkụra Ikapanawumi.