Imatiwu 4:11 - IWE ỌNỊNỊ

¹¹ Ịjọnọọ dị Echu kwooze yọ, dị anggẹẹrị nịnị vaa mẹ ozi ahụụ yị Ijeesu nị.

Imatiwu 4:11 Iomraidhean Croise

1 Ohinọyị 19:6

Di Erija kana eyi, di o re ka Ịbụrẹẹdị yà ịrẹsụ akịna, di enyi rẹ yà ịnị agoro tụ́ ịzọọ nị. Di Erija kwẹẹtẹ dị ọ rị ịsa, di o hú enyi, dị ọ rẹ varẹma hụtụ nị.

Imatiwu 26:53

Wéé ro ka mẹ yị nyẹngụ kà a yị Ada amị, dị ọ kụ́ ọkọnị anggẹẹrị nịnị va mị booro aanị?

Imatiwu 4:6

Dị ọ kà a yọ ka, “Àa vị Ozi Ohomorihi ụ vị nị, ji hi ẹtẹ! Wâ yẹ ka a sị ọọ chẹrẹ ka: ‘Ọ vaa mẹ ọdaa yị anggẹẹrị anị agụvị awụ, dị ẹ gụ wụ rị ụvọ, agụvị asị ụ na gù ahụ awụ chire ịrẹta.’ ”

Ịmaakị 1:13

Ijeesu ộ yà ịzọọ pooro, ộ mẹ̀ ẹkụhị ẹbẹẹva ịzọọ. Dị Echu na zama a re nị. Uye ịnị avị nịnị vị ana rẹ yà ịzọọ bẹẹ, ama anggẹẹrị nịnị aa mẹ ozi ahụụ yị Ijeesu nị.

Iruuku 22:43

[Dị anggẹẹrị ọnya hụrẹ ẹbẹẹba vẹ, di o ve tù ọọ, dị ọ sị ụkata yọ nị.

Iruuku 22:53

Ẹ́mị rị ẹwụ nịnị mẹ̀ẹ̄ yà ini irehi Ohomorihi eyinị-eyinị, wẹ yị sị ụvọ kanyị mị nịnị. Ama ụmẹ awụ nịnị ọnịrị ụmẹ ụkata ịrahụ o si tù.”

Iruuku 4:13

Ịjị Echu sị ọ zama re ta, dị ọ hụụ ịdị anị chee nị.

Ịjọọnụ 14:30

Me yi kuku sì ka ma kà ịrẹyịị wụ nịnị gọdọ hu aanị, agụvị ka ohinọyị ẹhẹ ọnọnị aa vẹ. Ama ọ yị nyị ụkata ị́rẹsụ amị.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

Anihiburu 1:14

Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.

Anihiburu 1:6

Óhomorihi màa vaa tụ́ Ozi anị ọnị ọ nyị mẹ ọọnyị vẹ ẹhẹ, ọ rẹ kà a ka, “Avaba anggẹẹrị Ohomorihi nịnị ẹẹ hẹkẹ ẹ.”